2 Pità 2:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Zhə̀fè tè paʼà faŋ se fo ngəʼ sê tsì sɛ ə se tè nəyn pi, pîza ə màʼà tsosə̂ ghənə elùʼ ewùs, elùʼ vɛ ə nyi mə ə fà ghənə alɨm, nə ə ndəm ghənə se zaʼâ kə tuʼ ə saʼve kwəyn.

2 Pità 2:4 ပူးပေါင်းရင်းမြစ်များ

Matyò 25:41

Ə è ke pì se ghɛ ə vəyn ekɔyn ekôvè nə, ‘Ghàyn tə ə mì əshi, ghàyn ghɨnə Zhə̀fè ti ndi sê ghàyn nyî. Ghàyn ndu ewùs vɛ ə ve pɛ ndɨmə̂ va mə Zhə̀fè pɨaʼtê ndə̂m sê ndə̂plè è tsì sə vəynse.

Matyò 8:29

Kè sə ashìŋə̀, kə ghənə fe Njisə̀s, ə zhə̀tə̀ se pɨa nə, “Ò kyiŋə ghè sê ghàs ə Vâ Fèzhə̀? Ò pə̂ se pɔynsê ə ghàs tsɔ̀fə kə shîŋə̀ ətəynke kwəyn mə?”

Ŋwàʼlè ə̀ Mâk 5:7

ə pɨa nâʼà è kyə̀ ètɛ ə pìə nə, “Ghasè ghò kyi kɨŋnê ghè ə Njisə̀s, Va Fèzhə̀ fɛ ə fe ngaŋtə kwəynə? M chyatə̂ ghò ezə ə Fezhə̀zè nə kə ò poynse mi!”

Tom èchùŋ kè kə Lûk tè nyaʼ 10:18

Njisə̀s ə piə sê ghənə nə, “Ma fe kə Satàyn ndò ekwùtwəyn ə pfɨ̀ə, mɨ̂anə̀ kə eghol.

Tom èchùŋ kè kə Lûk tè nyaʼ 8:31

Pamə̂ tə satàyn tə təynte ə chyatə̂ Njisə̀s nə kə è chum fɨse ghənə nə ə tayn əfètə̂ èpə zɛ ə ze lɔŋɔ ndûə kə ndo za.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ŋwàʼlè ə̀ Pɔ̂l sê ghɨə Lûmghè 11:21

Kə Zhə̀fè tè tàʼa faŋ se pɔynsê ə ghɨ ə Njûsghè, ghənə ghɛ ə tè nyi kə sengɔyn sɛ ə se tè nyì chi sə shi, ghàyn kwàʼtə̀ nə fe nə̀ faŋə ndò se pɔynsê ə ghàyn ə?

Ŋwàʼlè ə̀ Pɔ̂l sê ghɨə Lûmghè 8:32

Ə̀ vayn kàʼa ndəʼ nyi Fèzhə̀, ə fɛ ə fe tè tàʼa ghə̀ʼtè se fo Vâ vəyn se ghâsènì əkɨ̂m. È tè nji vəyn ə fo nə È kwu ə ghâsènì ətu ə̀kɨ̂m, nyiəmə, È tə fo va zayn fɨave ekɨ̂m vɛ ə ghâsènì pfɨfə sê vəyn ə?

2 Pità 2:11

Nâʼàpî sètsì sɛ ə se kyi tyaʼa nâʼà sə ŋaŋ tsɨ̂ə tsɛ̂ sètyə̀ynsè sə akaŋ nə sɨ̂yn vayn kàʼa ə se soyle ghənə ezhoghɛ ə ghənə ghâmə̀ ghənə ə Pɛ̂pɛ əshi.

2 Pità 2:5

È tè pâʼà faŋ kepî se fo ngəʼ sê ghɨə tuʼə shighe, pîza ə ndə̀mə̀ zâ Nuwà ə wùə èndàʼa nə̂ tom ə̀ chichi è ghɨə mɔ̀ʼɔghe ə sɛ̀mbɛ, shîŋə̀ kɛ ə fe tè pəyn è kwuŋke ə̀ zɛ ə ghɨ ghɛ ə ghe tè nyi ətəyn tè va əghɨ ə Fezhə̀ghè.

2 Pità 2:9

Zɨnə mə tyə̂nə̀ nə Pɛ̂pɛ nyîə ke èndom vɛ ə è kàʼa è sɔse ghɨ vəynghe əfètə̂ tèmɔ̀m tə ghənə̂tè, è ndom vɛ ə è kàʼa ə è kyi ndəm ə̀ghɨ ə pighe se zaʼâ etuʼ ə saʼve kə pɔynse ghənə,

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.

Njût 1:13

Ghənə nyi kə awàwà epaməke, ghɛ ghənə̂ ghe ghoməghe e chwîtə̀ kə apfɨpfɨ. Ghənə nyi kə mlî mɛ ə m̀ tsɨ̀nə̀ ghanə ka kə ndô, mə Zhə̀fè ə ndə̀m luʼve sê mêmè, ə̀ nyi eluʼ fɨ̂mə̀ tsɛ̂ tèluʼ tekɨ̂m.

Njût 1:6

Ghàyn kwaʼte tsì sɛ ə se tè tàʼa faŋ elùʼ efɨaʼa vɛ ə Zhə̀fè tè fo nə ghənə ə nə̂, ghənə ə tə pɨl zàmaʼà luʼ vɛ ə̀ tè nyì və ghənə̂vè. Ə nyi mə ə kol ghənə è chaʼ sɛ ə tə zhə̂nə̀ va ə ndə̀mə̀ ghənə ndɛ̂chaʼ àlɨm kə ghənə ə lɨmtə̂ fètuʼ fe ghaʼâ fə saʼ fɛ ə Zhə̀fè tə saʼa pɔynsə ghənə ətəyn.

Etyə̂yn ə paynsêzè 20:10

Ə ke njìə ndə̂plè zɛ ə è tè kyìŋse ghənə ə màʼa tsose elùʼ wusve e pɛ̂ ətəyn è fɨake mə ke lɛ̂ pâŋə̀ ndò e tɔŋtə̂ nə sɔlfɔ̀. Ə̀ nyi eluʼ vɛ ə tè màʼa tsosê nyàm èpamə zɛ è kɨsè fɨ̀aʼtè àkaŋ zɛ. Nâʼà ghənə əkɨ̂m tə zɨə m̀lùŋtsuŋ fumə èchwì è tuʼve nâʼà kə ghè tə ghayn.