2 Pità 1:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Nyiəmə, ə ghɔnyì ghɨmə, ghàyn kyi fɨ̂aʼ etyaʼa se tyə̀yn səmɔʼ nə ghàyn nyì kepî əfètəyn ə̀ghɨ̀ ghɛ Zhə̀fè tɔŋə nə ghe chumte vəyn, ə chɔʼɔ nə ə nyi ə̀ghɨ ə vəynghe. Ə ghàyn nə̀ ghɛ ghɨ̂nə̀, ə ghàyn tə tàʼa kyî echyâsè ghâyn ghə̀ Zhə̀fè.

2 Pità 1:10 ပူးပေါင်းရင်းမြစ်များ

Matyò 22:14

Njisə̀s ə kwùŋsə̀ nə, “Zhə̀fè ə tɔŋə̂ ghɨ tsɨə nə ə nyi ə vəyn etyə̂ àlâŋ, pîza ə kwùʼə̀ chɔʼɔ fɨsə̂ kə ə̀shi əghɨ̀ghè nyî.”

Ŋwàʼlè ə̀ Pɔ̂l sê ghɨə Lûmghè 11:29

Zɨnə mə nyi nyî kûmə̀ nə ə Zhə̀fè chite wùə ə pɔsə̂ vəyn, fe vayn fɨnə kwiynê ətəm ə vəynghe.

2 Timotì 2:19

Pîza ze tɛ se nə̀ʼsè achi ə ndɛ kɛ ə Zhə̀fè se nyi mə Fə ndə̀m, ə nyàʼà etûə ə̀təyn nə, “Pɛ̂pɛ nyîə ke ə̀ghɨ ghɛ ə̀ nyì ghə və, mə nâʼà ə̀ghɨ ə̀kɨ̂m ghɛ ə pîə nə ə nyi sê Pɛ̂pɛ, kyi se kə̀mnè epàmə ə̀ghɛ ə piə.”

Ipilù 6:11

Ghàs kɔ̂ŋɔ̀ nə nâʼà ghàyn əkɨ̂m ndəm ke atu efɨ̀aʼ nə zɨ̂yn se zaʼâ əkwùŋse kə fɨa vɛ ə ghàyn kwaʼtə̀ lɨmtə̂ sê vəynve tə pəyn səmɔʼ.

Ipilù 6:19

Kwaʼtè elɨmtə nə zɨnə̀ ə ghâsènì kyi nə̂ nə ndam ə ghasènìze ə tyəm luʼve emɔ̀ʼ, nəʼlə̀ va, kèpi endom vɛ ə ankɔ̀ kyiə ngwùʼ eghaʼâ əfètə̂ enjwì ə fengwaŋve. Wùə vɛ ə ghâsènì lɨmtə vəyn e təm ə ghasènìghe əkɨ̂m nə è tsamte ghâsènì nyi Njisə̀s, vɛ ə è njiə ndûə ə Zhə̀fè əshi, kèpî endom vɛ ghɨə kɔʼsə nə eshyə̀ engaŋtə kwəynəghe tè njiə ndûə epàm mə̂ àpàŋ ə sendzɨske, njiə ndûə eluʼ eŋwaʼa ngaŋtə kwəynəve.

Njə̂m 2:10

E za tyə̀nə̀ nə ə̂ ndə̀mə̀ pîndè saʼ tekɨ̂m ə nə̀ kəmə kə èmɔ̀ʼ, ə ze ə nyi nə è və kəm saʼ tekɨ̂m.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

1 Pità 1:5

Ghaʼ nə zɨnə nyì sê ghàyn ghɛ ə Zhə̀fè tɔ̀ʼnə̀ è tyaʼ ə vəynke tɔynə̂ ekyî epomə̂ zɛ ə ghàyn kyi, ghàyn e nyi se tə kyi esɔ̂za zɛ ə fe pɨaʼte se fo sê ghàyn ə fetuʼ fe kwuŋsəfe.

2 Pità 1:3

Zhə̀fè ə fo nâʼàpî ghè vɛ ə ghâsènì kyi sə̂ kyi kə ghâsènì ə ndamə èndam e zo zɛ ə ze kwəynə. Fe fo efɨa nə vɨ̂yn tɔynə̂ atyaʼ kɛ ə è kyi kə Fezhə̀, è kɨsè kûmə̀ nə ghâsènì nyîə ke vəyn. È tè tɔŋə ghâsènì tɔynə̂ ə vəyn epomsê è chùŋ ə̀ vəyn.

2 Pità 1:5

Kûmə̀ èghɛ nə zɨnə mə, ghàyn mɔmse nâʼà è tyaʼa sə̂ nə̂ ə̀ghɛ echûŋə̀ se kwəynsə ə ghàyn ekyî epomə̂zè. Ghàyn e nə̂ chùŋ nə zɨ̂yn kə ghɨ ghɛ ə ghe kyi tɔfze.

2 Pità 3:14

E za nyi ə soyn sɨm sechûŋsè nə, kə ghàyn lɨmtə tuʼ nə vɛ, ghàyn mɔmse nâʼà è tyaʼa sə̂ zo, kyi va tsasze ə Zhə̀fè əshi, fɨnə ndamə è pɔ̂ynè sê vəyn.

2 Pità 3:17

Pîza se ghàyn ə soyn sɨmse, ghàyn nyîə kâynè ke èghɛ nə zɨ̂yn, ghàyn e tɔ̂ʼnə̀ kə ghàyn tə pfɨ nji etsas ə ghɨ̀ nə ghɨ̂yn ə fânə̀ va Zhə̀fè, ə ghàyn njise luʼ vaynve vɛ ə ve tyəm achûŋ.

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.

Etyə̂yn ə paynsêzè 22:14

Saŋnêzè nyì sê ghɨ ghɛ ə ghe ndə̂mə̀ lwɔ̂ŋ ə vəynve, kə ghənə ə kyi èndom se zhi ə fekàʼ fə endaməfe, è kɨsè se tsɛ̀ echô mbàyn se njiə ndù ə tɔ̂ŋ èghaʼâ.