2 Kolìŋ 7:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ə̀ tè nyì pî kə ghàs ndù fɨ ə Màsèndonyà, ghàs tè paʼà kyî zɨ̀tèkè. Tsôstè tè nyiə nyi luʼte kɨ̂m, ghɨə mɔ̀ʼɔ ghe zɔ̂, fâynze nyi kepî ə ghàs ətəm.

2 Kolìŋ 7:5 ပူးပေါင်းရင်းမြစ်များ

Ətefɨ̂aʼ 20:1

Ə tè nyi kə ngəʼ ətəyn mi Pɔ̂l ə tɔŋɔ ə̀ghɨə pomə ə zaʼlə ghənə se nə̀yn nə təm ə ghənə̂ghè ə tɛ ə pìə nə ghənə faŋ ke àchûŋ ə ndò ndûə ə Màsèndonyà.

Ŋwàʼlè ə̀ Pɔ̂l sê ghɨə Lûmghè 15:26

Kûmə̀ nə ghɨ poməghe apàs endaʼ ə Màsèndonyà è kə Àkayàkè ə tə saynê sə ghənə ə ngɨŋ se fo emâʼte se tsàmtè ə ghɨ afɨfə ə ghɨə Fezhə̀ghè ə fètəyn ghɛ ghe nyi ə Njèlusalɛ̀m.

1 Kɔlìŋ 15:31

Soyn sɨmse, m tyəm ke echo èkwu tuʼmè m̀kɨ̂m. Ghaŋse ewìyn zɛ m kyi sê ghàyn, ə ghâsènì akaʼ amɔ̀ʼ è Klâys Njisə̀s Pɛ̂pɛ ə̀ ghâsènì, nə̀ mi nə m pi ghɛ zɨ̀nə nyiə nə,

1 Kɔlìŋ 16:5

M tə tsɛ̂ èndom ə Màsèndonyà tsɔ̀fə m se pə̂ mòtə ghàyn.

2 Kolìŋ 2:13

pîza mə tàʼa kyîə pɔ̂ynè zɨ̂mè kûmə̀ nə m tè paʼà fe ànyìə ghâsènì Taytùs fumə. Mə ke pì nə ghənə faŋ ke àchûŋ ə tsɛ̂ nduə ə Màsèndonyà.

2 Kolìŋ 2:3

Ə̀ nyiə nyi eghɛ zɛ ə m tè nyaʼ ŋwàʼlè zɛ sê ghàyn, m tè kɔ̀ŋɔ va se pə̀yn se ghàyn nə ghàyn nəyn mi m mə saŋnə̂ va, mə ə̀ pɨl nyi ghàyn ghɛ ə ghàyn kyi se nə̀yn nə mə saŋnə̂. Kûmə̀ nə m lote ke ndò nə shîŋə̀ kɛ m saŋnə, nâʼà ghàyn əkɨ̂m e saŋnə̂ kəpî.

2 Kolìŋ 2:9

M tè nyaʼ ŋwàʼlè se ghàyn se kotê endom vɛ ə ghàyn nyi mə ghàyn ə nò nâʼà sə ŋaŋ əfètəyn èmɔ̀m, è kɨsè se kê nə ghàyn pa nyi ke ndò èpɨaʼtêzè sə̂ zɨə ə̀ghɛ ghɛ m pîə mə.

Ngàleshyà 4:11

M fânə̀ nə fɨ̂aʼ zɨm zɛ ə m tè nə̀yn ə ghàyn əfètəyn ə njìsè ke səndô!

1 Tèsàlonikà 3:5

Ə̀ za nyi eghɛ zɛ ə ze tè nəyn mə tiynsə̂ Timotì. M tè tiynse nə è pəyn fe nə ghàyn ghe tɔ̀ʼɔ̀ samsə̂ Klâys, è kûmə̀ nə m tè vayn kàʼa m fɨyn kol ə̀təm sə̂ ndamə, ke va nə ə̀ kyàynə̀ ghè sê ghàyn ə. M tè fànə kə nə ndə̂plè kàʼa è zə nyi mə è zə mɔ̀m ghàyn, ə nə̀ nə fɨ̂aʼ etsɨə kɛ ə ghàs tè nəyn ə ghàyn əfètəyn ə njìse səndô.