2 Kolìŋ 7:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ghɛ nə ghɨnə ə nə̀yn ghàs e kyi èfɨəmtê. Ghàs tè nyîə saŋnə̂ nâʼà sə ŋaŋ se fe kə Taytùs saŋnə̂ kûmə̀ èndom vɛ ə ghàyn tè tɔ̀ʼnə è vəyn.

2 Kolìŋ 7:13 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 12:15

Ghàyn e saŋnə̂ ghâyn ghə ghɨ ghɛ ə ghe saŋnə, chîə èkwu ghâyn ghə̀ ghɛ ə ghe chîə kwuze.

Ŋwàʼlè ə̀ Pɔ̂l sê ghɨə Lûmghè 15:32

Kə nyi ekɔ̂ŋ ə Fezhə̀zè, m tə kɛsê pəyn se ghàyn è saŋnêzè, se mòtè ə ghàyn kə m kaʼa m zɨte kə ghâsènì nyi əmɔʼ.

1 Kɔlìŋ 12:26

Ə pâs ewìynke amɔ̀ʼ zɨə ngəʼ, ə pɨas ewiynve ekɨ̂m ə zɨə kəpî ngəʼ è kəynke. Ə tsîtə̀ pâs ewìynke amɔ̀ʼ, ə pɨas ewiynve ekɨ̂m ə saŋnə̂ è kəynke.

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

1 Kɔlìŋ 16:18

Ghənə ə tɨ̀msè təm ghɨmə kèpî èghɨ kə ghənə tɨ̂msè ghanə. Ghàyn e ngɨmnê ə̀ghɨ nyi kə ghɨnə mə.

2 Kolìŋ 2:13

pîza mə tàʼa kyîə pɔ̂ynè zɨ̂mè kûmə̀ nə m tè paʼà fe ànyìə ghâsènì Taytùs fumə. Mə ke pì nə ghənə faŋ ke àchûŋ ə tsɛ̂ nduə ə Màsèndonyà.

2 Kolìŋ 2:3

Ə̀ nyiə nyi eghɛ zɛ ə m tè nyaʼ ŋwàʼlè zɛ sê ghàyn, m tè kɔ̀ŋɔ va se pə̀yn se ghàyn nə ghàyn nəyn mi m mə saŋnə̂ va, mə ə̀ pɨl nyi ghàyn ghɛ ə ghàyn kyi se nə̀yn nə mə saŋnə̂. Kûmə̀ nə m lote ke ndò nə shîŋə̀ kɛ m saŋnə, nâʼà ghàyn əkɨ̂m e saŋnə̂ kəpî.

2 Kolìŋ 7:14

M tè nyîə pfɨnə̀ àngàŋtè kûmə̀ ghàyn sê vəyn, ghànə tàʼa ghomsə̂ mi. Ghàs ndamə wàmnə̀ kə səmɔʼ sê ghàyn. Naʼapi ghè vɛ ə ghàs tè pfɨyn ngàŋtèkè sê Taytùs kûmə̀ ghàyn tè fɨyn fɨ ke səmɔʼ.

2 Kolìŋ 7:15

Shîŋə̀ kɛ ə è kwâʼtə̀ kə ghàyn tè zàŋsə zɨə sê vəyn, fɨnə kwàʼtə̀ kə ghàyn tè fiə vəyn è ngɨmnê eghaʼâzè, kɔ̂ŋ ə vəynze sê ghàyn e ndəmə̂ nduə kə ndò.

2 Kolìŋ 7:6

Pîza Zhə̀ fɛ ə fe fo təmə ə nə̀, pə̂ Taytùs zè ə fo ghàs è təmə.

Filìpây 2:28

Ə̀ za nyi eghɛ zɛ ə ze nə̂yn, m fɨnə luŋə nâʼà se kɛsə tiynsə̂ vəyn sê ghàyn kûmə̀ nə m ke nə ghàyn nyîə kɔ̂ŋɔ̀ se fe vəyn. Ə ghàyn fe vəyn ə saŋnə̂, ə mə fɨyn kyi va fɨmsê zhîze kûmə̀ ghàyn.

2 Timotì 1:16

M tsə̂mə̀ nə Zhə̀fè tyəyn səyn ekoze sê ghɨ esas ə ndɛ ə Ònèsifolùsghè kûmə̀ nə è və tə nə̀yn m saŋnə̂ kə nyî. È tè pâʼà ghomə̂ nə m nyi wùə ə ndɛ̂ ə̀chaʼ.

Filemùyn 1:20

Ànyì vɨm, nə̀yn tsâmtè zɨ̀nə sê mi kûmə̀ Pɛ̂pɛ. Nə̀yn nə mə saŋnə̂, kûmə̀ nə ghasè ghò nyi ə ghɔnyìghe ə Klâys.

Filemùyn 1:7

Ànyì vɨ̂m, kɔ̂ŋ zɛ ə ò kyi sê ghɨə Fezhə̀ è ndom vɛ ə ò nə̂ ghənə e saŋnə̂ ə fo mi ètəmə, ə nə̀ nə mə sɨŋnə̂! O nə̀yn ghɨə Fezhə̀ghè əkɨ̂m e ko kə nâʼà àchûŋ.

1 Pità 3:8

Se kwùŋsè, ghàyn e tsɨ̂yntè kyi ke èkwâʼtè èmɔ̀ʼ, kosə̂ èsəyn, kɔ̂ŋɔ̀ sèngɨŋ saynse, kyi ə̀təm əchûŋə̀ fɨyn kyi va ghaŋsê ewìynze.