2 Pità 2:1 - Ŋwàʼlè ə̀ Fèzhə̀ Mkâyn Mə̂ Fèm

¹ Tyə̀ynsè sə akaŋse ə tə fɨ ə ghɨghe ə fètəyn kèpî kə se tə pə̂ ə sə nyi ə ghàyn ə fètəyn. Ghənə tə nyaʼtə̂ pə̂ è zaʼlêzè mə ze va səmɔʼ se pofsə teluʼ, ə ghənə tə pî pɛ̀ àpɨəyn vɛ ə tè sɔ̀zâ ghənə, ə zɨnə mə pfɨ̀ŋə̀ pəyn è pofsêzè ə ghənə ə tu.

2 Pità 2:1 ပူးပေါင်းရင်းမြစ်များ

Matyò 10:33

Pîza ghɨ ghɛ ə tə Mi ə ndayn, M tə tə ghənə ə Pɨ̀a vɨ̂mvè əshi ekwùtwəyn.

Matyò 24:11

Fɨ̀aʼtè sə akaŋse tə fɨə ə sə tsɨ̂ə kə nyi ə se kyiŋse ghɨ etsɨghe nə ghe chumte ghənə.

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Matyò 24:5

Ghɨ tə pə̂ se tsɨ̀ ə ghənə ə pîə nə, ‘Ə̀ nyi ghənə è vɛ ə chɔʼ ndə̂m.’ Ə ghənə kyiŋse tsɨ̀tsɨ̂ endom nə vɨ̂yn.

Matyò 7:15

Ghàyn e tɔ̂ʼnə̀ kûmə̀ sèfɨ̀aʼtè sə akaŋse. Ghənə chwîtə̀ kə piə ghənə nyi è ngɨmnêzè kə se ndzè pîza mə ə ghənə ətəm, ghənə pofə kə se nyam sə epɨase.

Ŋwàʼlè ə̀ Mâk 13:22

Ghɛ ə kaŋkaŋə pîə nə ə nyi vɛ Zhə̀fè chɔʼ ndə̀m, è ghɛ ə kaŋkaŋə pîə nə ə nyi sèfɨ̀aʼtè, tə fɨə mtuʼ nə mɛ. Ghənə tə nə̀ ə tyəynə̀ sèchwìə, fɨnə nə̂ əghɛ ə kayntəghe. Ghənə tə nə̂ nyiə se kyìŋsə nâʼàpî ə̀ghɨ Fèzhə̀ ghɛ ə Zhə̀fè chɔʼ, ə ghənə kyi ndom ətəyn.

Tom èchùŋ kè kə Lûk tè nyaʼ 12:9

Pîza vɛ ə è mɛne mi ə ghɨghe əshi, ə Vâ wùə tə pɔŋ mɛne vəyn ə̂ tsì sə Fezhə̀sè əshi.

Tom èchùŋ kè kə Lûk tè nyaʼ 21:8

È və piə nə, “Ghàyn tɔ̂ʼnə̀, kə wùə nə̂ kyiŋsè ghàyn. Ghɨ tə nə̂ ə pə̂, tsɨ̀ə kə nyi, ghe nə nə̂ ə ghe ə pə̀ ə mi ezə. Ə pə̀yn pi ndè piə nə, ‘Ə̀ nyi ke nâʼà mi nə vɛ nyi!’ fɨnə piə nə, ‘Shîŋə̀kè ə kwəyn zôyn!’ Ghàyn zɨ za, kə wùə ndù ə ghənə epàm.

Tom èchùŋ kè kə Lûk tè nyaʼ 6:26

Ngəʼ èghaʼâ nyi sê ghàyn ezhoghɛ naʼapi ndè wàmnə̀ kə chûŋ kûmə̀ ghàyn kûmə̀ nə ə nyi kepî eghɛ zɛ pɨ̀aə ghənə tè nə̂ sê fɨ̀aʼtè sə akaŋse.

Ŋwàʼlè ə̀ Pɔ̂l sê ghɨə Lûmghè 16:18

Kûmə̀ nə ghɨ ghɛ ə ghənə nə̂ kyì əghɛ nə ghɨ̂yn fɨaʼà chîəva sê Pɛ̂pɛ ə̀ ghâsènì Klâys, pîza ghənə nə̂ kə ə̀ghɛ ghɛ ə ghe tsɔ̂fə̀ sê ghənə. Ghənə njîə èwâmnè echùŋè, è wâmnè efɔməze se lɛsə əghɨ ghɛ ə tɔʼ keva ghɛze.

1 Kɔlìŋ 11:19

E kayntə̂ va ndô mi, chyâsè kyi ke sə̂ nyi ə ghàyn əfètəyn, kə ə fɛte fe kê ghàyn ghɛ ə lote nyi ə̀ghɨ ə Fezhə̀ghè.

1 Kɔlìŋ 6:20

Zhə̀fè se nyi mə Fə zhɔyn ghàyn ə ndàʼà. Ghàyn nji wiyn vaynve ə ghàyn ə kɔʼsə̂ Fèzhə̀ ətəyn nə̂ ə̀ghɛ ətəyn, ghe fo èpomsê sê Zhə̀fè.

1 Kɔlìŋ 7:23

Zhə̀fè se nyi mə Fə zhɔyn ghàyn ə ndàʼà; kûmə̀ nyiəmə, kə ghàyn nəyn ngɨŋ saynse sə̂ nyi èkɔ̂s se ghɨghe.

Ngàleshyà 2:4

Ghɛ ese nə nam nə zɨnə mə tè fɨ mə ə̀ ndwìse əghɨ ə pomə akaŋ yîghe fu, kə ə pə̀yn nji ə ghàs əfètəyn se fe kə ghàs va ekɔ̂s ə Klâys Njisə̀s, se nə̀yn nə ghàs ə nyi èkɔ̂s.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

Ngàleshyà 4:17

Ghənə ghɛ ə ghe mɔ̂msə̀ se kwiynê ə tom èchùŋ, tɨ̂mə̀ kə nyî kûmə̀ ghàyn, pîza ghɛ zɛ ə ghənə pɨaʼtə ə ghənə ətəm e nyi ke pi. Ghɛ zɛ ə ghənə kyiŋə nyi nə ghàyn za mi, kə ghàyn ə tɨ̂mə̀ se ghənə.

Ngàleshyà 5:20

ngɨmnə̂ èfɨ̂aʼsè, kwɨlə avɨ̂ŋ, pânə̀ əghɨ, nô, kyi àghə̀ʼ, zâŋsə̀ nyɔ̂ʼsə̀ ètɔŋ, kwâʼtə̀ kûmə̀ kə sengɨŋ, pə̂ è nòsèkè è chyâsèzè,

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Ɛfesùs 4:14

Ə ze nyi nyî, ə ghâsènì ə fɨyn va kə mmɨ̂ətə̀ sə̂ tsɨnə̀ ndinə̂ kə etûə m̀mo, nâʼàpî èkyì ezaʼlê èkè e pə̂ ze ə njìə tsɛ̂ kə ndò ghâsènì, wùə e pɨaʼtə pîə àkaŋ àkè è və pə̀ ə lesə̂ kə ghâsènì è kəynke.

Filìpây 3:19

Kyì ə ghɨ̀ nə ghɨ̂yn tə mɨ̂sə̀ elùʼ ewùs, kûmə̀ nə ghənə kɔʼsə̂ kə èfɨa vɛ ə njàse wìynse kɔ̂ŋə̀. Ghənə kɔ̂ŋə̀ sə nə̂ ə̀ghɛ ghɛ ə ghənə fe pɨl kyi sə ghomə̂ kûmə̀ ghəynghe, kwaʼtə̀ kə se ghɛ ghɛ ə ghe nyi fa mbi.

Kòlosè 2:18

Kə ghàyn za nə wùə ə pîə sê ghàyn nə ghàyn kyi sə̂ njiə sèngɨŋ saynse əchi. Kə ghàyn za kepî nə wùə tsayn se ghàyn nə ghàyn kyi sə̂ ngɨmnə̂ sètsì kə è ngɨmnə. Ə ghàyn nə̀yn zamə ə njise mâʼtè vayn vɛ ə Zhə̀fè pì nə è nə̀ fo sê ghàyn. Nâʼàpî ndè vɛ ə è zaʼlə zamə, è pìə nə zhi fe ətelaynəlayn. Kyì ə wûə nə vɛ mə ghaŋsə̂ èwiyn səndô, è ghɛ ə pi ghɛ ə ghe fɨə ə vəyn ətəm, mə è kyi va ghɛ zhîze se pì.

Kòlosè 2:8

Ghàyn e tɔ̂ʼnə̀ se fe nə kə wùə tə lesə̂ ghàyn se zaʼlə ghàyn è ghɛ ə akaŋghe. Ghɛ zɛ ə ghənə zaʼlə ghàyn ətəyn nyi ezaʼlê mə ze ndo pə̂yn sê pɨ̀a ə pɨa ə ghənə̂ghè, mə ze chûmtə̀ èlwɔ̂ŋ ə ghɛ mbighe. Zaʼlê nə zɛ nyi zɛ ə ze ndô pə̂ se ghɨ msɔ̀ŋghe, ə̀ vachi se Klâys.

1 Timotì 5:8

Ə̂ tə pîndè nə zhi tɔ̂ʼnə̀ va è sas ə ndɛ ə vəynze, paynpayn ghɨə vəynghə ndɛghe, ə zə tyə̂nə̀ nə è paʼà pomə Klâys səmɔʼ, ə kɛsə̂ kwûəmnə̀ tsɛ̂ nâʼà wùə vɛ ə è tàʼa tyəmə pomə̂ nâʼà səkɔs.

2 Timotì 4:3

Shîŋə̀kè tə pə̂ mə ghɨ kɔ̂ŋə̀ va se zɨtê sê zaʼlê ə səmɔʼze, pîza chûmtə̀ èghɛ zɛ ə ghənə kɔ̂ŋə̀, ə ghənə ə kyiŋə ndûə setyə̀ynsè è ngɨŋ sə ghənə̂sè, sɛ ə se tsâ ghɛ ghɛ ə tôŋnê ə ghənə̂vè kɔ̀ŋə̀ se zɨ.

Taytùs 1:11

Ò kyi se nə̀yn nə kə ghənə ə tsɨnə̀ wàmnə̀ nyi kûmə̀ nə ghənə ndùə njiə əghɨghe mpɨəyn, ghənə pofsə̂ kə m̀kɨ̂m è zaʼlê epi nə zɨ̂nə̀. Ghənə nə̂ nyî kè se kyî ekɛ mə nyi afɨa kɛ ə ke pə̂ èghomə̂zè.

Taytùs 3:10

Ə wùə pə̀yn è chyâsèzè ə ghàyn ə fètəyn, o fo fɨ̀as ə̀shi sê vəyn, ə ndù ke eshike se nə̀yn zamə, o fo kwəynsə̂ fɨ̀as. Epàmə̂ ə̀təyn ə è ndù ke eshike, kə ghàyn fɨyn kyî èghɛ zhîze se nə̀yn è vəyn.

Ipilù 10:29

Ə ze tè nyi zamə, ə ze tə pə̂ ə zə nyi nâʼà zàyn sê ghɨ ghɛ ə ghe nyaŋə màʼà Va Fèzhə̀ ə? Ze tə pə̂ ə ze ə nyi nâʼà zàyn sê wùə nə vɨ̂yn ə è tàʼa njiə mndəm mɛ ə Zhə̀fè zhi kâynmè ətəyn mə m̀ shùə tsɨsə̀ pi sə ghənə̂sè sə eghɛ ə? E za tə pə̂ ə ze ə nyi nâʼà zàyn sê wùə nə vɨ̂yn ə è sòylə̀ Zuʼsə ə Fezhə̀sè, ə nyi səynse ə se tyə̂nə̀ təm əchûŋ ə Fèzhə̀ghè ə? Lote kwàʼte tso kə pɔynsê zɛ ə ghənə kyi sə̂ kyi tə pə̂ ə ze ə tsɨ̂ə tâ.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.

2 Pità 2:3

Tɔynə̂ ə ghənə əshi ə fɨəghe, tyə̀ynsè sə akaŋ nə sɨ̂yn tə nə̂ pə̂ʼlè ə ghàyn ewìyn tɔynə̂ ə ghənə mghâŋghàŋə̀ mə èzômə̀. Zhə̀fè ə tə chɔʼnê nâʼà sə mɨə nə zhi nə̀ pofsə̂ ghənə, mə pofsê ətəynze vayn faŋ se pə̀yn.

1 Njɔyn 2:26

M nyâʼà ə̀ghɛ ghɨ̀nə se ghàyn kûmə̀ ə̀ghɨ ghɛ ə ghe mɔ̂msə̀ se lesə̂ ghàyn.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.

Njût 1:18

Ghənə tè pì sê ghàyn nə, “Mtuʼ me kwùŋsə̂m, ghɨghe tə pə̂ ə nyi chaʼa ghàyn, əghɨ mə ə chûmtə̀ ə̀ghɛ əpi ghɛ ə təm ə ghənə̂ghè kyiŋə.”

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

Etyə̂yn ə paynsêzè 13:14

Tɔynə̂ ə sechwìə sekayntə sɛ ə tè za nə è zə nə̂ ə nyàm èpamə ə̀shi zɛ əshi, è zə lesə̂ ə̀ghɨ ə̀kɨ̂m ghɛ ə tè ndamə əchi. Nyàm èpamə ə̀təyn ə tsà se ghənə nə ghənə fɛte fɨ̂aʼsèkè sə̂ kɔʼsə̂ nyàm èpamə ə̀shi zɛ ətəyn ə tè ndəmse è fɛ̂ eghɔ̀ŋze pîza è pa ndamə zâ.

Etyə̂yn ə paynsêzè 2:13

M nyiə ke eluʼ vɛ ə ò ndamə ətəyn. Ò ndamə elùʼ Satàyn e saʼa efɔ̂yn ə vəyn fu. O tə fɛte tyə̂m àchuŋ ə gho ekyî epomə̂zè sê mi ə tàʼa ə mɛnê ezə zɨmze nâʼàpî etuʼ vɛ ə tè zhwi Antipàs ətəyn vɛ ə è tè ndàʼa tom kûmə̀ mi è təm ə vəynghe əkɨ̂m. Ə tè zhwi vəyn elùʼ vɛ ə satàyn ndamə.

Etyə̂yn ə paynsêzè 2:9

M nyiə ke tètsôs tɛ ə ò fe, m ke ndô nə ò nyîə fɨfə pîza səmɔʼ e nyi nə wùə eghaʼâ! M ke ndô ghɛ ə pi ghe ə ghɨ ghɨnə ə ghe kaŋa tyə̂nə̀ nə ghənə nyi ə ghɨ Njûsə̀ wâmnə̀ kûmə̀ ghàyn. Ghənə nyi əghɨ anɔ̀yn ə Satàynkè.

Etyə̂yn ə paynsêzè 3:8

M ke ndô ghɛ ghɛ ə ò nyi mə o nə̀yn. Fekə, mə chwì za cho ə ndɛ sê ghò, mə nâʼà wùə vayn kaʼa è fɨyn kyiŋ. M nyiə ke nə o tɔ̀ʼ kyi va tyaʼa, pîza mə o chùmtè zaʼlê zɨmze ə tàʼa mɛnê ezə zɨmze.

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.

Etyə̂yn ə paynsêzè 6:10

Ghənə ə pɨa nâʼà è kyə̀ ètɛ nə, “Pɛ̂pɛ, Pɛ̀ Àtyaʼ Akɨ̂m, ò nyi èŋwaʼve, wâmnə̀ səmɔʼ! Ò nə̀ tsɨsə tânə̀ zàyn tsɔ̀fə kə ò saʼ ghɨ ghɨ̀nə̀ ə chi se fo etsôs sê ghənə kə ghənə tè zhwite ghàs ə?”