2 Pità 2:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Zhə̀fè tə ndâʼà ghənə kèpî è ngəʼ nə zɨnə̀ ə ghənə tè fo sê ghɨə mɔ̀ʼɔ. Ghənə zɨə èfɔm ezhoghɛ ə ghənə nə̂ ghɛ ghɛ ə njà èwìyn ə̀ ghənə̂ kyiŋə atɛ ə chwîkè. Ghɛ zɛ ə ghənə nə̂ nyi èghomə̂zè, ghənə e nyi kə ndi èpi ə ghàyn ə fètəyn. Shîŋə̀ kɛ ə ghənə tsɨsə se zhi ghâyn ghə̀ ghənə, ghənə e zɨə èfɔm ezhoghɛ ə ghənə lesə̂ ghàyn.

2 Pità 2:13 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 13:13

Ghàyn e kyi tsɨnè èchùŋ kə ghɨ ghɛ ə ghe nyi epayn. Kə ghàyn ə nduə ə telùʼ te zhisə̂ nə ewìyn tɛ ə ghɨghe mɨə lɨ̀m fumə, m̀ ko ghənə, kə ghàyn ə chûmtə zəynghe è ndômnèghè. Kə ghàyn ə nə ghɛ ə nyələghe, kə ghàyn ə zɔ, kə ghàyn ə kyi àghə̀ʼ.

Ɛfesùs 5:27

È tè nəyn nyi kə è tə pi è njìə ndɛ ə̀ Fèzhə̀ sə zhwiə ndom, ə è zə nyi chichi, zo, kyi va liŋze, kyi va tsas zhîze.

Filìpây 3:19

Kyì ə ghɨ̀ nə ghɨ̂yn tə mɨ̂sə̀ elùʼ ewùs, kûmə̀ nə ghənə kɔʼsə̂ kə èfɨa vɛ ə njàse wìynse kɔ̂ŋə̀. Ghənə kɔ̂ŋə̀ sə nə̂ ə̀ghɛ ghɛ ə ghənə fe pɨl kyi sə ghomə̂ kûmə̀ ghəynghe, kwaʼtə̀ kə se ghɛ ghɛ ə ghe nyi fa mbi.

2 Timotì 4:14

Àlɛ̀ksandà vɛ ə è tsɨə ndâmkè za, ə tə mɔ̀m ghɛze sê mi, ze kwûəmə̀ kə nyî. Pɛ̂pɛ nə fo ngəʼ sê vəyn kûmə̀ èghɛ nə zɨ̂yn.

Njə̂m 5:5

Ghàyn ə ndam zaynze fa chi kè sə̂ zhiə àchûŋ è kɨsè sə nə̂ nâʼàpî èghɛ èkè zɛ ə wiyn vaynve kyiŋə. Ghàyn ə ghaʼlê kwəyn, sè nyi èpɨaʼtêzè sè tuʼ fɛ kə se ghàyn ətəyn.

1 Pità 4:4

Zôyn, ghɨ ghɛ ə ghe ke va Zhə̀fè nyi è kaynze nə ghàyn fɨyn va əmɔʼ sə ndamə kə senyam sə mbvɨyn sɛ ə vayn kàʼa chise. Zɨnə mə ə nə̀yn, ghənə ghɛ ə kɛse sè sôylə̀ ghàyn.

2 Pità 2:15

Ghənə ə zà ndom èchùŋ ə njisə̀ sè kwiə endom ə Palàmvè, ə vâ Peyò vɛ ə è tè kɔ̀ŋɔ̀ kɛ vɛ ə è tè kyi mə è nə̀ əghɛ ə pighe,

Etyə̂yn ə paynsêzè 18:6

Ghàyn nəyn ke ə̀ghɛ ə pighe sê ghɨə Papilɔ̀ynghè ke kə ghənə nyi mə ə nə̀yn sê ghɨə mɔ̀ʼɔghe. Ghàyn nəyn ə Papilɔ̀ynghè zɨ tsôsvè shîŋə̀ tèpɛ̀ sê zɛ ə ghənə tè nə̀yn sê ghɨghe. Ghàyn fo lɨ̀m sê ghɨə Papilɔynghè ə m̀ mə tɛ tsɛ̂ mɛ ə ghənə tè fo sê ghɨə shîŋə̀ tepɛ̀.