2 Kolìŋ 8:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ M kyiŋə se pì eghɛ zɛ m kwaʼtə̀ se ghàyn kûmə̀ èghɛ nə zɨ̂yn. E tsɔ̂fə̀ nə ghàyn mɨse ghɛ zɛ ə ghàyn tè zhə̀te ə pîŋ ètsɛ zôyn. Ghàyn tè va ke ə̀ghɨ əshi se fo, ghàyn tè nyì kepî ə̀ghɨ shiə sə̂ kɔ̂ŋə̀ se fo.

2 Kolìŋ 8:10 ပူးပေါင်းရင်းမြစ်များ

Matyò 10:42

Ghàyn ke səmɔʼ nə ə̂ fo pîndè wà m̀mò èsanə sê wùə èmɔ̀ʼ əfètə̂ ə̀ghɨ̀ ghɨ̀yn kûmə̀ nə è nyi chùmtè èpàm zɨ̂mè, pî vɛ ə va wùə èghaʼâ, è kyi se kyî emaʼtè ə Fezhə̀vè.”

Njɔyn 11:50

Ghàyn fe va nə e pɨlə tsɔ̂fə̀ kə wùə èmɔ̀ʼ kwu ə ghɨghe əkɨ̂m elùʼ tsɛ̂ kə ndaʼ ə ghasènìze njise ə?”

Njɔyn 16:7

Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 18:14

Kayfàs nə vɨ̂yn tè nyi wùə vɛ ə è tè təfte ghɨ Njûsə̀ nə e tsɔ̂fə̀ nə wùə èmɔ̀ʼ kwu ə ghɨghe əkɨ̂m atu.

1 Kɔlìŋ 10:23

Ghənə pîə nə, “Ghâsènì kàʼa ə ghayn nâʼà pîghè” kè kə ghənə nyi mə pì. Zɨnə mə nyi səmɔʼ pîza ə̀ va nâʼàpî àkè ə ke tsɔ̂fə̀. “Ghâsènì kàʼa ghayn nâʼà pîghè” Pîza ə̀ va nâʼàpî èghɛ èkè ə ze tsâmtə̀.

1 Kɔlìŋ 16:2

Nâʼàpî ə fetuʼ fe kɔʼsə fèkè, nâʼàpî ndè ə ghàyn ə fè təyn kyi se ndə̀m ekɛ vîve, ə fètə̂ àfɨa kɛ ə è nyi mə è və kyî se fɛtə ndə ndə̀m kə ə nə nəyn ə ndəʼə̀ kwîə fitə̂ chîəva kɛve ashìŋə̀ kɛ m pə̂yn.

1 Kɔlìŋ 6:12

Wùə vîvè kaʼa è pi nə, “Ə zà nə m kaʼa ə m nəyn nâʼàpî èghɛ èkè.” E nyi ke nâʼà səmɔʼ pîza ə̀ va ə̀ghɛ ə̀kɨ̂m ə ghe kaʼa ə ghe tsamte wùə. Ə zà mi nə m kaʼa ə m nəyn nâʼàpî èghɛ èkè, pîza m vayn pomə sə nyi àkɔ̂s sê ghɛ zhîze.

1 Kɔlìŋ 7:25

M pîə èghɛ zôyn se pə̀ynsè eghɛ zɛ ə ghàyn tè pfɨf kûmə̀ ə̀ghɨ ghɛ ə ghe pa tsɨs ndɔ̀ʼɔ malə. M kyi va lâŋkè mə ə̀ tsɛ̀se Pɛ̂pɛ, m pîə kə èghɛ zɛ m̀ kwâʼtə̀ kə wùə ə Pɛ̂pɛ kose səyn sê vəyn ə nə̀ ghɨghe ə samsə̂ vəyn.

1 Kɔlìŋ 7:40

Ə nyì ə mi ekwaʼtè, ə wùzhɔyn ətəyn kaʼa è və saŋnə̂ tsɛ̂ ashìŋə̀ kɛ è faŋ ke za. M kwàʼtə̀ nə Zuʼsə Fezhə̀sè chisə̂ kəpî ndò mi.

2 Kolìŋ 12:1

M nə pfɨnə̀ kə ndò ngàŋtèkè kûmə̀ nə tyə̀ynsè sə akaŋ sɨ̂nə̀ nə̀ ndò zamə nâʼàpî kə ze tsâmtə̀ va wùə vîvè. Pîza, m nə̀ ndâʼà se ghàyn ghɛ ə ndətə ghɛ ə Pɛ̂pɛ nə̂yn, m vɛ m fe ə telaynəlayn.

2 Kolìŋ 8:6

Ə̀ za nyi eghɛ zɛ ə ghàs tè chyate Taytùs vɛ ə è tè zhə̀te fɨ̂aʼ kɨ̀nə̀ nə è ndu èshike èfɨaʼ ətəynke, nə è tsamte ghàyn ə è mɨse fɨ̂aʼ afùʼ nə zɨnə mə ə è tè zhə̀te.

2 Kolìŋ 8:8

M pìə va nyiə nə m fo sə alàŋ, pîza m tyə̂nə̀ kə se ghàyn ndom vɛ ə ghɨ mɔ̀ʼɔ kyiŋə se tsàmtè nâʼà sə ŋaŋ, kə m fe nə kɔ̂ŋ zaynze nyi səmɔʼ mə nyi akaŋ ə.

2 Kolìŋ 9:2

kûmə̀ nə m ke ndô nə ghàyn nyîə kɔ̂ŋə̀ se tsâmtè. M tè pfɨ̀nə̀ angàŋtè kûmə̀ ghàyn sê ghɨ Màsèndonyà pìə nə, “Ghàyn ghɨ Àkayà tè nyiə kɔ̂ŋə̀ se fo nâʼà ə pîŋ è tsɛ.” Ghənə ə tə zɨ kə ghàyn tè kɔ̀ŋə nâʼà sə ŋaŋ se fo, wiyn ə ghənəvè e sè tɨ̂mə̀ nâʼà sə ŋaŋ se pɔŋə fo.

Filìpây 4:17

M pîə va nyi kûmə̀ nə m kyiŋə nə ghàyn tom mâʼte vîve sê mi. M pɨlə kyiŋə se fe kə Zhə̀fè pɔsə ghàyn fɨnə pɔsə̂ kwəynsə̂.

Ipilù 13:16

Kə wùə nə lɛ̂sè sə̂ nə̂ eghɛ echuŋzè sê wùə kɨ̀sə sə̂ chyàtə̀ àfɨa kɛ ə è kyi se fo wùə ə̀ mɔʼɔ. Ghɛ nə ghɨnə nyi sê Zhə̀fè kə efo, ghe nə̂ nə fe ə saŋnə̂.