2 Kolìŋ 9:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Zhə̀fè nyîə kyi àtyaʼ se pɔsə̂ ghàyn è fɨave ve tsɨ̀ə tsɛ̂ vɛ ə ghàyn kyiŋə, kə shîŋə̀ tekɨ̂m, ə ghàyn ə kyi èfɨa èkɨ̂m vɛ ə ghàyn kyiŋə, fɨyn kyi kwəynê sə̂ nə̂ ə̀ghɛ ə chûŋ ghətəyn,

2 Kolìŋ 9:8 ပူးပေါင်းရင်းမြစ်များ

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

2 Kolìŋ 13:3

Kə ghàyn sè pfɨfə chwìə se tyə̀yn nə Klâys wàmnə̀ tɔynə̂ ə mi, ghàyn nə̀ fe zə̂ynzè. È pɔylə̂ va endom vɛ ə è fɨaʼà ətəyn ghâyn ghə̀ ghənə, pîza è fɨaʼa è tyaʼe tsɨəke ə ghàyn ə fètəyn.

2 Kolìŋ 8:19

Se kwəynse, è nyi mə ə̀ chɔʼ sendɛ sə Fezhə̀sè vəyn nə ghasè ghənə nə kwiə nə̂ èfɨ̂aʼ echûŋ nə zɨ̂yn, endom sə̂ pomsə̂ Pɛ̂pɛ, è kɨsè se tyə̀yn nə ghàs nyîə kɔ̂ŋɔ̀ nâʼà sə̂ ŋaŋ se tsâmtè.

2 Kolìŋ 8:2

Ghənə tə kyi mɔ̂m te tsɨəte kûmə̀ tètsôs tɛ ə ghənə tè tsɛ̀ tɔynê ətəyn, pîza pa kyi ke ndò saŋnê eghaʼazè se fo nâʼà sə ŋaŋ se tɔ̀ʼ efɨ̂aʼ ə Fezhə̀zè pî kə ghənə tè nyi əghɨ afɨfə.

2 Kolìŋ 8:7

Ghàyn nyîə nə̂ àchûŋ ə tendom tèkɨ̂m, mə ghàyn ə fɛte pomə̂, fɛtə̂ wâmnə̀, fɨyn kyi ètɔf nâʼà sə ŋaŋ, kɔ̂ŋə̀ sə̂ tsâmtə̀ ə̀ghɨ nâʼà sə ŋaŋ, fɨnə ndəmə̂ ekɔ̀ŋ zɛ ə ghàs kyi sê ghàyn. Ghàyn fɛtê kyi àfùʼ ə fo nə kɨnə mə.

2 Kolìŋ 9:11

Zhə̀fè nə̀ pɔsə̂ ghàyn ə È fo kyì tə efɨate sê ghàyn tekɨ̂m, kə ghàyn ə tsâmtə̀ ə̀ghɨ ətəyn shîŋə̀ tekɨ̂m, è kɨsè nə shîŋə̀ kɛ ə ghɨə fi sê ghàs, ghənə e fo àzɔ̀ŋnè sê Zhə̀fè,

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Ɛfesùs 3:20

Kɔʼsêzè ndùə sê Zhə̀ fɛ ə fe kyi tyaʼa se fo efɨa, ve tsɨ̀ə nâʼà sə ŋaŋ, tsɛ̂ vɛ ə ghâsènì ndɔnə etsə̀m, è vîve mə ghâsènì vayn kaʼa kwaʼte pî se ndɔyn. Ə̀ nyi èfɨ̀aʼ ə nyi atyaʼ ə vəynke kɛ ə ke nyi ə ghâsènì əfètəyn.

Filìpây 4:11

M pìə va ghɛ nə zɨnə zôyn kə m laʼà àfɨa kûmə̀ nə mə zaʼle sə̂ ndamə, mə ə m nyiə kɔŋə̀ fèfɨ̂atə̀ fə afɨa fɛ m kyi.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

2 Tèsàlonikà 2:17

Fe nə̀ nə̂ ə ghàyn ə kyi ə̀təm ə tɛ è tyaʼa sə̂ nə̂ fɨnə wâmnə̀ kə ə̀ghɛ ə chûŋghè shîŋə̀ tekɨ̂m.

2 Timotì 2:21

Ə̂ nə̀yn nâʼàpî ndè ngɨŋə̂ vəyn sə̂ zo endom kə ghɛ əpi nə ghɨ̂nə̀ ə va ə vəyn ewìyn, ə Zhə̀fè nji vəyn sə nə̂ kàyntè ə̀ghɛ kûmə̀ nə è nyi èŋwaʼze, kyi m̀kɔʼnè se pɛ̀ èfɨ̀aʼ ə vəyn kûmə̀ nə è və màʼà ngɨŋə̂ vəyn sə̂ nyi wufɨ̀aʼa sê Vəyn, nyi èpɨaʼtêzè sə̂ nə̂ nâʼà tèkyì te fɨ̂aʼ techûŋ tekɨ̂m.

2 Timotì 3:17

Ghɛ nə ghɨnə nyi se nə̀yn nə wùə èfɨ̀aʼa ə̀ Fèzhə̀ ə kwəynə mɨ̂sə̀ sə̂ nə̂ nâʼà tèkyì tə tefɨ̀aʼ techûŋ tekɨ̂m.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Taytùs 3:14

Ghɨ ə ghasènìghe kyi se zaʼlê sə̂ nə̂ ə̀ghɛ əchûŋə̀, mə ghənə tsâmtə̀ ə̀ghɨ fo èfɨa vɛ ə ghənə ndɨŋə lâʼà. Ə ghənə nə̂ nyî, ə ghənə kyi ndam zɛ ə ze muə twɔmve.

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.

1 Pità 4:10

Zhə̀fè ə pɔse ghàyn ə fo tefo ə tekyì ə tekyì. E za tyə̀nə̀ nə nâʼàpî ndè kyi sə̂ njiə èfo ə vəyn zɛ ə Zhə̀fè fo nə̂ chùŋ sê ghɨə mɔ̀ʼɔ ghə ətəyn kə ghɨ fɨaʼa əchûŋ ə Fezhə̀ghè.