2 Pità 1:12 - Ŋwàʼlè ə̀ Fèzhə̀ Mkâyn Mə̂ Fèm

¹² Kûmə̀ nyi, m nə zâŋsə̀ pɨ̂əytə̀ kə ndò ghɛ nə ghɨ̂yn sê ghàyn nâʼàpî kə ghàyn ke ghəynghe, tyəm tɛ ə səmɔʼ zɛ ə tè zaʼle ghàyn ətəyn.

2 Pità 1:12 ပူးပေါင်းရင်းမြစ်များ

Ətefɨ̂aʼ 16:5

Ndɛ ə̀ Fèzhə̀ ə ke tɛ nduə kə èshike epomə̂, tsɨ̂ə ndûə kəpi èshike tuʼmè m̀kɨ̂m.

Filìpây 3:1

Se mɨ̂sè ə ghɔnyì ghɨmə, ghàyn e saŋnə̂ nə ghâynghə̀ Pɛ̂pɛ nyi sə afɨa əmɔʼ. M pâʼà pɔ sə̂ nyâʼà zɔmtə̂ ə̀ghɛ mə m se nyi mə mə nyàʼ. Ghɛ nə ghɨnə nyi ke se tsɨ̀ŋnè ə ghàyn.

Kòlosè 1:5

Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.

Kòlosè 2:7

Pomə̂ zɛ ə ghàyn pomə ghɛ zɛ ə tyə̀ynsè sɨ̂nə̀ zaʼle ghàyn nyì səmɔʼ. Ghàyn e fo àzɔ̀ŋnè se Zhə̀fè shîŋə̀ tèkɨ̂m əghɛ ə̀kɨ̂m.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

2 Timotì 1:6

Kûmə̀ zɨ̂nə mə, m pɨ̂əytə̀ ghò nə ò kɛse tɨ̂msè èfo zɛ ə Zhə̀fè tè fo sê ghò kə m tè ndəm gho ghɨmə ə ghò tu.

Ipilù 10:32

Ghàyn kɛse kwàʼtè m̀tuʼ me pàmə̂ kə ghàyn tè pomə Zhə̀fè sə shi ətəyn, ghàyn ə tə zɨ tsôs te tsɨəte pîza wəynsə̂ kə ndò.

Ipilù 13:9

Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

1 Pità 5:12

Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.

2 Pità 1:13

M kwaʼtə̀ nə ə̀ nyi efə̂ zɨmze nə mə pɨ̂əytə̀ ghàyn famə əghɛ kè kə m pa ndamə.

2 Pità 1:15

M nə̀ mɔ̂msə̀ nâʼà sə ŋaŋ, se nə̀yn endom kə ghàyn ə zâŋsə̀ pɨ̂əytə̀ ə̀ghɛ nə ghɨ̂yn ezhoghɛ ə m nyi mə mə kwu.

2 Pità 3:1

Soyn sɨmse kɔ̀ŋsè, ə̀ kɨnə nyi akòmte ə ŋwàʼlèkè m nyâʼà sê ghàyn. Famə ə fètə̂ sèŋwàʼlè nə sɨ̂nə̀ mə sepɛ̀ ə m nyâʼ sê ghàyn, mə mɔ̀msè sə ŋaŋ se nə̀yn nə ghàyn ə kwaʼtə̀ ə̀ghɛ ghɛ ə ghe tsɔ̂fə̀ tɔynə̂ epɨəytè zɛ ə m pɨ̂əytə̀ ghɛ ətəynghe sê ghàyn.

2 Pità 3:17

Pîza se ghàyn ə soyn sɨmse, ghàyn nyîə kâynè ke èghɛ nə zɨ̂yn, ghàyn e tɔ̂ʼnə̀ kə ghàyn tə pfɨ nji etsas ə ghɨ̀ nə ghɨ̂yn ə fânə̀ va Zhə̀fè, ə ghàyn njise luʼ vaynve vɛ ə ve tyəm achûŋ.

1 Njɔyn 2:21

M nyâʼà va ghɛ ghɨynə̀ sê ghàyn kûmə̀ nə ghàyn ke va ghɛ zɛ ə ze nyi səmɔʼ, pîza m pɨlə nyâʼà kûmə̀ nə ghàyn nyi ə̀ ke ghəynghe, ke kepî nə kaŋke vayn kàʼa ə ke fɨ pəyn ə tə̂ səmɔʼ.

2 Njɔyn 1:2

M kɔ̂ŋɔ̀ ghàyn kûmə̀ səmɔʼ zɛ ə è nyi ə ghâsènì əfètəyn, ə səmɔʼ zɛ ə è tə ndamə faŋə.

Njût 1:17

Pîza, ghàyn kwaʼte ə soyn sɨmse ghɛ zɛ əghɨtom ə Pɛ̂pɛ ə ghâsènì Njisə̀s Klâys tè tsàyn sê ghàyn sə mɨ.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.

Njût 1:5

Pî kə ghàyn kàyne ke ə̀ghɛ nə ghɨnə mə, m kyiŋə se fɨnə Pɨ̀əytè ə ghàyn nə Pɛ̂pɛ ə shɨŋ ə̀ mɔ̀ʼɔ zhîzè ə tè fɨse ghɨə Isìlây ghè ə ngəʼ endaʼ ə Enjìpzè, pîza epàm ətəyn ə pofsə̂ ə̀ghɨ ə Isìlây ghɛ ə ghe tè tàʼa pomə̂ se vəyn.