2 Kolìŋ 7:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ə̀ tè vachi ke èpə̂yn ə vəynze ə ze tè nəyn nə ghàs ə saŋnə̂, pîza è kɨsè èndom vɛ ə è tè tsàyn sê ghàs nə ghàyn ə fo vəyn è təmə ə zɨtəghe. Ghàs tè nyiə saŋnə̂ kəpi kûmə̀ nə è və tə tsàyn kə ghàyn tè lotə kɔ̂ŋə̀ se fe mi, è ndom vɛ ə ghàyn kosə kyaʼà ətəyn, è ndom vɛ ə ghàyn nyi èpɨaʼtêzè ətəyn se tɔ̀ʼɔ̀ mi, kûmə̀ ə̀ghɛ nə ghɨ̂yn kə m zɨ, m lotə̂ ngɛsə̂ saŋnə̂ ndò zôyn.

2 Kolìŋ 7:7 ပူးပေါင်းရင်းမြစ်များ

Matyò 26:75

Pità ə ke kɛse ə kwàʼtè eghɛ zɛ Njisə̀s fè pì sê vəyn nə, “Ndom ə̀mbvɨ nə̀ piə è tɔŋɔ ndò mə o mɛ mi shîŋə̀ teta.” Pità ə fɨ ə ndûə əpɨəyn ə chîə nâʼà sə ŋaŋ.

Matyò 5:4

Pɔsê nyì sê ghɨ ghɛ ə ghe chîə kwue, Zhə̀fè tə nə̂ nə ghənə saŋnə̂.

Tom èchùŋ kè kə Lûk tè nyaʼ 22:44

È və kwàʼtə ngəʼ èghaʼâ zɛ è nə̀ nə̂ ə è və nyi ətəyn, e kwûəmə tsɛsə̀, è və fɨnə tɔ̀ʼɔ̀ tsə̂mə̀, zuʼseke ə fɨə ə ə vəyn ewìyn, kyaʼà kə mndəm, tàyntə̀ ə chi.

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

Ŋwàʼlè ə̀ Pɔ̂l sê ghɨə Lûmghè 1:12

Ghɛ zɛ m pîə nyi nə, nâʼàpî ndè ə ghâsènì ə fètəyn fo təmghe se ànyìə vəyn. Kə pomə zɨmze fo ghàyn ètyaʼke ə zaynze pɔŋ fo kepî mi ètyaʼke.

1 Kɔlìŋ 5:2

Ghɛ kyaʼa nyî, ghàyn e ghaŋsə̂ èwiyn kûmə̀ ghɛ̀? Pîə ghàyn fe pɨl nyi sə̂ nyi èkome ewìynve se fɨnə chùmə fɨsə wùə vɛ ə è mòmə̀ kyì eghɛ nə zɨnə ə ghàyn anɔ̀yn ə?

2 Kolìŋ 1:4

È tsàmtə̀ ghâsènì ə ghâsènì ə tetsòs tèkɨ̂m, kə ghâsènì ə nyi kaʼa tsamte kepî ə̀ghɨ ə mɔ̀ʼɔ ghɛ ə kyi kyì tə tetsòs tekɨ̂m, kèpî endom vɛ ə Zhə̀fè tè tsàmte ghâsènì.

2 Kolìŋ 2:9

M tè nyaʼ ŋwàʼlè se ghàyn se kotê endom vɛ ə ghàyn nyi mə ghàyn ə nò nâʼà sə ŋaŋ əfètəyn èmɔ̀m, è kɨsè se kê nə ghàyn pa nyi ke ndò èpɨaʼtêzè sə̂ zɨə ə̀ghɛ ghɛ m pîə mə.

2 Kolìŋ 5:2

Kə ghâsènì ndamə fa ewìyn, ghâsènì nyîə tsɔ̂nə̀, ghâsènì e chîə kûmə̀ kə ə kɔ̂ŋɔ̀ nə Zhə̀fè zaŋse fo ndɛ ə̀ ghâsènì zə èkwùtwəyn kə ghâsènì kɨyte wìyn ə ghâsènìve ətəyn.

2 Kolìŋ 7:6

Pîza Zhə̀ fɛ ə fe fo təmə ə nə̀, pə̂ Taytùs zè ə fo ghàs è təmə.

2 Kolìŋ 7:8

Ŋwàʼlè zɛ ə m tè nyàʼ sê ghàyn kàʼa è zə nyi mə è zə fo ngəʼ sê ghàyn, pîza m komə̂ va èwiynve nə mə tə nyàʼ zə̂ynzè. M tè saŋnə va kûmə̀ nə ŋwàʼlè ə̀təyn ə tə nə̀yn ghàyn e saŋnə̂ va sə fendîŋə̀ fə ashìŋə̀fè.

2 Kolìŋ 8:16

Zɔ̀ŋnèkè ndùə sê Zhə̀fè kə fe nə̀yn Taytùs nə è və kyi èkɔ̂ŋ ətəyn se tsàmtè ə ghàyn kèpi endom vɛ ə ghàs kyi.

Filìpây 1:20

Ghɛ e ghaʼà zɛ ə ze nyi ə mì ətəm zôyn, è zɛ m kyiŋə se nə̀yn nyì ke nə kə m tə nəyn èghɛ ə mì efɨ̀aʼ se Zhə̀fè mə ze kaʼa ə ze pəyn èghomə̂zè. Pîza m pɨlə kyiŋə nə nâʼàpî ashìŋə̀ àkè kɛ m nə̂ fɨaʼa təynze, se zhə̀tə ndù zôyn, nə mə nə̂ zeynze fanə̀ va ghɛ zhîze se fo èkɔʼsê sê zə Klâyszè. Ə̀ zɨnə nyi eghɛ zɛ m kyiŋə se nə̀yn, kɨ̀sə m tɛ ndô kɨ̀sə m kwu ndô.

Kòlosè 2:5

Pî kə m va ə ghàyn ə fètəyn ə njà èwìyn, m pa nyi ke ndô ghâsènì ə sezuʼ. Pi kə m va ghâsènì, m saŋnə̂ ndò kûmə̀ nə kyî epomə̂ zaynze sê Klâys nyiə tɛ.

1 Tèsàlonikà 3:6

Timotì ə kɛse pəyn zôyn ə tsâ saʼghe èchùŋ sê ghàs nə ghàyn pa kyi ke ndò kyî epomə̂zè se Klâys, fɨnə kɔ̂ŋɔ̀ ə̀ghɨ mɔʼɔ. È və fɨyn pi nə ghàyn kwàʼtə̀ ghàs nâʼàpî ashìŋə̀ àkè, ghàyn e saŋnə kə nyî, kɔ̂ŋɔ̀ se fɨnə fe ghàs kèpi kə ghasè vəyn kɔ̂ŋɔ̀ se fe ghàyn.

1 Tèsàlonikà 3:8

Ghàs nyîə saŋnə̂ sə̂ ndamə zôyn fɨnə fànə̀ va kûmə̀ nə pomə̂ atyaʼ zaynze sê Zhə̀fè ndùə kə èshike.

Ipilù 2:1

Ghɛ nə ghɨnə tyə̀nə̀ nə ghâsènì kyi se fɛtə̂ kyiə tom èchùŋ nə zɨ̂yn ə ghâsènì zɨ nyi kə ghâsènì nə tàʼa njìsè endom.

Njə̂m 5:17

Èlanjà tè nyi kepî wùə m̀sɔ̀ŋ kə ghâsènì, pîza ə tsə̀mə̀ faŋsə̂ nə kə gholze tso, ze ə tàʼa tso sə sepìŋ sèta è pɨaʼke.

2 Njɔyn 1:4

M saŋnə̂ nâʼà sə ŋaŋ kə m fe ghɔyn ghɛghe nə̂ kə èghɛ zɛ ə ze nyi səmɔʼ, ndamə kə eghɨ kə Pɨ̀a tè pì sê ghâsènì.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.