2 Pità 1:13 - Ŋwàʼlè ə̀ Fèzhə̀ Mkâyn Mə̂ Fèm

¹³ M kwaʼtə̀ nə ə̀ nyi efə̂ zɨmze nə mə pɨ̂əytə̀ ghàyn famə əghɛ kè kə m pa ndamə.

2 Pità 1:13 ပူးပေါင်းရင်းမြစ်များ

2 Kolìŋ 5:8

Ghâsènì nyîə ngɛse kyi ə̀təm, kɔ̂ŋɔ̀ kə se za ewiyn vɨ̂yn se ndù sə̂ ndamə ə Pɛ̂pɛ elùʼ.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Filìpây 3:10

M kɔ̂ŋə̀ se kê ə Klâys, kyiŋə se kyî atyaʼ kɛ ə è tè kyi kə è tè zòmə. M kyiŋə sə̂ pa zɨə kə ngəʼ eghɨ kə è tè zɨə. M kɔ̂ŋə̀ se kyiə kəpì etsôs vɛ ə è tè kyi, se zaʼâ kə ə zhwi kepî mi kə tè zhwi Vəyn.

2 Timotì 1:6

Kûmə̀ zɨ̂nə mə, m pɨ̂əytə̀ ghò nə ò kɛse tɨ̂msè èfo zɛ ə Zhə̀fè tè fo sê ghò kə m tè ndəm gho ghɨmə ə ghò tu.

Ipilù 13:3

Ghàyn e kwâʼtə̀ ə̀ghɨ ghɛ ə ghe nyi ə ndɛ̂ chaʼ kəpiə ghâynghə̀ ghənə nyi fumə əmɔʼ. Ghàyn e kwâʼtə̀ kə pi əghɨ ghɛ ə ghe fe tsôsvè, kəpiə ghâynghə̀ ghənə fe ètsôs ətəynve əmɔʼ.

2 Pità 1:12

Kûmə̀ nyi, m nə zâŋsə̀ pɨ̂əytə̀ kə ndò ghɛ nə ghɨ̂yn sê ghàyn nâʼàpî kə ghàyn ke ghəynghe, tyəm tɛ ə səmɔʼ zɛ ə tè zaʼle ghàyn ətəyn.

2 Pità 1:14

M pîə nyî kûmə̀ nə Pɛ̂pɛ ə̀ ghâsènì Njisə̀s Klâys nyi mə è və tyə̀yn paynsê sê mi nə ghaf kɨmke fɨnə tyâfə̀ va fà chi.

2 Pità 3:1

Soyn sɨmse kɔ̀ŋsè, ə̀ kɨnə nyi akòmte ə ŋwàʼlèkè m nyâʼà sê ghàyn. Famə ə fètə̂ sèŋwàʼlè nə sɨ̂nə̀ mə sepɛ̀ ə m nyâʼ sê ghàyn, mə mɔ̀msè sə ŋaŋ se nə̀yn nə ghàyn ə kwaʼtə̀ ə̀ghɛ ghɛ ə ghe tsɔ̂fə̀ tɔynə̂ epɨəytè zɛ ə m pɨ̂əytə̀ ghɛ ətəynghe sê ghàyn.