2 Pità 3:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Pîza kwutwəyn vɛ ə ve nyi zôyn, è chi kɛ ə ke nyi zôyn nyi mə ə̀ pisə̂ zâ Fèzhə̀ tɔynə̂ kəpî fɛ ə vəyn ewàmnè kə shîŋə̀kè tə kwəyn, ə è pofse ghənə è wusve. È pisə̂ zâ ghənə sê shîŋə̀ kɛ ə è tə saʼà pofsə ghɨ ghɛ ə ghe ke va vəyn.

2 Pità 3:7 ပူးပေါင်းရင်းမြစ်များ

Matyò 10:15

M pîə sê ghàyn səmɔʼ nə ə̀ tə nə̂ ə nyi etuʼ ə saʼe, ə Zhə̀fè chwite kosê esəyn ghaʼâzè sê tɔ̂ŋ ə̀ Sondòm è ghɨə Ngòmolà tsɛ̂ kə Fe chwîtə̀ sê ghɨə tɔ̂ŋ nə ghɨ̂nə̀.”

Matyò 11:22

M piə sê ghàyn səmɔʼ nə, ə tə nə̂ ə nyi etuʼ ə saʼe, Zhə̀fè tə chwîtə̀ èkosê esəyn tsɨəze sê ghɨə Tayà è ghɨə Sindɔ̀nə̀ tsɛ̂ kə Fe tə chwîtə̀ sê ghàyn.

Matyò 11:24

M piə sê ghàyn nə, ə tə nə̂ ə nyi etuʼ esaʼ ə Fezhə̀vè, ə Zhə̀fè chwite kosê esəyn tsɨze sê ghɨə Sondòmə̀ tsɛ̂ kə fe kaʼa Fe chwite sê ghàyn.”

Matyò 12:36

M tsâ sê ghàyn səmɔʼ nə ə̀ tə nə̂ ə nyi ə fetuʼ fə saʼfe ə nâʼà pîndè tsayn ghɛ epi zɛ ə è nyi mə è və tyəmə pîə.

Matyò 24:35

Kwutwəynve è chike tə tsɛ̂ ndô pîza, ghɛ zɨme tə ndamə faŋə kə ndò.

Matyò 25:41

Ə è ke pì se ghɛ ə vəyn ekɔyn ekôvè nə, ‘Ghàyn tə ə mì əshi, ghàyn ghɨnə Zhə̀fè ti ndi sê ghàyn nyî. Ghàyn ndu ewùs vɛ ə ve pɛ ndɨmə̂ va mə Zhə̀fè pɨaʼtê ndə̂m sê ndə̂plè è tsì sə vəynse.

Ŋwàʼlè ə̀ Mâk 6:11

Ghànə ndùə ə tɔ̂ŋ, ə tə nə ə fiə ndzɨsə̂ va ghàyn, ə tə nə ə zɨtə̂ va ghɛ zɛ ə ghàyn pìə, ghànə ndò fumə. Ghàyn pìə ə ndô ndò, ghànə puʼə sètsɨm saynse sê ghənə, se nə̀yn nə ke nə pîə ghənə ə faŋ sê ghənə.”

Njɔyn 12:48

Ghɨ ghɛ ə tə Mi, ə tàʼa pomə tom zɨ̂mzè, nyîə kyi wùə vɛ ə è tə saʼa ghənə. Ghɛ ghɛ M nyi mə mə wàmnè tə pə ə nyi ə̀ghɛ ghɛ ə tə saʼa ghənə ətəyn etuʼ ekwuŋsəve.

Ŋwàʼlè ə̀ Pɔ̂l sê ghɨə Lûmghè 2:5

Pîza, ghàyn nyi mə tɛsê təm ghaynghe, ə tə nə ghàyn maʼà va ghɛ ghaynghe pighe, E tyə̂ nə ghàyn zɔmtə̂ kə epɔynsê ə Fezhə̀zè ə ghàyn ətu, mə È tə pɔynsə ghàyn ə Fetuʼ fə saʼfe. Fumə ə fetuʼ Zhə̀fè tə tyə̂nə̀ paynsə̂ ètɔŋ enyɔʼsə ə vəynve, ə è tyəyn paynsê kepî nə ndom vɛ ə è saʼa ətəyn nyi chichi.

1 Kɔlìŋ 3:13

Ə tə tyə̀nə̀ paynsə̂ nâʼàpî èkyî efɨaʼ èkè zɛ ə nâʼàpî ndè tè fɨ̀aʼa. Ə̀ nyi epayn zɛ ə ze tə pə̂ ə ze ə nyi ə fetuʼ fɛ ə Klâys tə kɛsə pə̂, ə ze tə tyə̂ynə̀ paynsə̂ fɨ̂aʼ ə nâʼàpî ndèze. Ə tə mɔ̂mə̀ nâʼàpî èfɨaʼ ə ndɛze, ə ze tyən kyì efɨ̀aʼ zɛ ə wùə tè fɨaʼa nə ze tsɔ̂fə̀ ndò mə ze pofə ndô.

Filìpây 1:28

Kə ghàyn nə fayn ə̀ghɨ ghɛ ə ghe nô nə kə ghàyn nəyn fɨ̂aʼ zaynze achûŋ. Ghàyn kyi təm ə tɛghe. Ə ghàyn nə̀yn nyi, ə ghàyn tyəyn sê ghənə nə Zhə̀fè nə pofsə̂ ghənə ə Fe sɔza ghàyn. Ə̀ nyi Fezhə̀ ə Fe nə̂ nə zɨnə mə kyayn.

2 Tèsàlonikà 2:3

Kə ghàyn za nə wùə vîvè lese ghàyn nâʼà endom vîve kûmə̀ nə tuʼ nə vɛ tə pə̂ va se zaʼâ mə ghɨ ə tsɨə pâʼà pfɨ̀ fɨ, ə wùə etəm epiə pfɨ̀ŋə̀ pəyn, ə vɛ ə è ndùə elùʼ ewùs.

1 Timotì 6:9

Pîza ghɨ ghɛ ə ghe kɔ̂ŋɔ̀ sə̂ nyi ə̀ghɨ kɛghe pfɨ̂ə njiə ndò əfètə̂ èmɔ̀m, ə ko ghənə əfètə̂ àtam əghɛ ngô tsɨəghe, è kɨsè əfètə̂ àtam əghɛ ə tsɨə ghɛ ə ghe kaʼa ə ghe ndəmse ghənə, nyiəmə ə ghənə zɨ tsôsvè nâʼà sə ŋaŋ.

Ipilù 12:29

kûmə̀ nə Zhə̀fè ə ghasènìfe nyi kə ewus ə ve nyɔ̂ʼə̀ pofsə kəndô.

2 Pità 2:9

Zɨnə mə tyə̂nə̀ nə Pɛ̂pɛ nyîə ke èndom vɛ ə è kàʼa è sɔse ghɨ vəynghe əfètə̂ tèmɔ̀m tə ghənə̂tè, è ndom vɛ ə è kàʼa ə è kyi ndəm ə̀ghɨ ə pighe se zaʼâ etuʼ ə saʼve kə pɔynse ghənə,

2 Pità 3:10

Pîza tuʼ ə Pɛ̂pɛve tə pə̂ kə wùə èchɔŋə. Fumə ə Fetuʼ ə wuləke pfɨ̀ŋə̀ saŋ è pɔ̂ŋ ə kwuəmnəke, ə fɨa vekɨ̂m vɛ ə ve nyi awulə fu pof ə fètəyn ewùs, ə chike è nâʼàpî àkè kɛ ə ke nyi ətəyn fu nâʼà èkɨ̂m ə fètəyn ewùs.

2 Pità 3:12

kə ghàyn lɨmtə sê Tuʼfə Fezhə̀fè, mɔ̂msə̀ nâʼà sə ŋaŋ kə ghàyn kàʼa momse, nə fe zaŋse pəyn. Tuʼ nə fɛ tə pə̂ è pofsê awuləze mə ə̀ nyi ewus, ə fɨa awuləve puŋ kûmə̀ azuʼə̀ ewùske.

1 Njɔyn 4:17

Kûmə̀ nə ghâsènì nyì sə afɨa àmɔ̀ʼ ghasènyìə ghə̀ Zhə̀fè, kɔ̀ŋ zɛ ə ghâsènì kyi ə ghâsènì ə təm ndəmə̂ ndûə ndò se lwiyn ə kwəyn. Nyiəmə, ghâsènì tə nə̂ ə fânə̀ va ə fetuʼ fə saʼfe pîza ghâsènì tə nə̂ ə kyi ə̀təm ə tɛ se tyəmə̂ ə Zhə̀fè əshi, kûmə̀ nə ghâsènì ndamə kə kə̂ Klâys fa mbi.

Njût 1:7

Ghàyn fɨyn kwâʼtè kèpi Sondòm è Ngòmolà è tɔ̂ŋ sə mɔ̀ʼɔse sɛ ə se tè nyì paʼsê pəyn se ghənə, kə ghənə tè nə̂ kəpî ə̀ghɛ ə nyələghe, nyɨ̂ŋə̀ è ghɨghe endom vîve mə ə ke va vəynve. Wus vɛ ə ve ndɨmə tsɛ̂ va ə tə pofsê tɔ̂ŋ se ghaʼâ nə sɨ̂yn se tyə̂m kə fɨ̀as sê ghɨghe əkɨ̂m.

Etyə̂yn ə paynsêzè 17:11

Nyàm èpamə zɛ ə è tè nyi etwɔ ə shɨŋ ə̀mɔ̀ʼɔ̂ za, mə zôyn è ze kɛsê va ètwɔ za, è tə̂ pə̂ ə è zə nyi fɔ̀yn nə te ndu tefamə. È nyi wùə èmɔ̀ʼ ə fètə̂ tèfɔ̀yn tɛ èsɛ̀mbɛ ndô ndûə kə pofse vəyn.

Etyə̂yn ə paynsêzè 17:8

Nyàm èpamə nə zɨ̀yn ə ò tè fe tè nyiə nyi ètwɔ ə shɨŋ ə̀mɔʼɔ̂, pîza zôyn è kɛse va ètwɔ. Zə̂yn tə fɨə kɔʼɔ pə̂ ə epə zɛ ə ze lɔŋɔ tso ndùə za se ndù nə ə pofse zə̂yn. Ghɨ ghɛ ə ndamə ə mbi mə ə tè paʼà nyàʼ zə ghənə ghè ə ŋwàʼlè ə̀ghɨ̀ endamə tsɔ̀fə kə pom mbi tə pə̂ ə nyi èkaynze ezhoghɛ ə nayne nyàm èpamə ə̀təyn kûmə̀ nə zə̂yn tè nyîə nyi ètwɔ ə shɨŋ ə̀mɔʼɔ̂, zôyn è kɛsə̂ va ètwɔ, pîza nyi se tə kɛsə pə̀yn.

Etyə̂yn ə paynsêzè 20:11

Mə ke fe fekyə̀ fə efɔ̀yn fe eghâʼafè, fe fɨfə ndò è wùə vɛ ə è tsɨs ətəyn. Kwutwəyn e chike ə saŋə ə və shi, wùə vîvè ə tàʼa kɛsə tyəmə fe ghənə.

Etyə̂yn ə paynsêzè 21:1

Epàm əghɛ nə ghɨyn, mə fe ekwùtwəyn efeve è chi ə feke; kûmə̀ nə kwùtwəyn ə shive è chi ə shike se nyi mə və tè saŋ, njwî ə fengwaŋve ə saŋə kəpî.