2 Kolìŋ 8:8 - Ŋwàʼlè ə̀ Fèzhə̀ Mkâyn Mə̂ Fèm

⁸ M pìə va nyiə nə m fo sə alàŋ, pîza m tyə̂nə̀ kə se ghàyn ndom vɛ ə ghɨ mɔ̀ʼɔ kyiŋə se tsàmtè nâʼà sə ŋaŋ, kə m fe nə kɔ̂ŋ zaynze nyi səmɔʼ mə nyi akaŋ ə.

2 Kolìŋ 8:8 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 12:9

Ə nâʼàpî ndè ə kɔŋə̀ ə̀ghɨ è təm ə vəynghe əkɨ̂m. Ə nâʼàpî ndè ə pânə̀ pi è təm ə vəynghe əkɨ̂m. Ə nâʼàpî ndè ə fɛtê tyəm sə̂ nə̂ kə èghɛ zɛ ə̀ nyì ze chûŋzè.

1 Kɔlìŋ 7:12

Sê ghɨ mɔ̀ʼɔ ghɛ ə ghe faŋ ndɔ̀ʼɔ ə m wâmne kûmə̀ ghənə, m pîə nə, (Ə̀ pìə mi zɨ̂nə̀ ə̀ vachi Pɛ̂pɛ), ‘Ə wùə èpomə kyi zhwi ndɔ̀ʼə è pomə, zhwî ə̀təyn ə pomə̂ se ndam yî vəyn, kə è nə chum vəyn.’

1 Kɔlìŋ 7:25

M pîə èghɛ zôyn se pə̀ynsè eghɛ zɛ ə ghàyn tè pfɨf kûmə̀ ə̀ghɨ ghɛ ə ghe pa tsɨs ndɔ̀ʼɔ malə. M kyi va lâŋkè mə ə̀ tsɛ̀se Pɛ̂pɛ, m pîə kə èghɛ zɛ m̀ kwâʼtə̀ kə wùə ə Pɛ̂pɛ kose səyn sê vəyn ə nə̀ ghɨghe ə samsə̂ vəyn.

1 Kɔlìŋ 7:6

M tsɨ̂nə̀ pîə kə ndò kə eghɛ ə ke ə pomə̂ ezhoghɛ ə ghàyn kyiŋə, ə̀ vachi àlaŋ.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

2 Kolìŋ 8:10

M kyiŋə se pì eghɛ zɛ m kwaʼtə̀ se ghàyn kûmə̀ èghɛ nə zɨ̂yn. E tsɔ̂fə̀ nə ghàyn mɨse ghɛ zɛ ə ghàyn tè zhə̀te ə pîŋ ètsɛ zôyn. Ghàyn tè va ke ə̀ghɨ əshi se fo, ghàyn tè nyì kepî ə̀ghɨ shiə sə̂ kɔ̂ŋə̀ se fo.

2 Kolìŋ 8:24

Ghàyn tyəyn kɔ̂ŋ zaynze sê ghənə kə ndɛsə Fezhə̀ sekɨ̂m fe paynsê ə ke nə ghàs pfɨ̀nə̀ va ngàŋtèkè kûmə̀ ghàyn sə ndô.

2 Kolìŋ 9:2

kûmə̀ nə m ke ndô nə ghàyn nyîə kɔ̂ŋə̀ se tsâmtè. M tè pfɨ̀nə̀ angàŋtè kûmə̀ ghàyn sê ghɨ Màsèndonyà pìə nə, “Ghàyn ghɨ Àkayà tè nyiə kɔ̂ŋə̀ se fo nâʼà ə pîŋ è tsɛ.” Ghənə ə tə zɨ kə ghàyn tè kɔ̀ŋə nâʼà sə ŋaŋ se fo, wiyn ə ghənəvè e sè tɨ̂mə̀ nâʼà sə ŋaŋ se pɔŋə fo.

2 Kolìŋ 9:7

Ə nâʼàpî ndè piə e fo ndò, è və fo kə àfɨa kɛ ə təm ə vəynghe tyə̂nə̀ nə è fo. Kə wùə nə piə è fo ndò, ə è və fo chîə èwiyn, kəpiə ə kamə ndò vəyn, kûmə̀ nə Zhə̀fè kɔ̂ŋɔ̀ wùə vɛ ə è fo è saŋnêzè.

Ɛfesùs 4:15

Ə ghâsènì pɨlə wàmnə̀ kə səmɔʼ tyə̂nə̀ èkɔ̂ŋ, ə ghâsènì ndəmə ke ndom tekɨ̂m ə nyi kə Klâys vɛ ə è nyi atu sê ghâsènì.

Ɛfesùs 6:24

Ə fùʼ ə Fezhə̀kè ə nyi se ghɨghe əkɨ̂m ghɛ ə ghe faŋ kɔ̂ŋɔ̀ kə ndò Pɛ̂pɛə ə̀ ghâsènì Njisə̀s Klâys.

Ipilù 10:24

Ə ghâsènì ə tsâmtə̀ sèngɨŋ sə ghasènìse se tyə̀n ekɔ̂ŋ, nə̂ chùŋ.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.