2 Kolìŋ 8:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

2 Kolìŋ 8:9 ပူးပေါင်းရင်းမြစ်များ

Matyò 17:27

Pîza ghàs kɔ̀ŋə̀ va se nə̀yn nə ghɨ ghɨ̀nə nyɔʼse tɔŋe. Ndù ènjwì ə màʼa fèchyaʼ. Mbwɔ̀ kɛ ə ò ko sə shi, ŋaʼse cho ə kəynke, ə ò koyte kɛve ə ve kwəyn kə ghâsènì ndaʼ tâks ə təyn. Njì vəynve ə ndùə ndâʼà sê ghâsènì.”

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Matyò 8:20

Njisə̀s ə pə̀ynsə̀ nə, “Sɔ̀ŋɔ̀m nyîə kyi èpûʼ ə ghənə̂vè, nɨ̂ŋmè e kyi sendɛ, pîza Vâ Wùə e kyi va luʼu se nyɨ̀ŋsè atu ə vəynke ətəyn se zɨ̀tè.”

Ŋwàʼlè ə̀ Mâk 6:3

Piə ə nyi va wùə vɨ̂yn ə è kwìə kɔmə fɨa və? Pîə nyi vâ Mèli? Piə ghɔnyì ə vəynghe nyi Njə̂m, è Njosɛ̀f, è Njondàs, è Shimùyn? Piə ghɔnyì ə vəynghe zənə ndamə ə ghâsènì əfètəyn nə?” Kûmə̀ zamə ghənə zhə̀tə̀ sə̂ pànə̀ vəyn.

Tom èchùŋ kè kə Lûk tè nyaʼ 16:11

Ə ze se nyi mə ze ə ghaʼ ghàyn se kyi eghaʼ ə mbize, ə̂ tə fo ndè kàyntè eghaʼ sê ghàyn ə?

Tom èchùŋ kè kə Lûk tè nyaʼ 2:7

È və pîə va vəyn və̂ ngɔ̀yn, ə nyi vâyn ndômə̀, ə ngolə̂ vəyn ə èpɨ̂aŋ ə sendzɨse ə nyɨ̀ŋsə̀ vəyn ə ngwùʼ zɛ ə nyamse tè zhiə ətəyn kûmə̀ nə luʼe tè kɛse va ə ndɛ zɛ ə ghɨ kwiə tè pə̀ ndamtə̂ ətəyn.

Tom èchùŋ kè kə Lûk tè nyaʼ 8:3

ə nyi Njòwanà, ə zhwìə wufɨ̀aʼa ə̀ Ɛlɔ̀t vɛ ə tè tɔŋtə nə Chuzà, è Sùsanà è kɨ̂sè è zəyn e tsɨə mɔ̀ʼɔ̂. Ghənə tè tsàmtə tɔ̂ʼnə̀ kɔʼɔ è Njisə̀s yî chùmtè èpàm sə vəynse.

Tom èchùŋ kè kə Lûk tè nyaʼ 9:58

Njisə̀s ə pə̀ynsə̀ nə, “Sɔ̀ŋɔ̀m nyîə kyi èpûʼ ə ghənə̂vè, nɨ̂ŋmè e kyi sendɛ, pîza Vâ Wùə e kyi va luʼu se nyɨ̀ŋsè atu ə vəynke ətəyn se zɨ̀tè.”

Njɔyn 1:10

È tè nyi ə mbi, pî kə Zhə̀fè tè fɛtè mbi yî Vəyn, mbi ə tàʼa fe kê ə Vəyn.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 12:30

Pîza, Njisə̀s ə pìə sê ghənə nə, “Kyə̀ zɨ̀nə pâʼà wàmnè se tsàmtè ə mi, è wàmnè se tsàmtè ə ghàyn.

Njɔyn 16:15

Nâʼà èfɨa ə Pɨ̀a vɨmvè ekɨ̂m ə̀ nyi Vɨm. Ə̀ za nyi eghɛ zɛ ə m pi nə Zuʼse nə̀ pə̂, ə sə njîə ə̀ghɛ ghɛ ə nyi ghɨmə ndâʼà sê ghàyn.”

Njɔyn 17:19

Kûmə̀ ghənə, Mə fo ngɨŋ zɨm sê Ghò kə ghənə pɔŋ fo sèngɨŋ sə ghənə̂sè sê Ghò səmɔʼ.

Ŋwàʼlè ə̀ Pɔ̂l sê ghɨə Lûmghè 11:12

Ghɛ ə piə ə ghɨ̀ ə Njûsghè tè pəyn èpɔsê etsɨəze sê ghɨə mɔ̀ʼɔghe əkɨ̂m ə mbi. Fɨf əghɨ̀ ə Njûskè ətə̂ ghɛ ə sezuʼghe, ə tə pə̀yn è pɔsê ə Fezhə̀zè sê ghɨ ghɛ ə̀ vachi ə̀ghɨ ə Njûsghè. Ə Zhə̀fè nyì se pɔsê əghɨ ghɛ ə̀ vachi ə̀ghɨ ə Njûsə̀ nyi, ezhoghɛ ə ghɨə Njûsghè nə̀yn pi, nyiəmə ə pɔsê zɛ ə è tə fo sê ghɨə Njûsə̀ tə tsɨ tayn zàyn ezhoghɛ ə ghənə kyi sɔzaze ə?

Ŋwàʼlè ə̀ Pɔ̂l sê ghɨə Lûmghè 15:3

Nâʼà Klâys paʼà tîəm nəyn ghɛze sə̂ saŋnə̂ kə è ngɨŋ Vəyn. Pîza è nə̂ kə nyi mə ə nyàʼ ə Ŋwàʼlè ə Fèzhə̀ nə, “Nâʼà tèsoylè tèkɨ̂m tɛ ə ghɨ tè sòylə ghàyn ə pfɨ̀ ə mì ə tu.”

Ŋwàʼlè ə̀ Pɔ̂l sê ghɨə Lûmghè 5:8

Ə̀ vachi zamə kə Zhə̀fè nə̀, kûmə̀ nə ndom vɛ ə è chwìtə̀ ətəyn nə è nyîə kɔ̂ŋə̀ ghâsènì nyi nə Klâys ə kwu ə ghâsènì elùʼ mə ghâsènì pa nyi ə̀ghɨ pighe.

Ŋwàʼlè ə̀ Pɔ̂l sê ghɨə Lûmghè 8:32

Ə̀ vayn kàʼa ndəʼ nyi Fèzhə̀, ə fɛ ə fe tè tàʼa ghə̀ʼtè se fo Vâ vəyn se ghâsènì əkɨ̂m. È tè nji vəyn ə fo nə È kwu ə ghâsènì ətu ə̀kɨ̂m, nyiəmə, È tə fo va zayn fɨave ekɨ̂m vɛ ə ghâsènì pfɨfə sê vəyn ə?

1 Kɔlìŋ 1:4

M fo àzɔ̀ŋnè sê Zhə̀ fɨmfe shîŋə̀ tekɨ̂m kûmə̀ ghàyn, kûmə̀ àfùʼ kɛ ə è fo sê ghàyn tɔynə̂ ə Klâys Njisə̀s.

1 Kɔlìŋ 15:47

Andàm ə̀shi vɛ ə tè fɛte mchi tè pə̀yn mchi, Andàm e kòmtə ə pə̀ ekwùtwəyn.

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

2 Kolìŋ 6:10

Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.

Ɛfesùs 2:7

È tè nəyn nyi kə ə tə nə ə nyi pî etuʼ èkè, əghɨə fe nə tɔ̂ʼnè ekayntə ə vəynze kyi va liŋze, ə nyi zɛ ə è kɔ̀ŋɔ̀ ghâsènì ətəyn ə tyə̂nə̀ tɔynə̂ ə Klâys Njisə̀s.

Ɛfesùs 3:19

Ghàyn nə ke nə kɔ̂ŋ ə vəynze ə tsɛ̀ tɔfe, kə ghàyn ghəʼne kwəyn ə ndamə èndam ə Fèzhə̀zè kè nâʼà àchûŋ.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

1 Timotì 6:18

Pì nə ghənə ə nə̂ ə̀ghɛ chûŋə̀ fɨyn nyi ə̀ghɨ ghaʼâghè tɔynə̂ əghɛ ghɛ ə ghənə nə̂, mɔ̂msə̀ sə fo fɨsə̂, fɨnə chyâtə̀ èfɨa vɛ ə ghənə kyi yî ghɨ mɔ̀ʼɔghe.

Ipilù 1:2

Pîza, e sè nyi ə mtuʼ me kwùŋsə̂ mɨ̀yn mə Fə wàmnè sê ghâsènì tɔynə̂ ə Va vəyn. Zhə̀fè tè se nyi mə fə ndə̀m nə fe tə fo nâʼàpî ghè ə mbi sê Va vəyn, mə fe tè pom mbi è nâʼàpî è ghè ətəyn tɔynə̂ kə ə Va ə̀ vəyn nə vɨ̂yn.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Etyə̂yn ə paynsêzè 2:9

M nyiə ke tètsôs tɛ ə ò fe, m ke ndô nə ò nyîə fɨfə pîza səmɔʼ e nyi nə wùə eghaʼâ! M ke ndô ghɛ ə pi ghe ə ghɨ ghɨnə ə ghe kaŋa tyə̂nə̀ nə ghənə nyi ə ghɨ Njûsə̀ wâmnə̀ kûmə̀ ghàyn. Ghənə nyi əghɨ anɔ̀yn ə Satàynkè.

Etyə̂yn ə paynsêzè 21:7

Ə̀ nò zhi nâʼà pîndè, m fo fɨa vɨ̀nə sê vəyn, m mə nyi Fezhə̀ fə vəynfe, è ve nyi vayn vɨ̂m.

Etyə̂yn ə paynsêzè 3:18

M təftə̂ ghò nə ò zhɔyn kàyntə̀ ngôl sê mi kə o ə nyi wùə èkɛ. Zhɔyn ndzɨs se fɨfə̂sè ə maʼə̀ ə kɨytə̂ èwiyn vɛve ətəyn, kə ndɔ̀ʼɔ ə ò ə kwìə ghomə̂. Nayne fuve ə ndəm ə ghò əshi kə o ə fe tèluʼ.