2 Pità 2:12 - Ŋwàʼlè ə̀ Fèzhə̀ Mkâyn Mə̂ Fèm

¹² Pîza tyə̀ynsè sə akaŋ nə sɨ̂nə̀ mə tsɨnə̀ nə̂ kə nâʼàpî èghɛ èkè zɛ ə ghənə kyiŋə kə senyam sə mbvɨynse mə se nyi se ko zhwitə kə ndò; ghənə sôylə̀ ə̀ghɨ ezhoghɛ ə ghɨ ətəynghe pî ghɛze ghənə e zɨə kêva. Zhə̀fè tə pofsə̂ ghənə kə senyam sə mbvɨynse,

2 Pità 2:12 ပူးပေါင်းရင်းမြစ်များ

Ŋwàʼlè ə̀ Mâk 7:22

nyîŋə̀ è zhwiə ə ghɨ̀ghè è ndôm ə ghɨ̀ghè, kyi əshi ə fɨə, kyi ə̀təm ə piə, lesə̂ ə̀ghɨ, ghomə va, ghə̂ʼə̀ ə̀ghɨ, ndə̀mə̀ kôghɔ̀ŋ, ghaŋsə̂ èwiyn, nə̂ ə̀ghɛ ango.

Njɔyn 8:21

Njisə̀s ə pìə kwəynsə̂ se ghənə nə, “M nə̀ ndô, ə ghàyn ə kyiŋə mi, pîza ə ghàyn tàʼa fe Mi, ə ghàyn kwu ə ghàyn ə sepi. Luʼ vɛ M nə̀ nə̂ M mə nyi ətəyn, ghàyn vayn kàʼa ə pəyn fu.”

Ngàleshyà 6:8

Ə̂ wùə zho ke fɨa kɛ ə ke fɔmə ə və senjà sewìynse, ə è tə kwi ke èkwu, mə ə wùə zho fɨa kɛ ə Zuʼse kyiŋə, ə è tə kwi ke èndam zɛ ə ze tə mîə va.

Kòlosè 2:22

Lwɔ̂ŋ nə vɨ̀nə èkɨ̂m wàmnə̀ kûmə̀ kə èfɨa, ve nyi se pə̀yn sə efɨa sə ndô shîŋə̀ kɛ ə nyi mə ə nə̀yn fɨ̂aʼzè ətəyn. Lwɔ̂ŋ nə vɛ mə è zaʼlêtè nyi əghɛ mə ə̀ fɛte əghɨ è ghoghe.

2 Pità 1:4

Ə̀ nyi èndom nə vɨ̂yn ə Zhə̀fè lwiynse tsɨ̂nè tɛ ə fe tè tsɨ̀ne nə fe tə fo tèfo tə m̀kɔʼnètè mə kɛve vayn kàʼa ə ve zhɔyn, ə te tsamte ghâsènì kə ə tə fɨ ə ghɛ əpi ghɛ njà èwìyn kyiŋə fa mbi. Zɨnə mə nə̀ nə̂ kə ghâsènì ə nyi chichi kə Fezhə̀.

2 Pità 2:19

Ghənə tsɨ̂nə̀ se ghɨ nə ghɨ̂yn nə ghənə fɨyn va èkɔ̂s, pîza nyi èkɔ̂s è ngɨŋ sə ghənə̂sè sê ghɛ ghɛ ə njà sewìyn sə ghənə̂sè kyiŋə. E nyi nyî kûmə̀ nə nâʼàpî àkè kɛ ə ke chisə wùə, è nyi akɔ̂s se fɨa nə kɛ mə.

Njût 1:10

Pîza ghɨ ghɨynə sòylə̀ naʼapi èghɛ èkè zɛ ə ə ghənə zɨə ke va. Ghənə nə̂ nâʼàpî èghɛ èkè zɛ ə wiyn ə ghənə̂vè kyiŋə kə se nyam sə mbvɨynse, ə̀ nyi ə̀ghɛ nə ghɨnə mə ə ghe pə̂ è pofsêzè sê ghənə.