2 Tèsàlonikà 1:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghàs kyi sə̂ fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn ə ghɔnyìə. Ə̀ nyì ke nâʼà èghɛ echuŋzè kə ghàs nə̂ nyi kûmə̀ nə kyî epomə̂ zaynze sê Klâys ndəmə̂ ndûə kə èshike, kɔ̂ŋ zaynze sê ngɨŋ saynse e fɨnə ndəmə̂ ndûə kə èshike.

2 Tèsàlonikà 1:3 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Tom èchùŋ kè kə Lûk tè nyaʼ 17:5

Ghɨətomə ə se pi sê Pɛ̂ nə, “Nə̀ ə ghàs tɔʼ kyi èpomə̂ sê Zhə̀fè!”

Njɔyn 15:2

È tsɔynə màʼa nâʼàpî ngɔyn èkè ə Mì ewìyn zɛ ə è muə va twɔmve, fɨnə chɔʼtə̂ tsɨsə̀ sèngɔyn sɛ ə se muə va twɔmve, kə fə zo kɛsə̂ muə ètwɔm etsɨəve

Ŋwàʼlè ə̀ Pɔ̂l sê ghɨə Lûmghè 1:8

Elùʼ əshive, m fo àzɔ̀ŋnè se Zhə̀ fɨmfe kûmə̀ ghàyn əkɨ̂m ə Njisə̀s Klâys ezə. M fo àzɔ̀ŋnè se Vəyn kûmə̀ nə pomə̂ zayn se Njisə̀ Klâys chyà ndûə kə ndò mbi èkɨ̂m.

1 Kɔlìŋ 1:4

M fo àzɔ̀ŋnè sê Zhə̀ fɨmfe shîŋə̀ tekɨ̂m kûmə̀ ghàyn, kûmə̀ àfùʼ kɛ ə è fo sê ghàyn tɔynə̂ ə Klâys Njisə̀s.

2 Kolìŋ 10:15

Ghàs pâʼà nə̀yn pofsê ghɛze kə epfɨ̂yn angàŋtèzè kûmə̀ èfɨaʼ mə ghàs paʼà nə̀yn. Ghɛ zɛ ə ghàs lotə kyiŋə nyi nə ghàyn ə ndəmə̂ ə ghàyn epomə̂, kə fɨ̂aʼ zɛ ə ghàs nə̂ ə ghàyn əfètəyn pɔŋ zham nâʼà sə ŋaŋ.

Ɛfesùs 5:20

Ghàyn e fo àzɔ̀ŋnè sê Zhə̀fè fɛ ə nyi Pɨ̀a kûmə̀ nâʼàpî ghè kè shîŋə̀ tekɨ̂m kûmə̀ Pɛ̂pɛ ə̀ ghâsènì Njisə̀s Klâys.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Filìpây 1:9

M tsə̂mə̀ nə Zhə̀fè nəyn kɔ̂ŋ zɛ ə ghàyn kyi sê ngɨŋ saynse è kɨsè sê Zhə̀fè, ə zə ndəmə̂ ndûə kə əshi. M tsə̂mə̀ kəpi nə ghàyn ə ke ə̀ghɛ ghɛ ə ghe nyi səmɔʼ kûmə̀ Fèzhə̀, è kɨsè nə ghàyn ə ke sənɨŋ ə tə̂ èghɛ zɛ ə̀ nyì ze chûŋzè è zɛ ə̀ nyì ze pize.

1 Tèsàlonikà 3:12

Ghàs tsə̀mə̀ kəpî nə Pɛ̂pɛ nəyn ə kɔ̂ŋ zɛ ə ghàyn kyi sê ngɨŋ saynse, è kɨsè sê ghɨə mɔ̀ʼɔghe əkɨ̂m ə ndəmə̂ ndûə kə ndò, kèpî kə zɛ ə ghàs kyi sê ghàyn.

1 Tèsàlonikà 3:6

Timotì ə kɛse pəyn zôyn ə tsâ saʼghe èchùŋ sê ghàs nə ghàyn pa kyi ke ndò kyî epomə̂zè se Klâys, fɨnə kɔ̂ŋɔ̀ ə̀ghɨ mɔʼɔ. È və fɨyn pi nə ghàyn kwàʼtə̀ ghàs nâʼàpî ashìŋə̀ àkè, ghàyn e saŋnə kə nyî, kɔ̂ŋɔ̀ se fɨnə fe ghàs kèpi kə ghasè vəyn kɔ̂ŋɔ̀ se fe ghàyn.

1 Tèsàlonikà 3:9

Ghàs vayn fo àzɔ̀ŋnè se Zhə̀fè endom vɛ ə ke kaʼa ke kwəyn shîŋə̀ kɛ ə ghàs tsə̀mə̀, kûmə̀ nə ghàyn ə nə̀yn ghàs ghe kyi saŋnê etsɨəze.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

2 Tèsàlonikà 2:1

Ghàs kyiŋə se wàmnè sê ghàyn kûmə̀ èpə̂ Pɛ̂pɛ ə ghâsènì Njisə̀s Klâys, è kɨsè kûmə̀ kə Zhə̀fè tə Zûŋtə̀ ghâsènì luʼve mɔ̀ʼ nə ə kwəyne è vəyn è Njisə̀s; ghàs chyatə̂ ghàyn ə ghɔnyìə nə,

2 Tèsàlonikà 2:13

Ghɔnyìə, ghàs kyi ndô sə fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn. Pɛ̂pɛ ə kɔ̀ŋ ghàyn, ghàyn e nyi anɔ̂yn ə ghɨ̀ kɛ ə fe tè chɔʼ ə zhə̀te se sɔzà tɔynə̂ efɨ̀aʼ zɛ ə Zuʼse Ŋwaʼase nə̂, è kɨsè tɔynə̂ ə ghàyn ekyî epomə̂zè eghɛ zɛ ə ze nyi səmɔʼ kə è nəyn ghàyn ə ghàyn ə nyi ə̀ ghɨə vəyn ghe ŋwaʼaghe.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

2 Pità 1:13

M kwaʼtə̀ nə ə̀ nyi efə̂ zɨmze nə mə pɨ̂əytə̀ ghàyn famə əghɛ kè kə m pa ndamə.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.