2 Kolìŋ 8:12 - Ŋwàʼlè ə̀ Fèzhə̀ Mkâyn Mə̂ Fèm

¹² Kûmə̀ nə ə ghàyn piə fo afɨa saŋnə̂ se fo kɛ ə ghàyn kyi, ə Zhə̀fè fi fo ətəynze kûmə̀ nə ə̀ nyi afɨa kɛ ə ò kyi, mə è kyiŋə va nə ò fo kɛ ə o kyi va.

2 Kolìŋ 8:12 ပူးပေါင်းရင်းမြစ်များ

Matyò 25:17

Kèpî famə endom, vɛ ə è tè fi kamse pɛ̀ ə kyîə kwəynsə̂ sèkam səmɔ̀ʼɔ sepɛ̀.

Matyò 25:22

Wùə èfɨ̀aʼa vɛ ə tè fo vəyn è kam sepɛ̀ ə njiə pə̂ ə pìə nə, ‹Pɛ̀ àpɨəyn, ò tè fo mi è kam sepɛ̀ mə ndə̀mə̀ səynse ə pəʼlè. Naynə kə! kam sə mɔ̀ʼɔse sɨ̂nə̀ sèpɛ̀ kə m kyi.›

Tom èchùŋ kè kə Lûk tè nyaʼ 16:10

Ə wùə fɛte kyiə ghɛ̂lə̀ me tətə̂m, ò fo əghɛ e ghaʼa, ə è fɛte kyi kepî za. È nyi mə è vâyn kàʼa è kyi ghɛ̂lə̀ me tətə̂m, ò fo naʼapi əghɛ e ghaʼa, è vâyn fɛtə̂ kyi.

2 Kolìŋ 8:11

Zôyn, ghàyn mɨse fɨ̂aʼ ətəynke, kə kɔ̂ŋ zaynze se nə̀yn efɨaʼ ətəynze ə nyi kepî èghɨ kə atyaʼ kaynke se mɨ̀sè efɨaʼ ətəynze, mə ghàyn nə̀ nə̂ èfɨaʼ ətəynze kè èfɨa kɛ ə ghàyn kàʼa ə ghàyn kyi.

2 Kolìŋ 8:13

M kyiŋə va nə ghɨə mɔ̀ʼɔghe ə nə̂ kə fèfɨ̂atə̀ fə afɨ̀aʼfè mə ghàyn ə pɨ̀aʼà fɨ̂aʼ etsɨəke ə ghàyn ətu. M pɨlə kyiŋə kə nə ghɛ ghə nyi èghɨ nâʼàpî sê ndè.

2 Kolìŋ 8:19

Se kwəynse, è nyi mə ə̀ chɔʼ sendɛ sə Fezhə̀sè vəyn nə ghasè ghənə nə kwiə nə̂ èfɨ̂aʼ echûŋ nə zɨ̂yn, endom sə̂ pomsə̂ Pɛ̂pɛ, è kɨsè se tyə̀yn nə ghàs nyîə kɔ̂ŋɔ̀ nâʼà sə̂ ŋaŋ se tsâmtè.

2 Kolìŋ 9:7

Ə nâʼàpî ndè piə e fo ndò, è və fo kə àfɨa kɛ ə təm ə vəynghe tyə̂nə̀ nə è fo. Kə wùə nə piə è fo ndò, ə è və fo chîə èwiyn, kəpiə ə kamə ndò vəyn, kûmə̀ nə Zhə̀fè kɔ̂ŋɔ̀ wùə vɛ ə è fo è saŋnêzè.

1 Pità 4:10

Zhə̀fè ə pɔse ghàyn ə fo tefo ə tekyì ə tekyì. E za tyə̀nə̀ nə nâʼàpî ndè kyi sə̂ njiə èfo ə vəyn zɛ ə Zhə̀fè fo nə̂ chùŋ sê ghɨə mɔ̀ʼɔ ghə ətəyn kə ghɨ fɨaʼa əchûŋ ə Fezhə̀ghè.