2 Pità 1:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ghɛ ghɛ ə ghàs tè ndàʼa sê ghàyn kûmə̀ è pə̂yn ə Pɛ̂pɛ ə ghasènìze Njisə̀s Klâys è kɨsè kə è tə pə̂ è tyaʼke, ə̀ tè vachi m̀ghâŋghàŋə̀ mə èzôm mɛ ə wùə ètɔfə vîvè fɛte. Ə̀ tè nyi epayn ə vəynze nyaynəze kə ghàs tè fe ke nâʼà è shi ghasghe.

2 Pità 1:16 ပူးပေါင်းရင်းမြစ်များ

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Matyò 16:28

M pîə sê ghàyn səmɔʼ nə, ghɨ yiə nyi fâyn mə tə kwu va, ə̀ tsɛ̂ kə va mə ghənə ə fe Vâ wùə è pə̂ è fɔ̂yn ə vəynze ə chi.”

Matyò 17:1

Epàm ə mtuʼ mtufə, Njisə̀s ə njiə Pità è Njə̂m yî ànyìə vəyn Njɔyn ə kɔʼɔ è ghənə etûə pfɨ̀yn è ngaŋtə kə nyi, mə nyì ke ghənə fu.

Matyò 24:27

kûmə̀ nə pə ə Va ə̀ wùəzè tə nə̂ ə ze ə nyi ke kə eghol emɨayntəze ə ze panə awulə apàs ə mbike se nduə fɨ ə tə kə mɔ̀ʼɔke.

Matyò 24:3

Njisə̀s ə kɔʼɔ ə pfɨ̀ynə̀ Sèolìfs ə tsɨsə̂ ə chi. Chùmtè èpàm sə vəynse ə nyaʼtə̂ pə̂ se Vəyn ə pîə nə, “Tsàyn sê ghàs shîŋə̀ kɛ ə ghɛ ghɨ̀nə tə kyânə̀ ətəyn.” “Ə̀ tə nə̂ ə nyi chwìə èkè nə Ò pə̀ ndò è kɨsè nə mbi mîə ndò ə.”

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Ŋwàʼlè ə̀ Mâk 13:26

Fumə ashìŋə̀, əghɨ fe kə Va Wùə tso pə̂ əfètə̂ sèmbàʼ, è tyaʼa ə kayntəke, è pomsêzè.

Ŋwàʼlè ə̀ Mâk 14:62

Njisə̀s ə pə̀ynsə̀ ə pìə nə, “Ə̀ nyi ke nâʼà mi. Ghàyn tə fe Va Wùə, è ve tsɨs ekɔyntwɔ ə Pɛ̀-Atyaʼ-Akɨ̂mkè. Ghàyn tə fe Vəyn ə è Və tso pə̀ əfètə̂ sèmbàʼ ekwùtwəyn.”

Tom èchùŋ kè kə Lûk tè nyaʼ 1:2

Ghənə nyaʼ əghɛ mə ghâsènì əkɨ̂m əzɨ sê ghɨ ghɛ ə tè fe ghɛ tə kè se zhə̀tè kə ghe tè kyànə tsɔ̀fə kə ghənə faŋ ə tsâ.

Tom èchùŋ kè kə Lûk tè nyaʼ 9:43

Nâʼà ghɨ əkɨ̂m fu e sè nyi è kayn kûmə̀ atyaʼ ə Fezhə̀a. Ghɨə tè pa kayntə̂ kə ndò ghɛghe əkɨ̂m ghɛ ə Njisə̀s tè nə, Njisə̀s ə piə sê chùmtè èpàm sə vəynse nə,

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 1:4

Zhə̀fè ə tə tyə̀yn tɔynə̂ atyaʼ ə Sezuʼ Eŋwaʼake nə È nyi Vâ Fèzhə̀ kə È ndwìsè Vəyn ekwu. Vayn nə vɛ mə nyi Pɛ̂pɛ ə̀ ghâsènì Njisə̀s Klâys.

1 Kɔlìŋ 1:17

Klâys tè paʼà tom mi nə m pəyn fo m̀mo sê ghɨ. È tè tom nə m pəyn ə mə ndâʼà tom èchùŋ, tsâ va è tɔf eghaʼâ ə ghɨ̀zè, kə kwu ə vəynze awâmnè tàʼa njìsè atyaʼ kɛ ə ze kyi.

1 Kɔlìŋ 1:23

pîza ghàs e pɨlə ndaʼà kə nə ə tè payntê Klâys, ə tom mə ghɨə Njûsghè kɔ̀ŋə̀ va, è ze va nâʼà eghɛ zhîze sê ghɨ ghɛ ə ghənə va əghɨ ə Njûsghè.

1 Kɔlìŋ 1:7

Ze ə nə̀yn nə ghàyn tə faŋə va se fiə nâʼàpi èpɔse èkè zɛ Zuʼse ə Fezhə̀sè fo kə ghàyn lɨmtə shîŋə̀ kɛ ə Pɛ̂pɛ ə̀ ghâsènì Njisə̀s Klâys tə tyə̂nə̀ paynsə̂ ngɨŋə̂ vəyn ətəyn.

1 Kɔlìŋ 2:1

Ə tè nyi kə̂ m pə̂yn se fe ghàyn ə ghɔnyì ghɨmə se tsa eghɛ zɛ ə ze nyi səmɔʼ kûmə̀ Fezhə̀, m tè paʼà wàmnè m̀kalè mə ètɛm kə wùə vɛ ə è ngəse kyi ètɔf.

1 Kɔlìŋ 2:4

M tè zaʼlə chîəva fɨnə ndaʼà tom è chùŋ è tɔf eghaʼâzè, e kɨsè wâmnè echûŋzè mə ze ndo sê wùə m̀sɔ̀ŋ, pîza m ndaʼà tom, tyə̂nə̀ mə m məʼnə̂ chîə va ndô nə Zuʼsə Fezhə̀sè nyîə fɨaʼà è tyaʼke.

1 Kɔlìŋ 5:4

Nyiə mə, ghàyn zùŋtə̀ nâʼàpi ashìŋə̀ àkè, m nyi ə ghàyn ə fètəyn ə sezuʼ tɔynə̂ ə Pɛ̂pɛ Njisə̀s Klâys atyaʼ vɛ ə è nyì ghâsènì.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

Ɛfesùs 4:14

Ə ze nyi nyî, ə ghâsènì ə fɨyn va kə mmɨ̂ətə̀ sə̂ tsɨnə̀ ndinə̂ kə etûə m̀mo, nâʼàpî èkyì ezaʼlê èkè e pə̂ ze ə njìə tsɛ̂ kə ndò ghâsènì, wùə e pɨaʼtə pîə àkaŋ àkè è və pə̀ ə lesə̂ kə ghâsènì è kəynke.

Filìpây 3:21

È tyaʼ ə Vəyn kɛ ə ke naynə ghɛghe əkɨ̂m, è tə kwiynə̂ àchaʼ ewìyn ə ghâsènì kɨ̂nə̀, ewiyn vɛ ə ve kyi va tyaʼke, kə ghâsènì tə kyi kàyntè èwìyn kè kə È tè kyi ashìŋə̀ kɛ ə Zhə̀fè tè zòmse Vəyn.

1 Tèsàlonikà 2:19

M tè kyiŋə se pə̀yn sê ghàyn kûmə̀ nə ə̀ nyi ghàyn ə ghàyn nə̂ nə ghàs ə kwaʼtə̀ lɨmtə, fɨnə nə̂ ghàs esaŋnə̂, kûmə̀ ghàyn, ghàs tə nə̂ ə pfɨ̂nə̀ àngàŋtè ə Pɛ̂pɛ ə̀ ghâsènì Njisə̀s əshi nə ghàs ə tɨm zhi ashìŋə̀ kɛ ə è kɛse pə̂yn.

2 Tèsàlonikà 2:9

Wùə ə̀ghɛ pi nə vɨ̂yn tə pə̂ è tyaʼa, mə ə̀ fo Satàyn nə è və nə̂ ə̀ghɛ kayntə akaŋ ə tsɨəghe, tyə̂nə̀ sèchwìə sə akaŋ shîse sê ghɨ.

1 Timotì 1:4

Pì nə kə ghɨ nə ghɨ̂yn nə tsɛ̂sə̀ ashîŋə̀ ghənə̂kè mɛ̂ m̀ghâŋghàŋà mə èmɨmè tɔŋtə̂ ə̀zə pɨ̀a ə pɨ̀a ə ghənə̂ghè ghe mîə va, mə m̀ pə̀ kə esaʼnêzè əfètə̂ ghɨ̀, ghâŋghàŋà mə təynmè e tsâmtə̀ va se nə̀yn nə ghɛ ə Fezhə̀zè ndu èshike, kûmə̀ nə ə̀ fɨ̂aʼ ə Fezhə̀kè kàʼa ə nə̂ kə ə̀ghɨ ghɛ ə pomə sê vəyn.

1 Timotì 4:7

Kɛse epàm ə m̀ghâŋghàŋə̀ me mɨ mɛ m̀ kyi va ghɛ zhîze se nə̀yn è Zhə̀fè. Ò pɨlə zâŋsə̀ zaʼlə̂ ngɨŋ zɛ̂zè kə o nyi kàʼa ò nəyn ghɛ zɛ ə Zhə̀fè kyiŋə.

Taytùs 1:14

ə fɨnə zɨtə̂ va ghâŋghàŋà me èzom mə̂ ə̀ghɨ Njûsə̀m, fɨnə zɨtə va lwɔ̂ŋ vɛ ə ve ndô pə̂ sê ghɨ ghɛ ə ghe nyi mə ə tə ghɛ zɛ ə ze nyi səmɔʼ.

2 Pità 2:3

Tɔynə̂ ə ghənə əshi ə fɨəghe, tyə̀ynsè sə akaŋ nə sɨ̂yn tə nə̂ pə̂ʼlè ə ghàyn ewìyn tɔynə̂ ə ghənə mghâŋghàŋə̀ mə èzômə̀. Zhə̀fè ə tə chɔʼnê nâʼà sə mɨə nə zhi nə̀ pofsə̂ ghənə, mə pofsê ətəynze vayn faŋ se pə̀yn.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

Njût 1:14

Enɔ̀k vɛ ə è tè nyi feghâŋ fèsɛ̀mbɛ ə Andàm epàm, ə tə tsàyn kûmə̀ èghɛ zɛ ə ze tə kyânə̀ kûmə̀ ghənə nə, “Ghàyn zɨte! Pɛ̂pɛ tə pə̂ è tsì sə vəyn se Ŋwaʼase kamse se tsɨ̂ə kə nyî,

Etyə̂yn ə paynsêzè 1:7

Ghàyn fe kə, è vɛ è pə̂ əfètəyn sembàʼ, nâʼàpî ndè e nyi se fe vəyn, paʼsə̂ è ghɨghe əkɨ̂m ghɛ ə ghe tè so vəyn èghɔŋ. Nâʼà ə̀ghɨ ə̀kɨ̂m ə chi tə nə̂ ə chìə kûmə̀ vəyn. E nyi ke nâʼà səmɔʼ! ə zə nyi ke zamə.