2 Pità 1:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Etûə ə̀ghɛ ətəynghe əkɨ̂m, ghàyn kyi sə̂ fɛte ke nə ghɛ zhîze va ə fɨ̀aʼtèsè tè nyàʼ ə Ŋwàʼlè ə̀ Fèzhə̀ mə wùə vîvè kàʼa e tsayn paynsê zəynze è tɔf ə vəyn zə ngɨŋze.

2 Pità 1:20 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 12:6

Zhə̀fè ə njì fùʼ ə vəynke se fo ə fô ə̀ nâʼà pîndè, nâʼàpî zɨ̀yn e nyi ke sənɨŋ. Ə Zhə̀fè nyi mə fə fo wùə è fo nə è və wâmnə̀ ə̀ghɛ ə Zhə̀fè ezə, è ve wâmnə̀ kə əghɛ ətəynghe kə pomə̂ zɛ ə è kyi tyə̂nə̀.

Ŋwàʼlè ə̀ Pɔ̂l sê ghɨə Lûmghè 13:11

Ghàyn kyi se nə̂ zɨnə mə kûmə̀ nə shîŋə̀kè ə kwəyn kə ghàyn zəmə. Shîŋə̀ kə kwəyn kə ghàyn ə nyi epɨaʼtêzè, kûmə̀ nə sɔza ə ghasènìze ə paʼsê zôyn, tsɛ̂ kə ze tè nyì sə shi kə ghâsènì tè pomə.

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

1 Timotì 1:9

Ghâsènì kyi kepî sə̂ ke nə ə pâʼà fɛte lâŋ nə kɨ̂yn sê ghɨ ə chûŋə̀. Ə pɨl fɛtê se ghɨ ghɛ ə ghe kəmə lâŋkè è ghɛ ə ghe tɛ è tuve, è ghɨ ghɛ ə ghe ngɨmnə va Zhə̀fè, è ghɛ ə ghe nə̂ ghɛ piə, è ghɛ ə ghe tsə̂mə̀ va sê Zhə̀fè, è ghɛ ə ghe ndamə va ndam eŋwaʼze, è ghɨ ghɛ ə ghe zhwitə pɨ̀a ə ghənə kɨ̀sə nyì ghənə̂ghè, è ghɛ ə ghe zhwitə ghɨ mɔ̀ʼɔ,

2 Timotì 3:16

Nâʼàpî èghɛ èkè zɛ ə nyaʼ ə Ŋwàʼlè ə̀ Fèzhə̀ nyi mə ə̀ fo Fezhə̀ nə ə nyaʼ, nə zaʼlê ə səmɔʼze ə fɨə ətəyn, e tsâ tètsas tə ghɨ̀tè ətəyn, chisə̂ ə̀ghɨ ətəyn, fo ètəftê endom vɛ əghɨ kyi sə̂ ndamə èndam echûŋzè ətəyn.

Njə̂m 1:3

kûmə̀ nə ghàyn ke ndô nə mɔ̂mtè pə̀yn ə ghàyn ə tendom, ghàyn ə zhiə fɨə təynte, ə ghàyn ə ke se wəynsê ewiyn.

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,