2 Pità 1:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Famə ə ghàyn etɔf, famə ə ghàyn e kyîə sèngɨŋze, ghàyn e kyi kepî èwəynsê, wəynsə kə va ndô pîza fɨnə ndamə èndam zɛ ə ze nə̂ Zhə̀fè e saŋnə̂,

2 Pità 1:6 ပူးပေါင်းရင်းမြစ်များ

Tom èchùŋ kè kə Lûk tè nyaʼ 21:19

Wəynsê zayn tə nə, ə ghàyn sɔ̂.

Tom èchùŋ kè kə Lûk tè nyaʼ 8:15

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.

Ŋwàʼlè ə̀ Pɔ̂l sê ghɨə Lûmghè 15:4

Naʼapi èghɛ èkè zɛ ə tè nyaʼ ə Ŋwàʼlè Fèzhə̀ sə mɨ tè nyì se zaʼlə ghâsènì. Ze tè nyi kə ghâsènì ə kyi èkwaʼtè zɛ ə ze ndô pə̂ ewàmnè ə Fezhə̀zè, nə̂ nə ghâsènì ə kyi èkol ətəmze, fɨnə fo ghâsènì è temghe.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 8:25

Pîza ə ghâsènì kyi kwâʼtèzè se fɨa kɛ ə ghâsènì fe va, ghâsènì ə kolə ə̀təm ə lɨmtə̂ kəynke.

1 Kɔlìŋ 9:25

Wùə ènyɨŋə vɛ ə è nə̀ fɨ̂aʼ ə vəynze kyi sə̂ chûmtə̀ elwɔ̂ŋ enyɨŋəve. Ghənə nə̂ e nə̂ za se kyi emaʼte, ve va se ndamə faŋ, pîza ghâsènì nə̀ e nyi se kyî emaʼte vɛ ə ve tə ndamə faŋə.

2 Kolìŋ 6:4

Ghàs pɨlə tyə̂nə̀ kə nə ghàs nyi əghɨ əfɨaʼa ə Fezhə̀ghè ə tendom tɨ̀nə̀; ghàs wəynsə̂ kə ndò tsôs e ghaʼâ vɛ ə ghàs fe, è tsɨfsè zɛ ə ze pə̂ sê ghàs, è kyì tə ghɛ ə tɛ ə mɔ̀ʼɔghe.

Ngàleshyà 5:23

kyi engɨmnê, ke se kyiə sengɨŋ. Lâŋ kyîke kwiynsə̂ va nâʼà èghɛ èmɔ̀ʼ əfètəyn ə̀ghɛ nə ghɨ̂yn.

Kòlosè 1:11

M tsə̂mə̀ nə Zhə̀fè fo tyaʼa kayntə ə Vəynke sê ghàyn kə ghàyn ə tɛ, kə ghàyn ə kolə ə̀təm, fɨnə kyîə ə̀təm, ghàyn e saŋnə̂ əghɛ ə̀kɨ̂m.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

2 Tèsàlonikà 1:4

Ə̀ za nyi eghɛ zɛ ə ghàs pìə wàmnə̀ kûmə̀ ghàyn sê ghɨ ə pomə mɔ̀ʼɔghe, ə ghɨə Fezhə̀ghè ə fètəyn, ghàs e tyalə. Ghàs nə̀ nyî kûmə̀ nə ghàs nyîə pfɨ̂nə̀ àngàŋtè endom vɛ ə ghàyn kolə təmghe ə ghàyn epomə̂, nâʼàpî kə ghɨghe tsə̂fsə̀ ghàyn, ghàyn e zɨə àpi.

2 Tèsàlonikà 3:5

Ghàs tsə̂mə̀ nə Pɛ̂pɛ nəyn ə ghàyn fe ndom vɛ ə Zhə̀fè kɔ̀ŋə̀ ghàyn, è kɨsè ndom vɛ ə ghàyn kyi sə̂ kolə ə̀təm ətəyn, kè endom vɛ ə Klâys tè kol.

1 Timotì 2:10

Ə ghənə pɨlə fɛtə̂ sengɨŋ sə ghənə̂sè è ghɛ ə chûŋ ghɛ ə ghənə nə̂, kûmə̀ nə ə̀ nyi eghɛ echûŋzè se zəyn ghɛ ə nyi mə ə pomə Zhə̀fè sə̂ nə̂.

1 Timotì 2:2

Ghàyn e lotə̂ paynsə̂ tsə̂mə̀ tso sê fɔ̂yntè è kɨsè ghɨə mɔ̀ʼɔ ghɛ ə ghe chisə ghɨghe kə ghâsènì ə ndamə è pɔ̂ynè, fanə̀ va ghɛ zhîze, kə ghâsènì ə nyi kàʼa ə ngɨmnə̂ Fèzhə̀, fɨnə nə̂ kə èghɛ zɛ ə è kyiŋə nə ghâsènì ə nə̂.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

1 Timotì 6:11

Pîza ə gho ə wùə Fèzhə̀, tə pfɨyn famə epàmə̂ ə̀ghɛ. Ò mɔ̂msə̀ sə nyi chichi, nə̂ kə nâʼà ə̀ghɛ kə Zhə̀fè kyiŋə, kyi èkyî epomə̂zè, è kɔ̂ŋzè, e wəynsê ewìynze, è ngɨmnêzè.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

1 Timotì 6:6

E nyi səmɔʼ nə ghɛ ə Fezhə̀zè kàʼa ə ze nəyn nə wùə nyi wùə è ghaʼâ, kè ezhoghɛ ə wùə kɔ̀ŋə̀ fɨa kɛ ə è kyi.

2 Timotì 3:5

Ghənə tə nə̂ ə fusə̂ ə̀ghɨ ghɛ ə ghe kɔʼsə Zhə̀fè, pîza zɨə va sê Vəyn nâʼà səkɔs. Kə ò tə paʼsê sê kyì əghɨ̀ nə ghɨ̀yn.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

Taytùs 1:8

È kyi sə̂ nyi wùə, tɔ̂ʼnə̀ è ghɨ motə pə, fɨnə kɔ̀ŋɔ̀ sə̂ nə̂ ə̀ghɛ chûŋə̀. È kyi sə̂ nyi wùə, ke se kyiə ngɨŋ ə vəyn, nə̂ ə̀ghɛ ghɛ ə ghe nyi chichi, nyi èŋwaʼze, nguŋnə̂ ngɨŋ ə̂ vəyn.

Taytùs 2:2

Zaʼle sê ndômnè ə ndumnə ghe nə, ghənə ke se kyiə sengɨŋ sə ghənə̂sè, kwənə̂ kə ə fo èkɔʼsê se ghənə, nə̂ ə̀ghɛ ètɔf eghaʼâzè. Ghənə kyi sə̂ tɛ ə ghənə ekyî epomə̂zè, kyi sə ngə̂sê kyi èkɔ̂ŋ, è təm ə kolə.

Ipilù 10:36

Ghàyn e wəynsə̂ kə ndò kə ghàyn nəyn ghɛ zɛ ə Zhə̀fè kyiŋə nə ghàyn nəyn, endom nə vɨnə mə ə ghàyn kyi fɨa kɛ ə è tè tsɨ̀ne nə è tə fo sê ghàyn.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Ipilù 6:12

Ghàs kyiŋə va nə ghàyn ə zɔlə. Ghàs pɨlə kyiŋə kə nə ghàyn ə səynə̂ ə̀ghɨ ghɛ ə ghe nyi mə ə pomə sê Zhə̀fè fɨnə wəynsə̂ se fi afɨa kɛ ə Zhə̀fè tsɨ̀nè.

Ipilù 6:15

Aplàghâm ə tə kol təmghe təm lɨmtə̂, nyiəmə, è və kyîə àfɨa kɛ ə Zhə̀fè tè tsɨ̀ne se tə fo sê vəyn.

2 Pità 1:3

Zhə̀fè ə fo nâʼàpî ghè vɛ ə ghâsènì kyi sə̂ kyi kə ghâsènì ə ndamə èndam e zo zɛ ə ze kwəynə. Fe fo efɨa nə vɨ̂yn tɔynə̂ atyaʼ kɛ ə è kyi kə Fezhə̀, è kɨsè kûmə̀ nə ghâsènì nyîə ke vəyn. È tè tɔŋə ghâsènì tɔynə̂ ə vəyn epomsê è chùŋ ə̀ vəyn.

2 Pità 3:11

Kə se nyi se tə pofsê efɨa èkɨ̂m fa endom, ghàyn kyi sə̂ nyi èkyì əghɨ̀ ə̀kè? Ndam taynte kyi sə̂ nyi èŋwaʼze, mə ghàyn ə fo təynte sê Zhə̀fè,

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.

Etyə̂yn ə paynsêzè 13:10

Ə tè nyì se tə kyiə fà nâʼà pîndè, ə tə kyî fa kə ndò. Ə tè nyi se tə zhwi nâʼà pîndè efe eghɔŋ, ə tə zhwi ke ndò vəyn è fɛ̂ eghɔ̀ŋze. Zɨnə mə tyə̂nə̀ nə ghɨə Fezhə̀ghè kyi sə̂ kyi èkol ətəmze, è kyî epomə̂zè.”

Etyə̂yn ə paynsêzè 14:12

Zɨnə mə tyə̂nə̀ nə ghɨə Fezhə̀ kyi sə̂ kyi ekol ətəmze, əghɨ ghɛ ə ndə̂mə̀ saʼ tə Fezhə̀tè, pomə sê Njisə̀s è təm ə ghənə̂ghè əkɨ̂m.

Etyə̂yn ə paynsêzè 2:2

M nyiə ke èfɨaʼ zɛ ə ò nyi mə o nə̀yn. M nyiə ke kə ò fɨ̂aʼà è tyaʼa è kol ə təmze. M nyîə ke nə ò zà va ghɨ ətəm e piə mɔŋ. M nyiə ke kepî nə o mɔ̀m ghɨ ghɛ ə ghənə pîə nə ghənə nyi əghɨtom ə Njisə̀sghè pîza vachi, ò vɛ ə ò fe kê nə ghənə nyi əghɨ akaŋghe.