2 Pità 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

2 Pità 1:1 ပူးပေါင်းရင်းမြစ်များ

Matyò 10:2

Ə̀ ghɨnə nyi əzə əghɨ̀tomə njò sepɛ̀: Wùə shi tè nyi Shimùyn vɛ ə tè tɔŋtə kəpî nə Pità, è ànyìə vəyn Andɨ̀lò. È Njə̂m yî ànyìə vəyn Njɔyn, ə ghɔ Zepɛ̀ndîə;

Matyò 4:18

Njisə̀s tè kwìə tsɛ̂ etipì enjwì ə Ngalìlîvè tuʼ fife, ə fe Shimùyn yî ànyìə vəyn Andɨ̀lò, ghənə e maʼà fèlàm ə tsô se ko embwɔ̀, ə nyi efɨ̀aʼ ə ghənə̂zè.

Tom èchùŋ kè kə Lûk tè nyaʼ 1:47

fɨnə saŋnə̂ sê Zhə̀fè, ə sɔ̀zà vɨ̂mvè.

Tom èchùŋ kè kə Lûk tè nyaʼ 11:49

Kûmə̀ nyi, zɛ ə tɔŋtə nə, ‹Tɔf eghaʼâ ə Fezhə̀zè› pi nə, ‹M nə̀ tomə sèfɨ̀aʼtè seghaʼâsè è ndùətomse sê ghənə, ə ghənə zhwite ghəmɔ̀ʼɔ, ə fo ngəʼ sê ghəmɔ̀ʼɔ.›

Njɔyn 1:42

Andɨ̀lò ə ke njìə ndùə è Shimùyn sê Njisə̀s. Njisə̀s ə naynə̂ vəyn ə pìə nə, “Zə zɛze nyi Shimùyn, ə va Njɔyn, pîza ə nə̀ nə̂ ə tɔŋtə̂ ghò zôyn nə Sefàs.” (Sefàs è Pità nyì ke è zə èmɔ̀ʼ, ze tyə̂nə̀ nə, anayn.)

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Njɔyn 20:21

Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Ətefɨ̂aʼ 15:14

Shimùyn ə kwùʼ tsayn paynsê se ghàs kə Zhə̀fè tè chwìte tɔ̂ʼnè ə Vəyn sə shi sê ghɨ ghɛ ə̀ vachi ə̀ghɨ ə Njûsghè, mə Fe njîə fɨsə̂ ə̀ghɨ ghənə ə fètəyn nə ghə nyi ə̀ghɨ Vəynghe.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Ŋwàʼlè ə̀ Pɔ̂l sê ghɨə Lûmghè 1:12

Ghɛ zɛ m pîə nyi nə, nâʼàpî ndè ə ghâsènì ə fètəyn fo təmghe se ànyìə vəyn. Kə pomə zɨmze fo ghàyn ètyaʼke ə zaynze pɔŋ fo kepî mi ètyaʼke.

Ŋwàʼlè ə̀ Pɔ̂l sê ghɨə Lûmghè 1:17

Ə̀ nyi fâ ə tom èchùŋ ə Zhə̀fè tyə̀ paynsə̂ kə è nə̀ ghɨghe e nyi chichi ə və shi. Ghɨə nyi chichi ə Zhə̀fè əshi kûmə̀ èpomə̂ zɛ ə ghənə kyi. E nyi nyiəmə kə nyi mə ə nyàʼ ə ŋwàʼlè ə̀ Fezhə̀ nə, “Wùə vɛ ə è nyi chichi ə Zhə̀fè əshi kûmə̀ èpomə̂ zɛ ə è kyi.”

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 15:9

Kûmə̀ nə m nyi wùə vɛ è tətə kwûŋsə̀ əfètəyn ə̀ghɨtomə, kûmə̀ nə mə tə tsə̀fsè ndɛ ə̀ Fèzhə̀.

1 Kɔlìŋ 9:1

M va sə mì ə ngɨŋ ə̀? M va wùətom ə̀? M tè paʼà fe Njisə̀s Pɛ̂pɛ ə̀ ghâsènì ə? Ghàyn va etwɔm efɨ̀aʼ zɨmze ə Pɛ̂pɛ ə̀?

2 Kolìŋ 4:13

Ə nyàʼ ə Ŋwàʼlè ə Fèzhə̀ nə, “M wâmne kûmə̀ nə mə pomə̂.” Kèpî èghɨ tɔynə̂ epomə̂, ghàs wàmnə̀ kəpî kûmə̀ nə ghàs ə pomə̂.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ngàleshyà 2:8

Tyaʼa Fezhə̀ kɛ ə ke tè fɨ̀aʼa ə Pità se nə̀yn nə è və nyi wùətom sê ghɨ Njûsə̀ nyì kepî kəynke ə ke fɨaʼà ə mi se nə̀yn nə mə nyi wùətom sê ghɨ ghɛ ə̀ va ə ghɨ ə Njûsə̀.

Ɛfesùs 3:5

Ə̀ nyi ə̀ghɛ ndɔ̀ʼɔ fe tyəyn sê ghɨ shiə kə è tyə̀yn paynse zôyn sê ghɨətom eŋwaʼ ə vəynghe è fɨ̀aʼtèsè tɔynə̂ ə Sezuʼ se Ŋwaʼa sə vəynse.

Ɛfesùs 4:11

Ə̀ nyi vəyn vɛ ə è tè chɔʼ ghɨ mɔʼɔghe ə ndə̀mə̀ sə ghɨətomə, ə chɔʼɔ ghəmɔ̀ʼɔ ə ndə̀mə̀ sə sèfɨ̀aʼtè se ghaʼâsè, ə chɔʼɔ ghəmɔ̀ʼɔ ə ndə̀mə̀ nə ə nə ndâʼà èghɛ ə Fezhə̀ ətelùʼ ətelùʼ ə fɨnə chɔʼɔ ghəmɔ̀ʼɔ nə nə nyi sèfɨ̀aʼtè, ə chɔʼɔ ghəmɔ̀ʼɔ sə setyə̀ynsè.

Ɛfesùs 4:5

Ghâsènì kyi ke Pɛ̂pɛ emɔ̀ʼ, kyî epomə̂zè emɔ̀ʼ, fiə m̀mo kè atu eghɛ èmɔ̀ʼ.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Filìpây 1:29

M pîə nyî kûmə̀ nə Zhə̀fè ə tyə̀yn təm əchûŋə̀ sê ghàyn ə nə̀ nə ghàyn pomə Klâys ə fɨyn fe ètsôs kûmə̀ vəyn.

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.

2 Timotì 1:5

M pa kwâʼtə̀ ndò kàyntè èkyî èpomə̂ zɛ ə ò kyi sê Klâys, ə̀ nyì ke èkyî èpomə zɛ ə Luîs, nyìə nɛ̂, yî Yunìs nɛ̂ tè kyi. M lote ke ndò səmɔʼ nə ò kyi kepî ndò kyî epomə̂ nə zɛ.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

Taytùs 1:4

M nyâʼà sê ghò ə Taytùs. Ò nyi ke nâʼà kə kàyntə̀ vayn vɨ̂mvè kûmə̀ nə ghasè ghò kyi ke èkyî epomə̂zè emɔ̀ʼ. Ə Zhə̀fè Pɨ̀a, è Klâys Njisə̀s sɔ̀zà ə̀ ghâsènì fo ghô fùʼkè è pɔ̂ynè.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Njə̂m 1:1

Ə̀ nyaʼ Njə̂m ŋwàʼlè zɨ̀nə̀, ə wufɨ̀aʼa ə Fèzhə̀, è və̂ Pɛ̂pɛ Njisə̀s Klâys. M fo pə̂ ètɔŋtê sê tâŋ tə Isìlâytè eghɨm njòse pɛ̀ tɛ ə te nyi mə te ə waŋ ndu ke mbi èkɨ̂m.

1 Pità 1:1

Ə̀ nyaʼ mi Pità ŋwàʼlè zɨ̀nə̀, ə wùətom ə̀ Njisə̀s Klâys sê ghàyn ghɨə Fezhə̀ ghɛ ə fe chɔʼte, mə ə sàŋ fɨse ghàyn, ghàyn ghɛ ə waŋ nga ndaʼ ə Lûm, epɨ̂as endaʼ ə Pontùsvè, è Ngàleshyà, è Kàpàndoshyà, è Esiyà, è Pìtinyà.

1 Pità 1:7

Mɔ̂m nə tɨ̂nə̀ pə̀ sê ghàyn, nə̂ nə ghɨ fe ke nə ghàyn kyi ke nâʼà kàyntè èkyî epomə̂zè. Ə pɔŋɔ mɔ̀mə̀ ngôl è wusve nâʼàpî kə ə̀ nyi afɨa kɔʼnə̂ tânə̀ va kə epomə̂, mə ke kàʼa ə ke pof. E za tyə̀nə̀ nə, ə kyi kepî sə̂ mɔ̂mə̀ èkyî epomə̂ zaynze se kê nə ə̀ nyì tê kàyntè èkyî èpomə̂ zə, kûmə̀ nə ə̀ nyi afɨa kɔʼnə̂ tsɛ̂ ngôl kə ə̀ tə nəyn ə̂ nyi etuʼ vɛ ə Njisə̀s Klâys kɛse pə̂yn, ə ghàyn kyi tsîtèzè, è pomsêzè, è kɔʼsêzè.

1 Pità 2:7

Ə̀ nyi sê ghàyn ghɛ ə ghàyn pomə, chi nə zɨ̀nə nyîə tsɔ̂fə̀ nâʼà sə ŋaŋ, pîza sê ghɨ ghɛ ə ghe tàʼa pomə mi: “Chi nə zɛ ə ghɨə pɛghe tè làŋ mâʼà ə kɛse sə echi epòlə̀ ndɛze.”

1 Pità 5:1

Ə mi kèpî kə chəʼ, ə wùə vɛ ə m tsâ sê ghɨ kə Klâys tè fe ngəʼ, mə m nyi wùə mə pomsê ə Klâyszè tə pə̂ kəpî sê mi, m chyatə̂ ghàyn nə,

2 Pità 1:4

Ə̀ nyi èndom nə vɨ̂yn ə Zhə̀fè lwiynse tsɨ̂nè tɛ ə fe tè tsɨ̀ne nə fe tə fo tèfo tə m̀kɔʼnètè mə kɛve vayn kàʼa ə ve zhɔyn, ə te tsamte ghâsènì kə ə tə fɨ ə ghɛ əpi ghɛ njà èwìyn kyiŋə fa mbi. Zɨnə mə nə̀ nə̂ kə ghâsènì ə nyi chichi kə Fezhə̀.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.