2 Pità 3:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Pîza tuʼ ə Pɛ̂pɛve tə pə̂ kə wùə èchɔŋə. Fumə ə Fetuʼ ə wuləke pfɨ̀ŋə̀ saŋ è pɔ̂ŋ ə kwuəmnəke, ə fɨa vekɨ̂m vɛ ə ve nyi awulə fu pof ə fètəyn ewùs, ə chike è nâʼàpî àkè kɛ ə ke nyi ətəyn fu nâʼà èkɨ̂m ə fètəyn ewùs.

2 Pità 3:10 ပူးပေါင်းရင်းမြစ်များ

Matyò 24:35

Kwutwəynve è chike tə tsɛ̂ ndô pîza, ghɛ zɨme tə ndamə faŋə kə ndò.

Ŋwàʼlè ə̀ Mâk 13:31

Kwutwəyn tə tsɛ̂ ndô, ə chike tsɛ ndo, pîza ə zaʼlê zɨmze tə tàʼa tsɛ ndò.

Tom èchùŋ kè kə Lûk tè nyaʼ 12:39

Ghàyn ke nə, ə pɛ̀ ndɛ ke shîŋə̀ kɛ ə wùchɔŋɔ nyi se pə̀ ətəyn, ə è tàʼa zà nə è pə̀yn kyim ndɛ̂ vəyn.

Ŋwàʼlè ə̀ Pɔ̂l sê ghɨə Lûmghè 8:20

Ze tè nyi nə fɨa vɛ ə pom, nyi ke èfɨa sə ndô. Ə̀ vachi èfɨa nə vɨ̂yn sə vəyn və ngɨŋ ə ve tè nə̀yn sə nyi zamə, pîza ə̀ tè nəyn Fezhə̀ nə və nyi zamə. È tè nəyn nyiəmə è kwâʼtèzè nə,

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

1 Kɔlìŋ 5:5

Wùə vɛ ə è nə̀yn ghɛ nə zɨ̂yn, ə fo vəyn sê wùə m̀nàŋ, ə è pofse chaʼ ewìyn ə vəynke, kə̂ ə tə sɔza sèzuʼ sə vəynse əfetuʼ fɛ ə Pɛ̂pɛ Njisə̀s kɛse pə̂yn ətəyn.

1 Tèsàlonikà 5:2

Ghàs pìə nyî kûmə̀ nə nâʼà ghàyn nyîə ke sə ghàyn ngɨŋ nə, tuʼ vɛ ə Pɛ̂pɛ tə kɛsə pə̂ ətəyn tə kwənə mə wùə ke va, kè kə wùə è chɔŋɔ nə̂ è və pə̂ ètuʼve.

1 Tèsàlonikà 5:4

Pîza sê ghɔnyì ghɨmə ghàyn va kə ghɨ ghɛ ə ghe ndamə ə fètəyn àlɨm, kə tuʼ ə Pɛ̂pɛ nə vɨ̀nə tə pfɨ̂ŋə̀ pəyn endom vɛ ə wùə èchɔŋɔ pə̂.

2 Pità 3:11

Kə se nyi se tə pofsê efɨa èkɨ̂m fa endom, ghàyn kyi sə̂ nyi èkyì əghɨ̀ ə̀kè? Ndam taynte kyi sə̂ nyi èŋwaʼze, mə ghàyn ə fo təynte sê Zhə̀fè,

2 Pità 3:12

kə ghàyn lɨmtə sê Tuʼfə Fezhə̀fè, mɔ̂msə̀ nâʼà sə ŋaŋ kə ghàyn kàʼa momse, nə fe zaŋse pəyn. Tuʼ nə fɛ tə pə̂ è pofsê awuləze mə ə̀ nyi ewus, ə fɨa awuləve puŋ kûmə̀ azuʼə̀ ewùske.

2 Pità 3:7

Pîza kwutwəyn vɛ ə ve nyi zôyn, è chi kɛ ə ke nyi zôyn nyi mə ə̀ pisə̂ zâ Fèzhə̀ tɔynə̂ kəpî fɛ ə vəyn ewàmnè kə shîŋə̀kè tə kwəyn, ə è pofse ghənə è wusve. È pisə̂ zâ ghənə sê shîŋə̀ kɛ ə è tə saʼà pofsə ghɨ ghɛ ə ghe ke va vəyn.

Njût 1:6

Ghàyn kwaʼte tsì sɛ ə se tè tàʼa faŋ elùʼ efɨaʼa vɛ ə Zhə̀fè tè fo nə ghənə ə nə̂, ghənə ə tə pɨl zàmaʼà luʼ vɛ ə̀ tè nyì və ghənə̂vè. Ə nyi mə ə kol ghənə è chaʼ sɛ ə tə zhə̂nə̀ va ə ndə̀mə̀ ghənə ndɛ̂chaʼ àlɨm kə ghənə ə lɨmtə̂ fètuʼ fe ghaʼâ fə saʼ fɛ ə Zhə̀fè tə saʼa pɔynsə ghənə ətəyn.

Etyə̂yn ə paynsêzè 16:15

Pɛ̂pɛ pi nə, “Ghàyn zɨte! M nə̀ pə̂ kə wùə èchɔŋɔ. Saŋnêzè nyì sê wùə vɛ ə è tsɨs, pfɨ̂tə̀ è ndzɨse ə vəyn ewìyn, kə è tə tàʼa fɨ è sas ezomze ə ghɨghə shi, kə è və ghomə̂.”

Etyə̂yn ə paynsêzè 20:11

Mə ke fe fekyə̀ fə efɔ̀yn fe eghâʼafè, fe fɨfə ndò è wùə vɛ ə è tsɨs ətəyn. Kwutwəyn e chike ə saŋə ə və shi, wùə vîvè ə tàʼa kɛsə tyəmə fe ghənə.

Etyə̂yn ə paynsêzè 21:1

Epàm əghɛ nə ghɨyn, mə fe ekwùtwəyn efeve è chi ə feke; kûmə̀ nə kwùtwəyn ə shive è chi ə shike se nyi mə və tè saŋ, njwî ə fengwaŋve ə saŋə kəpî.

Etyə̂yn ə paynsêzè 3:3

Kɛse kwaʼte ghɛ ghɛ ə tè zaʼle sê ghò è ghɛ ə ò tè zɨ. Kwiyne təm ghɛghe se pi ò nə̂ ə̀ghɛ ətəynghe. Ə ò tàʼa zə̀mə̀, ə m pfɨ̀ŋə̀ pəyn sê ghò kə wùə e chɔŋɔ, ə ò nə tàʼa kê ashîŋə̀ kɛ ə m pə̂ ətəyn.

Etyə̂yn ə paynsêzè 6:14

Wuləke ə saŋə kə ŋwàʼlè èngɛ zɛ ə ngɛ, pfɨynse ghaʼlə̂sè sekɨ̂m è luʼ tɛ ə tsò nyi mə è zə kyìŋ ka ə saŋə ətelùʼ tɛ ə te tè nyi ətəyn.