2 Pità 3:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ E za nyi ə soyn sɨm sechûŋsè nə, kə ghàyn lɨmtə tuʼ nə vɛ, ghàyn mɔmse nâʼà è tyaʼa sə̂ zo, kyi va tsasze ə Zhə̀fè əshi, fɨnə ndamə è pɔ̂ynè sê vəyn.

2 Pità 3:14 ပူးပေါင်းရင်းမြစ်များ

Matyò 24:26

E za nyi nə ə ghɨə tsâyn sê ghàyn nə, ‘Nayne kə È nyi endaʼ ashəshəze’ kə ghàyn ndu fu. Pî ezhoghɛ ghənə pî nə, ‘Nayne kə È və ndə̀tè fayn’ kə ghàyn pomə,

Matyò 25:7

Ngɔ̀yn sɛ sèghɨm ə ndwìə ə kɔʼsə sèlâm sə ghənə̂sè.

Tom èchùŋ kè kə Lûk tè nyaʼ 12:43

Wufɨ̀aʼa ə̀təyn nə̀ nə̂ ə è və saŋnə̂ ashìŋə̀ kɛ pɛ̀ èfɨ̀aʼ ə̀ vəyn kɛse pə̀yn, è və nə̂ eghɛ zɛ ə è tè pi.

Tom èchùŋ kè kə Lûk tè nyaʼ 2:29

“Nə̀ ndù zôyn ə Pɛ̂, ə wufɨ̀aʼa vɛu ndo ke nâʼà e pɔ̂ynè kə ò tè tsɨ̀ne,

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

Filìpây 1:10

M tsə̂mə̀ nyî kə ghàyn ə ke èghɛ zɛ ə ze tsɔ̂fə̀ kwənə nyi èzoze kyi va tsasze, kə ghàyn tə nəyn ə kiva ləʼke etuʼ vɛ ə Klâys pə̀yn.

Filìpây 2:15

Kə wùə ə vayn kàʼa è pi nə ghàyn ə nə̀yn pofsê ghɛze, kɨ̀sə ghàyn kyi ndô ləʼke; kûmə̀ nə ghàyn nyi əghɔyn ə Fezhə̀ ə Ŋwaʼa ghɛ ghe ndamə ə mbi əfètəyn ə̀ghɨ̀ epi ghɛ ə ghe kɔ̂ŋə̀ sə̂ nə̂ ndûə kə pi shîŋə̀ tekɨ̂m. Ghàyn nyi ə ghənə əfètəyn ə mbi kə mlî mɛ m̀ panə.

Filìpây 3:20

Pîza, ghâsènì nyi əghɨ ghɛ ə ndaʼa ghənə̂zè nyi awulə, eluʼ vɛ ə Pɛ̂pɛ Njisə̀s Klâys ndamə ətəyn. Ghàs lɨmtə̂ sɔ̀zà vâsvè Njisə̀s Klâys nə è ndo pəyn awulə ə è tso pəyn ə chi.

1 Tèsàlonikà 3:13

Ə ghàyn nə̂ nyi, ə è nəyn ə təm ghaynghe ə tɛ, kə ghàyn ə kyi va ləʼke, nyi èŋwaʼve ə Zhə̀fè ə ghâsènì fe əshi mə za nyi pɨ̀a ghâsènì ashìŋə̀ kɛ ə Pɛ̂pɛ ə̀ ghâsènì Njisə̀s pə̀ è ghɨə vəyn ghe ŋwaʼaghe əkɨ̂m.

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

1 Timotì 6:14

Ò ndə̂mə̀ alâŋ nə kɨ̂nə̀ ə m tsɛsə̀ nyiə sê ghò kè səmɔʼ se zaʼâ kə Pɛ̂pɛ ə̀ ghâsènì Njisə̀s Klâys tə kɛse pəyn.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

Njə̂m 1:27

Ghɛ zɛ ə Zhə̀fè mə nyi Pɨ̀a njìə nə ə̀ nyi endom vɛ ə ve zo, kwəynə̂ se chùmtè ə Fezhə̀ ətəyn nyi nə, ə tɔ̀ʼnə̀ è ghɔkwuə, è zhwiə kwughe ə ghənə ezə ngəʼze, fɨnə tɔ̂ʼnə̀ è ngɨŋə̂ vəyn nə kə ghɨ ə mbighe tə nəyn vəyn nə è və nə̂ ə̀ghɛ ə nyələ ghɛ ə ghənə nə̂.

1 Pità 1:7

Mɔ̂m nə tɨ̂nə̀ pə̀ sê ghàyn, nə̂ nə ghɨ fe ke nə ghàyn kyi ke nâʼà kàyntè èkyî epomə̂zè. Ə pɔŋɔ mɔ̀mə̀ ngôl è wusve nâʼàpî kə ə̀ nyi afɨa kɔʼnə̂ tânə̀ va kə epomə̂, mə ke kàʼa ə ke pof. E za tyə̀nə̀ nə, ə kyi kepî sə̂ mɔ̂mə̀ èkyî epomə̂ zaynze se kê nə ə̀ nyì tê kàyntè èkyî èpomə̂ zə, kûmə̀ nə ə̀ nyi afɨa kɔʼnə̂ tsɛ̂ ngôl kə ə̀ tə nəyn ə̂ nyi etuʼ vɛ ə Njisə̀s Klâys kɛse pə̂yn, ə ghàyn kyi tsîtèzè, è pomsêzè, è kɔʼsêzè.

2 Pità 3:1

Soyn sɨmse kɔ̀ŋsè, ə̀ kɨnə nyi akòmte ə ŋwàʼlèkè m nyâʼà sê ghàyn. Famə ə fètə̂ sèŋwàʼlè nə sɨ̂nə̀ mə sepɛ̀ ə m nyâʼ sê ghàyn, mə mɔ̀msè sə ŋaŋ se nə̀yn nə ghàyn ə kwaʼtə̀ ə̀ghɛ ghɛ ə ghe tsɔ̂fə̀ tɔynə̂ epɨəytè zɛ ə m pɨ̂əytə̀ ghɛ ətəynghe sê ghàyn.

2 Pità 3:16

ə nyàʼà ə̀ghɛ nə ghɨ̂yn ə vəyn ə tə̂ sèŋwàʼlè sèkɨ̂m nâʼàpî ashìŋə̀ àkè ə è tè wàmnə̀ ghɛghe kə ghɨnə̀. Ghɛ yîghe nyi ə vəyn ə seŋwàʼlè tɛ se kê, mə ghɨ ghɛ ə nyi mə paʼà zaʼlê ghɛ ə Fezhə̀zè, fɛtê tyəm va ə ghənə epomə̂, zaʼlə̂ zəynze endom akaŋve kèpî kə ghənə nə̂ ə telùʼ təmɔ̀ʼɔte ə ŋwàʼlè ə̀ Fèzhə̀. Ghənə nə̂ nyi, pə̀ kə è pofsêzè ə ghənə ətu.

1 Njɔyn 3:3

Ə ghɨghe əkɨ̂m ghɛ ə ghe ndə̂mə̀ təmə ghənə̂ghè se vəyn, ndəm ngɨŋ sə ghənə̂sè è ŋwâʼe kèpî kə è nyi è ŋwaʼze.