Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pità 2:10 - Ŋwàʼlè ə̀ Fèzhə̀ Mkâyn Mə̂ Fèm

10 paynpayn ghɛ ə ghe nə̂ ghɛ enyələ ghɛ ə njà sə ewìyn sə ghənə̂sè kyiŋə, chîynə̀ èghɛ zɛ ə Zhə̀fè pì nə ghənə nəyn. Tyə̀ynsè sə akaŋ nə sɨ̂nə̀ fànə̀ va fɨake, zɨtə̂ va ghɛ zhîze sê wùə, ghənə fo pî va kɔʼsêzè sê ghɛ ə ghe nyi ekwùtwəyn kyi èpomsê, ghənə pɨlə sôylə̀ ndò ghənə.

အခန်းကိုကြည့်ပါ။ ကော်ပီ




2 Pità 2:10
38 ပူးပေါင်းရင်းမြစ်များ  

Sə piə za ə kɛsə̂ ndùə ə ndɛ ətəyn, mə ə fɨyn fɛtê zəs ə pɨaʼtə̂ efɨa ə əfètə̂ təyn,


Ə̀ tè nyi za, ghɨ apàs endaʼ fu e panə̀ vəyn. È və ndò za, ghənə tomə nə ə ndù pi elùʼ vɛ ə è tè ndùə zə ətəyn nə ghənə kɔ̂ŋɔ̀ va nə è və saʼa ghənə.


Pɔ̂l ə pə̀ynsə̀ sê ghənə nə, “Ghɔnyì ghɨmə, m fe keva nə è nyi wùə èkɔʼsə nə̂ èshyə̀ èngaŋtə kwəynə. Ŋwàʼlè ə̀ Fèzhə̀ pi nə, ‹Kə ò tə wâmnè èghɛ epize kûmə̀ wùə vɛ ə è chisə ghɨghe.›”


Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.


Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,


E nyi ke nâʼà səmɔʼ nə ghàs ndamə ə mbi pîza nô va endom vɛ ə ghɨ ə mbighe nô ətəyn.


Ghənə ə màʼà ngɨŋ sə ghənə̂sè sè tsɨ̂fə ndamə kə kə sepu, fɨnə ghomə̂ va, kotə̂ pî èkyì eghɛe epi èkè nə̂ ndùə kə ndò, ndam ətəynze e fɔmə ndùə kə əshi.


Ghàyn nə ke səmɔʼ nə ghɨ ghɛ ə ghe chûmə̀ zənə kɨ̀sə ghɛ ə ghe chûmə̀ ndômnèghè, è ghɛ ə ghe nə̂ ghɛ nyələ mɔ̀ʼɔ, è ghɛ ə shiə ə ghənə fɨə (ə̀ nyi endom vîve sə̂ kɔʼsə̂ èfɨaʼsè) vayn kàʼa ə nji elùʼ efɔ̀yn nə Klaysvè yî Zhə̀fè.


Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.


Kûmə̀ nə Zhə̀fè tè paʼà tɔŋə ghâsènì nə ə nə̂ ə̀ghɛ ə nyələghe è wiyn ə ghasènìve. Pîza Fe tè tɔŋɔ nə ghâsènì ə ndamə èndam eŋwaʼze.


Ghɨ tə nə̂ ə muə, kɔ̂ŋɔ̀ èkɛ nâʼà àpi, pfɨnə̀ àngàŋtè, ghaŋsə̂ èwiyn, sôylə̀ ə̀ghɨ fɨnə tɛ ètuke sê pɨ̀a ə ghənə̂ghè è nyì ə ghənə̂ghè. Ghənə tə nə̂ ə fo va zɔ̀ŋnèkè sê wùə kûmə̀ nâʼà èghɛ e tətə̂ zhîze kə wùə nə̀yn sê ghənə, kyi va luʼve sê Zhə̀fè ə ghənə ətəm.


Kè kə chəʼ nyi wùə vɛ ə è tɔ̀ʼnə̀ è ndɛ ə̀ Fezhə̀, è kyi sə̂ nyi mə è kyi va ləʼke, kyi va sə̂ kyi ècho epize, è kɨsè sə̂ zâŋsə̀ nyɔ̂ʼsə̀ ètɔŋ, è kyi va sə̂ ngəsə̂ mɨə m̀lɨ, è kyi va sə̂ nô, kyi va sə̂ kyiŋə se kyî ekɛ è paʼà fɨ̂aʼ vəynve.


Nâʼàpî ndè kyi sə̂ ngɨmnə̂ malə̂. Kə wùə tə za ndom ə̀ vəyn kɨ̀sə zhwiə vəyn ə è ndu nyɨ̂ŋə̀ yî wùə ə ndò. Ghàyn kendô nə Zhə̀fè tə saʼa nâʼàpî ndè vɛ ə è nə̀ ghɛ ə nyələghe è ghɛ ə nyi mə malə̂ fɨə əpɨəyn.


Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,


Pîza ghɨ ghɨynə sòylə̀ naʼapi èghɛ èkè zɛ ə ə ghənə zɨə ke va. Ghənə nə̂ nâʼàpî èghɛ èkè zɛ ə wiyn ə ghənə̂vè kyiŋə kə se nyam sə mbvɨynse, ə̀ nyi ə̀ghɛ nə ghɨnə mə ə ghe pə̂ è pofsêzè sê ghənə.


Ghɨ ghɨnə zàŋsə̀ shwinə̂ wamnə̀ kə ndò, kɔŋə̀ sə ghâmə̀ ə̀ghɨ mɔ̀ʼɔghe, ghənə chûmtə̀ ə̀ghɛ ghɛ ə təm ə ghənə̂ghè kyiŋə nə ghənə ə nə̂, ghaŋsə̂ èwiyn kûmə̀ sèngɨŋ sə ghənə̂sè, wamnə̀ èwâmnè efɔməze sê ghɨghe se kyî afɨa kɛ ə ghənə kyiŋə.


Ghənə tè pì sê ghàyn nə, “Mtuʼ me kwùŋsə̂m, ghɨghe tə pə̂ ə nyi chaʼa ghàyn, əghɨ mə ə chûmtə̀ ə̀ghɛ əpi ghɛ ə təm ə ghənə̂ghè kyiŋə.”


Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ