2 Pità 2:3 - Ŋwàʼlè ə̀ Fèzhə̀ Mkâyn Mə̂ Fèm

³ Tɔynə̂ ə ghənə əshi ə fɨəghe, tyə̀ynsè sə akaŋ nə sɨ̂yn tə nə̂ pə̂ʼlè ə ghàyn ewìyn tɔynə̂ ə ghənə mghâŋghàŋə̀ mə èzômə̀. Zhə̀fè ə tə chɔʼnê nâʼà sə mɨə nə zhi nə̀ pofsə̂ ghənə, mə pofsê ətəynze vayn faŋ se pə̀yn.

2 Pità 2:3 ပူးပေါင်းရင်းမြစ်များ

Tom èchùŋ kè kə Lûk tè nyaʼ 18:8

M piə sê ghàyn nə, Zhə̀fè nə̀ layntə̂ va se saʼa fo saʼ ə̀ghənə. Naʼapi za, ə Va Wùə tə kɛsê pə̀yn fâ ə chi, è nə fe ndò ghɨghe mə ghe pa pomə̂ ndò sê Zhə̀fè ə?”

Tom èchùŋ kè kə Lûk tè nyaʼ 20:20

Ghənə ndə̀mə̀ eshi ə vəyn ewiyn ə fɨnə ndâʼà əghɨ ə tomə ə vəyn epàm nə ghe ə kaŋa kyaʼà kə ghe nyi əghɨ echûŋə̀, sè zɨtə̂ kə è pi ghɛe kə ə ko vəyn ə fo sê wùə endaʼ ə Lûm vɛ ə è tè saʼa pâs endaʼ nə kɛ.

Tom èchùŋ kè kə Lûk tè nyaʼ 22:47

Njisə̀s e pa wâmnə̀ kə ndò, nɔ̂nə ə ghɨ kə e pə̀, əsi e nyi Njondàs, kəpi wùə emɔ̀ʼ ə fetə̂ sechùmtè pàm sə vəynse njò sepɛ̀. È və kɨŋtə pə̀ sè kyiŋə se paŋnə Njisə̀s.

Njɔyn 2:16

ə tsɛ̀sə̀ àlâŋ sê ghɨ ghɛ ə tè pəʼlə kwɨ̀lə̂m nə, “Ghàyn nji fɨ è mənə̀m fàyn! Ghàyn ə kə̀mnè ndɛ ə̀ pɨ̀a vɨ̂m sə elùʼ ezhɔyn!”

Ŋwàʼlè ə̀ Pɔ̂l sê ghɨə Lûmghè 16:18

Kûmə̀ nə ghɨ ghɛ ə ghənə nə̂ kyì əghɛ nə ghɨ̂yn fɨaʼà chîəva sê Pɛ̂pɛ ə̀ ghâsènì Klâys, pîza ghənə nə̂ kə ə̀ghɛ ghɛ ə ghe tsɔ̂fə̀ sê ghənə. Ghənə njîə èwâmnè echùŋè, è wâmnè efɔməze se lɛsə əghɨ ghɛ ə tɔʼ keva ghɛze.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

1 Tèsàlonikà 2:5

Ghàyn ke nə ghàs tè paʼà pə̀yn sê ghàyn wâmnə̀ efɔmsê echoze. Zhə̀fè nyi tsɛ̀ èsaʼ se ghàs nə ghàs tè paʼà nə̀yn ghɛ ghɛ ghàs tè nəyn kûmə̀ əshi ə fɨəghe, sè kyiŋə se ndə̀tè.

1 Tèsàlonikà 5:3

Shîŋə̀ kɛ əghɨ tə nə̂ ə pîə nə, “Pɔ̂ynè nyì ndô, tsôsvè va,” ə tsôsvè pfɨ̀ŋə̀ pəyn sê ghənə ə ve ə kwə̂mə̀ kə nyî, kèpi èghɨ kə vayn zhə̂tə̀ se zafə wùzhɔyn. Nâʼà wùə sətəyn tə tə va.

1 Timotì 3:3

ə̀ kyi sə̂ nyi wùə, mɨə tsɛ̂sə̀ va lɨ̀m, kɔŋə̀ va ngyə̀skè, pîza kolə ə̀təm, nə̂ va ghɛ sə zəʼtə̂ ndô ghɨ, zɔ̂ tsɛ̂sə̀ va, shiə vəynghe fɨə tsɛ̂sə̀ va ekɛ.

1 Timotì 3:8

Ghɛ nə ghɨynə m pîə nyî ndùə kəpî sê ghɨ ghɛ ə ghe fɨaʼà ə sendɛ sə Fezhə̀sè. Ghənə kyi sə̂ kyi èndam echûŋzè, wâmnə̀ səmɔʼ, mɨə tsɛ̂sə̀ va lɨ̀m, shi ghe fɨə va ekɛ.

1 Timotì 6:5

è saʼnêzè shîŋə̀ tekɨ̂m əfètə̂ ə̀ghɨ ghɛ ə kwâʼtè tə ghənə̂tè nyi mə tə lwiyn è pi, mə ghənə vayn kàʼa kɛse kê èghɛ zɛ ə ze nyi səmɔʼ, nyiəmə, ghənə e kwâʼtə̀ nə se zaʼlê kûmə̀ Fèzhə̀ nyi endom ekyiŋə nə ekɛve.

Taytùs 1:11

Ò kyi se nə̀yn nə kə ghənə ə tsɨnə̀ wàmnə̀ nyi kûmə̀ nə ghənə ndùə njiə əghɨghe mpɨəyn, ghənə pofsə̂ kə m̀kɨ̂m è zaʼlê epi nə zɨ̂nə̀. Ghənə nə̂ nyî kè se kyî ekɛ mə nyi afɨa kɛ ə ke pə̂ èghomə̂zè.

Taytùs 1:7

Kè kə chəʼ nyi wùə vɛ ə è tɔ̀ʼnə̀ è ndɛ ə̀ Fezhə̀, è kyi sə̂ nyi mə è kyi va ləʼke, kyi va sə̂ kyi ècho epize, è kɨsè sə̂ zâŋsə̀ nyɔ̂ʼsə̀ ètɔŋ, è kyi va sə̂ ngəsə̂ mɨə m̀lɨ, è kyi va sə̂ nô, kyi va sə̂ kyiŋə se kyî ekɛ è paʼà fɨ̂aʼ vəynve.

1 Pità 2:8

Ə fɨyn nyâʼ kèpi ə Ŋwàʼlè ə̀ Fèzhə̀ nə: “Ə̀ nyi echi, zɛ ə ghɨ tyamtə̂ ətəyn, ə nyi ànayn, kɛ ə ke tə nə̂ nə ghənə pfɨ.” Ghɨ nə̂ tyamtə̂ ətəyn kûmə̀ nə ghənə zɨtə̂ va tom ə̀ Fèzhə̀, ə nyi èghɛ zɛ ə Zhə̀fè tè nyi mə fe ə ndə̀m nə ghənə ə nə̂.

1 Pità 5:2

ghàyn e tɔ̂ʼnə̀ è ndzè sə Fezhə̀ sɛ ə se nyi ə ghàyn etyə̀. Kə ghàyn ə nə kəpiə ə ŋamnə̂ ndò ghàyn, pîza ghàyn e nə̂ mə ghàyn kɔ̀ŋə̀ ndò kûmə̀ nə ə̀ nyi zamə kə Zhə̀fè kyiŋə. Ghàyn e nə̀ èfɨaʼ zaynze ə̀ vachi kûmə̀ àfɨa kɛ ə nə̀ ndâʼà ghàyn ətəyn, ghàyn e fɨaʼà kûmə̀ nə ghàyn səmtə̂ ndò se fɨ̂aʼ sê Zhə̀fè.

2 Pità 1:16

Ghɛ ghɛ ə ghàs tè ndàʼa sê ghàyn kûmə̀ è pə̂yn ə Pɛ̂pɛ ə ghasènìze Njisə̀s Klâys è kɨsè kə è tə pə̂ è tyaʼke, ə̀ tè vachi m̀ghâŋghàŋə̀ mə èzôm mɛ ə wùə ètɔfə vîvè fɛte. Ə̀ tè nyi epayn ə vəynze nyaynəze kə ghàs tè fe ke nâʼà è shi ghasghe.

2 Pità 2:1

Tyə̀ynsè sə akaŋse ə tə fɨ ə ghɨghe ə fètəyn kèpî kə se tə pə̂ ə sə nyi ə ghàyn ə fètəyn. Ghənə tə nyaʼtə̂ pə̂ è zaʼlêzè mə ze va səmɔʼ se pofsə teluʼ, ə ghənə tə pî pɛ̀ àpɨəyn vɛ ə tè sɔ̀zâ ghənə, ə zɨnə mə pfɨ̀ŋə̀ pəyn è pofsêzè ə ghənə ə tu.

2 Pità 2:9

Zɨnə mə tyə̂nə̀ nə Pɛ̂pɛ nyîə ke èndom vɛ ə è kàʼa è sɔse ghɨ vəynghe əfètə̂ tèmɔ̀m tə ghənə̂tè, è ndom vɛ ə è kàʼa ə è kyi ndəm ə̀ghɨ ə pighe se zaʼâ etuʼ ə saʼve kə pɔynse ghənə,

Njût 1:11

Ngəʼ e ghaʼa nyi ə ghənə tu! Ghənə ə chùmtè ndom vɛ ə Kên tè nji kə è tè zhwi ànyìə vəyn. Kè kûmə̀ èkɔ̂ŋ ekɛze, ghənə ə fo ngɨŋ sə ghənə̂sè se tsas sɛ ə Palàm tè nəyn. Ghənə ə tə se pomə̂ sê Zhə̀fè, ə pofsə̂ sèngɨŋ sə ghənə̂sè kèpî kə Kolà tè tə ə pofsə̂ ngɨŋə̂ vəyn.

Njût 1:15

se saʼ əghɨ ə̀kɨ̂m, è se pì nə ghənə əkɨ̂m ə pfɨ̀ saʼ kûmə̀ ə̀ghɛ ə pighe əkɨ̂m ghɛ ə ghənə nyi mə ə nə̀yn, è wâmnè tepi tekɨ̂m tɛ ə ghɨ epi ghɛ ə ghe ke va Zhə̀fè tè wàmne kûmə̀ Fèzhə̀.”

Njût 1:16

Ghɨ ghɨnə zàŋsə̀ shwinə̂ wamnə̀ kə ndò, kɔŋə̀ sə ghâmə̀ ə̀ghɨ mɔ̀ʼɔghe, ghənə chûmtə̀ ə̀ghɛ ghɛ ə təm ə ghənə̂ghè kyiŋə nə ghənə ə nə̂, ghaŋsə̂ èwiyn kûmə̀ sèngɨŋ sə ghənə̂sè, wamnə̀ èwâmnè efɔməze sê ghɨghe se kyî afɨa kɛ ə ghənə kyiŋə.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

Njût 1:7

Ghàyn fɨyn kwâʼtè kèpi Sondòm è Ngòmolà è tɔ̂ŋ sə mɔ̀ʼɔse sɛ ə se tè nyì paʼsê pəyn se ghənə, kə ghənə tè nə̂ kəpî ə̀ghɛ ə nyələghe, nyɨ̂ŋə̀ è ghɨghe endom vîve mə ə ke va vəynve. Wus vɛ ə ve ndɨmə tsɛ̂ va ə tə pofsê tɔ̂ŋ se ghaʼâ nə sɨ̂yn se tyə̂m kə fɨ̀as sê ghɨghe əkɨ̂m.