2 Kolìŋ 8:4 - Ŋwàʼlè ə̀ Fèzhə̀ Mkâyn Mə̂ Fèm

⁴ fo zâ chyatə̂ ghàs nə ghàs fo zhəmke, ə ghənə fo ə pɔŋ tsâmtè ə̀ghɨə Fezhə̀ ghɛ ə ghe ndamə ə Njòndyâ.

2 Kolìŋ 8:4 ပူးပေါင်းရင်းမြစ်များ

Matyò 10:42

Ghàyn ke səmɔʼ nə ə̂ fo pîndè wà m̀mò èsanə sê wùə èmɔ̀ʼ əfètə̂ ə̀ghɨ̀ ghɨ̀yn kûmə̀ nə è nyi chùmtè èpàm zɨ̂mè, pî vɛ ə va wùə èghaʼâ, è kyi se kyî emaʼtè ə Fezhə̀vè.”

Matyò 12:50

Nâʼà pîndè vɛ ə è nə̀yn ghɛ zɛ ə pɨa vɨ̂mvè ekwùtwəyn kyiŋə, ə̀ nyi ànyì vɨ̂m ve ndômə̀ è ve zhɔyn è nyì vɨ̂mvè.”

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Ŋwàʼlè ə̀ Mâk 14:7

Ghàyn nə ndam kyi ke ndò ghɨə afɨfə ə ghàyn əfètəyn, mə ghàyn kɔ̀ŋ nâʼà pî ashìŋə̀ àkè, ə ghàyn tsamte ghənə. Pîza, m mə va ə ghànə fètəyn shîŋə̀ tekɨ̂m.

Ətefɨ̂aʼ 11:29

Chùmtè èpàm shîse ə se tè nyi fu ə ke ndə̀m nə nâʼà pîndè nyîə kyi se tiynsə̂ etsâmtè sê ghɨpomə ghɛ ə ghe tè nyi apàs endaʼ ə Njòndyâkè kè kə nâʼà pîndè tè kaʼa ə è kyi tayn.

Ətefɨ̂aʼ 16:15

Ə pə̀ kə fo môm sê vəyn è ghɨə vəyn ghe sas ə ndɛghe, è və ke ndàmnè ə ghàs ə və ndɛ. È tè piə nə, “Ghàyn pəyn pɨəyn ə mìə ndɛ, ezhoghɛ ə ghàyn nyi mə ə chɔʼnê nə m nyi wùə èpomə ə̀ Pɛ̂pɛ səmɔʼ.” È və chyatə̂ tsɛsə̀ ghàs, ghàs ə ndùə.

Ətefɨ̂aʼ 24:17

Ə tè nyi kə m tsɛsè pìŋsè setsɨ̀ mə m va ə Njèlusalɛ̀m, mə ndùə fumə kə tom nə m pəyn fo èkɛ sê ghɨ ghɨmə, ə m fɨyn fo èfo se Zhə̀fè.

Ŋwàʼlè ə̀ Pɔ̂l sê ghɨə Lûmghè 15:31

Ghàyn e tsə̂mə̀ nə Zhə̀fè ə tɔ̂ʼnə̀ è mi kə ghɨ Njòndyâ ghɛ ə ghe ke va Zhə̀fè nə tàʼa fo ètsôs sê mi. Ghàyn tsəm kepî nə Zhə̀fè nəyn, ə ghɨ afɨfə ə fètə̂ ə̀ghɨ̀ ə Fezhə̀ghè ə Njèlusalɛ̀m fi tsâmtè zɛ m ndûə è zəyn sê ghənə.

1 Kɔlìŋ 16:1

Zôyn, tɔynə̂ eghɛ zɛ ə ghàyn tè nyaʼ kûmə̀ èkɛ vɛ ə tè nyì se fo se tsàmtə əghɨ epoməghe ətəyn ə Njòndyâ, ghàyn kyi se nyəʼlə nə kə eghɛ zɛ m tè pi nə ndɛ sə Fezhə̀sè nəyn ə Ngàleshyà.

1 Kɔlìŋ 16:15

Ghàyn nyiə ke Sɨ̀tefanàs è sas ə ndɛ vəynze, ə̀ nyi ghənə è ghɨə shiə se pomə̂ ə Àkayà, se fo ngɨŋ ə ghənə se ghɨə fɨaʼa Fezhə̀ghè. M chatə ndò ghàyn ə soyn sɨmse nə,

2 Kolìŋ 9:1

M ke nə m fə fɨyn kyi va se nyaʼ sê ghàyn kûmə̀ ètsâmtè zɛ ə ghàyn kyi se tom sê ghɨə Fezhə̀ ghè ə Njòndyâ,

Ngàleshyà 2:10

Ghɛ zɛ ə ghənə tè pi nə ghàs ə nə̂ tè nyi nə ghàs ə kwaʼtə̀ ə̀ghɨ afɨfə ə ghàs ə fètəyn, ə̀ nyi èghɛ zɛ ə m kɔ̂ŋɔ̀ nâʼà sə ŋaŋ sə̂ nə̂.

Ngàleshyà 6:10

E za tyə̀nə̀ nə ə ghâsènì kyi ndomnə̀fè nâʼà pî ashìŋə̀ àkè se nə chùŋ, ghâsènì mɔmsə̀ se nə kə sê ghɨ ghəkɨ̂m, fɨnə nə̂ nâʼà setsɨ̀ sê ghɨ ghɛ ə ghâsènì ghə̀ ghənə kyi kyî epomə̂zè emɔ̀ʼ.

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.