2 Kolìŋ 8:3 - Ŋwàʼlè ə̀ Fèzhə̀ Mkâyn Mə̂ Fèm

³ M tsâ èghɛ sê ghàyn, mə mə tə fe. Ghənə tè pâʼà fo ke fɨa kɛ ə ghənə tè kàʼa fo, ghənə tə fo tsɛ zamə. Ghənə tè fo ke nâʼà sə ghənə ekɔ̀ŋ,

2 Kolìŋ 8:3 ပူးပေါင်းရင်းမြစ်များ

Ŋwàʼlè ə̀ Mâk 14:8

Wùzhɔyn vɨnə nə̀yn ke èghɛ zɛ ə è fè kàʼa ə è nəyn. È sɨ̂s mngwɨl me lɨ̀mtə̂m ə mì atu se pɨaʼtə e pfɨ̀mə̀ zɨmze tsɔ̀fə shîŋə̀kè kwənə.

Ətefɨ̂aʼ 11:29

Chùmtè èpàm shîse ə se tè nyi fu ə ke ndə̀m nə nâʼà pîndè nyîə kyi se tiynsə̂ etsâmtè sê ghɨpomə ghɛ ə ghe tè nyi apàs endaʼ ə Njòndyâkè kè kə nâʼà pîndè tè kaʼa ə è kyi tayn.

Ŋwàʼlè ə̀ Pɔ̂l sê ghɨə Lûmghè 10:2

M kaʼa m tsayn nə ghənə nyîə kɔ̂ŋə̀ se fɨ̂aʼ se Zhə̀fè è təm ə ghənə̂ghè əkɨ̂m, pîza tɔʼ keva kə ghənə kyi se fɨ̂aʼ se Vəyn.

1 Kɔlìŋ 16:2

Nâʼàpî ə fetuʼ fe kɔʼsə fèkè, nâʼàpî ndè ə ghàyn ə fè təyn kyi se ndə̀m ekɛ vîve, ə fètə̂ àfɨa kɛ ə è nyi mə è və kyî se fɛtə ndə ndə̀m kə ə nə nəyn ə ndəʼə̀ kwîə fitə̂ chîəva kɛve ashìŋə̀ kɛ m pə̂yn.

1 Kɔlìŋ 9:17

Ə m nə̂ fɨ̂aʼ zɨmze mə ə̀ kɔŋ mi sə̂ nə̂, ə nyi nə ə kyi sə̂ ndàʼà mi; pîza m nə̀ nə̂ kə kûmə̀ nə ə̀ nyi eghɛ, m kyi ke se nə̀yn, mə ə̀ fo Fezhə̀ èfɨaʼ ətəynze nə mə nə̂.

Ngàleshyà 4:15

Ə̀ kyâyn ghe sê saŋnê zɛ ə ghàyn tè kyiə? M pìə kə nâʼà səmɔʼ nə, ə ze fe pɔynə̂ mə ghàyn ə chɔʼtê shi ghaynghe ə fo sê mi.

Filìpây 2:13

Kûmə̀ nə ə̀ nyi Fezhə̀, ə Fe fɨaʼà ə ghàyn ə fètəyn, tsâmtə̀ ghàyn nə ghàyn ə kɔŋə̀ se nə̀yn, nyi se kaʼa nəyn fɨ̂aʼ zɛ ə ze tsɔ̂fə̀ sê Vəyn.

Kòlosè 4:13

M tyəm ke nâʼà kə tsɛ̀ èsaʼ nə è və fɨ̂aʼ sê ghàyn nâʼà è tyaʼa, ə fɨnə fɨ̂aʼà sê ghɨ ghɛ ə ghe ndamə ə Làndisyà è ghɛ ə ghe ndamə ə Ɛlapolìs.

1 Tèsàlonikà 2:8

Kûmə̀ èkɔ̂ŋ zɛ ə ghàs tè kyi se ghàyn, ghàs tè nyi èpɨaʼtêzè se ndàʼa tom èchùŋ sê ghàyn mə è ndò pə̂yn se Zhə̀fè, nyi kepî èpɨaʼtêzè se kwu kûmə̀ ghàyn. Ghàs tè nyîə kɔ̂ŋə̀ ghàyn nâʼà sə ŋaŋ!

Filemùyn 1:14

pîza m nə̀ ndəmə̀ zâ va vəyn ə̀ tsɛ̂ kə va mə o pomə̂ kə ze ə tyə̂nə̀ nə nâʼàpî chùŋ èkè zɛ ə ò nə̀yn sê mi ə nyi mə ò nə̀yn ke ə ghò ekɔ̀ŋ, ə̀ vachi nə m ŋamne ndò ghò.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.

1 Pità 5:2

ghàyn e tɔ̂ʼnə̀ è ndzè sə Fezhə̀ sɛ ə se nyi ə ghàyn etyə̀. Kə ghàyn ə nə kəpiə ə ŋamnə̂ ndò ghàyn, pîza ghàyn e nə̂ mə ghàyn kɔ̀ŋə̀ ndò kûmə̀ nə ə̀ nyi zamə kə Zhə̀fè kyiŋə. Ghàyn e nə̀ èfɨaʼ zaynze ə̀ vachi kûmə̀ àfɨa kɛ ə nə̀ ndâʼà ghàyn ətəyn, ghàyn e fɨaʼà kûmə̀ nə ghàyn səmtə̂ ndò se fɨ̂aʼ sê Zhə̀fè.