2 Pità 2:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ə ghɨə nyi mə ə tə fɨə əghɛ mbighe tsɛ tɔynə̂ ekê ə Pɛ̂pɛ ə̀ ghâsènì Njisə̀s Klâys, ə fɨnə kɛsə̂ ndûə njiə əghɛ ə mbighe, ghe ə ko ghənə kə atam mə ghənə vayn kɛsə fɨ, ə ndamtə ghɨ̀ ətəynghe ə pofə tsɛ̂ kə te tè nyì chi sə shi.

2 Pità 2:20 ပူးပေါင်းရင်းမြစ်များ

Filìpây 3:19

Kyì ə ghɨ̀ nə ghɨ̂yn tə mɨ̂sə̀ elùʼ ewùs, kûmə̀ nə ghənə kɔʼsə̂ kə èfɨa vɛ ə njàse wìynse kɔ̂ŋə̀. Ghənə kɔ̂ŋə̀ sə nə̂ ə̀ghɛ ghɛ ə ghənə fe pɨl kyi sə ghomə̂ kûmə̀ ghəynghe, kwaʼtə̀ kə se ghɛ ghɛ ə ghe nyi fa mbi.

2 Timotì 2:4

Nâʼàpî sokə̀ʼ èkè vɛ ə è nə̀ fɨ̂aʼ ə vəynze, mɔ̂msə̀ sə̂ fɨ̂aʼà àchûŋ se nə̀yn nə wùtwɔ ə̀ vəyn ə saŋnə̂. È nə̀ va fɨ̂aʼtè mə ə̀ kyi sə̂ nə̂ ə̀ghɨ mə ə̀ va sesokə̀ʼ.

Njə̂m 1:27

Ghɛ zɛ ə Zhə̀fè mə nyi Pɨ̀a njìə nə ə̀ nyi endom vɛ ə ve zo, kwəynə̂ se chùmtè ə Fezhə̀ ətəyn nyi nə, ə tɔ̀ʼnə̀ è ghɔkwuə, è zhwiə kwughe ə ghənə ezə ngəʼze, fɨnə tɔ̂ʼnə̀ è ngɨŋə̂ vəyn nə kə ghɨ ə mbighe tə nəyn vəyn nə è və nə̂ ə̀ghɛ ə nyələ ghɛ ə ghənə nə̂.

2 Pità 1:11

Famə endom ə Zhə̀fè fi ndzɨsê ghàyn è təm ə vəynghe əkɨ̂m elùʼ vɛ ə Pɛ̂pɛ ə̀ ghâsènì Njisə̀s Klâys tə nə̂ ə è və saʼa ə̀ ghɨə vəynghe sə teshìŋə̀ tèkɨ̂m.

2 Pità 1:2

Ə fùʼ ə Fezhə̀kè è pɔ̂ynè ə nyi sê ghàyn nâʼà sə ŋaŋ kûmə̀ nə ghàyn ke ndô vəyn, fɨyn ke Pɛ̂pɛ ə̀ ghâsènì Njisə̀s.

2 Pità 1:3

Zhə̀fè ə fo nâʼàpî ghè vɛ ə ghâsènì kyi sə̂ kyi kə ghâsènì ə ndamə èndam e zo zɛ ə ze kwəynə. Fe fo efɨa nə vɨ̂yn tɔynə̂ atyaʼ kɛ ə è kyi kə Fezhə̀, è kɨsè kûmə̀ nə ghâsènì nyîə ke vəyn. È tè tɔŋə ghâsènì tɔynə̂ ə vəyn epomsê è chùŋ ə̀ vəyn.

2 Pità 1:4

Ə̀ nyi èndom nə vɨ̂yn ə Zhə̀fè lwiynse tsɨ̂nè tɛ ə fe tè tsɨ̀ne nə fe tə fo tèfo tə m̀kɔʼnètè mə kɛve vayn kàʼa ə ve zhɔyn, ə te tsamte ghâsènì kə ə tə fɨ ə ghɛ əpi ghɛ njà èwìyn kyiŋə fa mbi. Zɨnə mə nə̀ nə̂ kə ghâsènì ə nyi chichi kə Fezhə̀.

2 Pità 1:8

Ə ghàyn nə̀ ghɛ nə ghɨ̂yn, nə̂ ndûə kə eshike, ghɛ zɛ ə ghàyn nə̀ ke kûmə̀ Pɛ̂pɛ ə̀ ghâsènì Njisə̀s Klâys ndəmə, ə twɔm echûŋvè mu ə ghàyn endam.

2 Pità 2:18

Ghənə nyîə ghaŋsə wàmnə̀ èwâmnè ze kyi va tɔfze, ghənə njîə ə̀ghɛ ə nyələ ghɛ ə njà sewìynse kyiŋə lesə̂ ə̀ghɨ ghɛ ə ghe pa tə fɨə pə̂ əfètəyn ə̀ghɨ ghɛ ə ghənə ndamə kə sə̂ nə̂ ə̀ghɛ ə pighe.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.