2 Kolìŋ 7:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ghàyn fe ghɛ zɛ ə tsôs tɨnə̀ ə te ndô pə̂yn sê Zhə̀fè nə̀yn ə ghàyn endam: tə nə̀yn ghàyn e kyiŋə nâʼà sə̂ nə̂ chùŋ, ə nə̀ ghàyn e kyiŋə nâʼà è tyaʼa se tyə̀yn nə ghàyn nə̀ tsasə va. Ndom vɛ ə ghàyn nyɔ̀ʼsə̀, choze ə zomə ghàyn ashìŋə̀ kɛ ə wùə nə̀yn pofse ghɛze nə̀ nə ghàyn ə kɔ̂ŋə̀ se pɔynsê ə wùə è təm ghaynghe əkɨ̂m. Ghɛ ətəynze ə tə nə̀yn, ghàyn e fànə̀ nâʼà sə ŋaŋ. Ghàyn tè nyiə kɔ̂ŋɔ̀ se fe mi nâʼà sə ŋaŋ. Ghàyn ə tyə̀yn ke ndom tekɨ̂m nə ghàyn paʼà nə̀yn pofse ghɛ zhize kûmə̀ èghɛ nə zɨ̂yn.

2 Kolìŋ 7:11 ပူးပေါင်းရင်းမြစ်များ

Ŋwàʼlè ə̀ Mâk 3:5

Njisə̀s ə naynə̂ ka ndûə ghənə nyî mə tɔŋ ə̀ vəyn və zaf È ve sè fɨnə kosə̂ èsəyn kûmə̀ ə̀təm ə ghənə ghe tɛ, ə ke pì sê wùə nə vɛ nə, “Nɛ̀se kɔyn kɛke.” È və nɛ̀sə̀ kè sə ashìŋə̀, gho ətəynke ə tɛ kə ndò.

Njɔyn 2:17

Chùmtè èpàm sə vəynse ə ke Pɨ̀əytè nə ə nyàʼ ə Ŋwàʼlè ə̀ Fèzhə̀ nə, “Kɔ̂ŋ zɨm sê ndɛ Zɛ̂zè ə Zhə̀fè fuə ə mì ətəm kə ewus.”

Ətefɨ̂aʼ 17:16

Ə̀ tè nyi kə Pɔ̂l tè lɨmtə̂ Silàs yî Timotì ə Atèn, è tè nyîə nyi èfɨmsêzè kə è tè fe kê nə ndaʼ ətəynze tè nyi mə ə̀ lwiyn ke èfɨaʼsè.

Ŋwàʼlè ə̀ Pɔ̂l sê ghɨə Lûmghè 11:20

E nyi səmɔʼ. Ə tè fɨafte tsɨsè fu kûmə̀ nə ghənə tè paʼà pomə, ə fɨnə pasə̂ ghàyn fu ewìyn ə fekàʼ kûmə̀ nə ghàyn tè nyi mə ghàyn ə pomə̂, pîza, ghàyn kyi va sə̂ pfɨnə̀ àngàŋtè. Ghàyn e pɨlə fânə̀.

Ŋwàʼlè ə̀ Pɔ̂l sê ghɨə Lûmghè 14:18

Mə ə ghɨə fɨaʼà sê Klâys famə endom nə vɨ̂yn, ghənə nə̂ nə Zhə̀fè ə saŋnə̂, ghɨə mɔ̀ʼɔghe e pîə nə ghənə ə nə̀yn ghɛ echûŋzè.

Ŋwàʼlè ə̀ Pɔ̂l sê ghɨə Lûmghè 3:5

Pîza, ezhoghɛ ze nyi nə ghɛ epi ghɛ ə ghâsènì nə̀ chwìtə̀ ndò àchûŋ nə Zhə̀fè tɔ̀ʼə̀ va wùə vîvè, ə ghâsènì tə pi nə ghɛə? E za nyi nə ghâsènì kàʼa pi nə Zhə̀fè ə nə̀yn tsas se pɔynsə ə ghâsènì ə ghâsènì ətə ə̀ghɛ ə pi ghɛ ə ghâsènì nə̂ ə? (M wâmnə̀ zɨnə̀ è kwaʼtè ə wùə m̀sɔ̀ŋze)

1 Kɔlìŋ 12:25

Nyiəmə wiynve kiva se chyàsə ngɨŋə̂ vəyn, pîza pɨ̂as ewìynve kyi sə̂ kɔ̂ŋə̀ və mɔ̀ʼɔve kè eghɨ.

1 Kɔlìŋ 5:13

Kè kə ŋwàʼlè ə̀ Fezhə̀ pìə nə, “Ghàyn chum fɨsê wùə èpi vɛ ə ghàyn ə fètəyn.” Zamə, ə Zhə̀fè tə saʼ ə̀ghɨ ghɛ ə ghe va ə ghâsènì anɔ̀yn.

1 Kɔlìŋ 5:2

Ghɛ kyaʼa nyî, ghàyn e ghaŋsə̂ èwiyn kûmə̀ ghɛ̀? Pîə ghàyn fe pɨl nyi sə̂ nyi èkome ewìynve se fɨnə chùmə fɨsə wùə vɛ ə è mòmə̀ kyì eghɛ nə zɨnə ə ghàyn anɔ̀yn ə?

2 Kolìŋ 13:7

Ghàs tsə̂mə̀ se Zhə̀fè nə kə ghàyn tə nəyn pofsê èghɛ zhîze. Ghàs tsə̀mə̀ chîəva tsə̂m nə zɨ̂yn kə ghɨghe ə pîə nə Zhə̀fè ə pomə̂ ghàs, pîza ghàs pɨlə kyiŋə kə nə ghàyn ə nə̂ èghɛ zɛ ə ze nyi chichi, naʼapi kə ghɨə mɔ̀ʼɔghe kwaʼtə̀ nə Zhə̀fè paʼà pomə̂ ghàs kə ghɨətomə.

2 Kolìŋ 2:6

Ghàyn yîghe se tsɨ̀ se nyi mə ə kàynè pɔynsê wùə nə vɨnə mə, mə zɛ mə ə kwəyn.

2 Kolìŋ 6:4

Ghàs pɨlə tyə̂nə̀ kə nə ghàs nyi əghɨ əfɨaʼa ə Fezhə̀ghè ə tendom tɨ̀nə̀; ghàs wəynsə̂ kə ndò tsôs e ghaʼâ vɛ ə ghàs fe, è tsɨfsè zɛ ə ze pə̂ sê ghàs, è kyì tə ghɛ ə tɛ ə mɔ̀ʼɔghe.

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

2 Kolìŋ 7:7

Ə̀ tè vachi ke èpə̂yn ə vəynze ə ze tè nəyn nə ghàs ə saŋnə̂, pîza è kɨsè èndom vɛ ə è tè tsàyn sê ghàs nə ghàyn ə fo vəyn è təmə ə zɨtəghe. Ghàs tè nyiə saŋnə̂ kəpi kûmə̀ nə è və tə tsàyn kə ghàyn tè lotə kɔ̂ŋə̀ se fe mi, è ndom vɛ ə ghàyn kosə kyaʼà ətəyn, è ndom vɛ ə ghàyn nyi èpɨaʼtêzè ətəyn se tɔ̀ʼɔ̀ mi, kûmə̀ ə̀ghɛ nə ghɨ̂yn kə m zɨ, m lotə̂ ngɛsə̂ saŋnə̂ ndò zôyn.

2 Kolìŋ 7:9

M pɨlə saŋnə̂ ndò zôyn, saŋnə̂ va nə mə nyàʼ ŋwàʼlè, è ze nə̀yn ghàyn e komə̂ èwiyn, kûmə̀ nə komə̂ èwiyn nə zɛ tè nəyn ghàyn ə kwiynə̂ èndam epi zaynze. Ghàyn tè kyi etsôs kè nâʼà endom vɛ ə Zhə̀fè kyiŋə ətəyn. Ze tè tyə̀nə nə ghàs tè pâʼà nə̀yn tsas ghɛze sê ghàyn nâʼà səkɔs.

2 Kolìŋ 9:2

kûmə̀ nə m ke ndô nə ghàyn nyîə kɔ̂ŋə̀ se tsâmtè. M tè pfɨ̀nə̀ angàŋtè kûmə̀ ghàyn sê ghɨ Màsèndonyà pìə nə, “Ghàyn ghɨ Àkayà tè nyiə kɔ̂ŋə̀ se fo nâʼà ə pîŋ è tsɛ.” Ghənə ə tə zɨ kə ghàyn tè kɔ̀ŋə nâʼà sə ŋaŋ se fo, wiyn ə ghənəvè e sè tɨ̂mə̀ nâʼà sə ŋaŋ se pɔŋə fo.

Ɛfesùs 4:26

Ə ghɛze zafə wùə, kə è nəyn pi. Kə ghɛ tə zaf, ə è nə̂ nyiŋə è zəynze ə vəyn endwɔ̀.

Ɛfesùs 5:11

Kə ghàyn nji endam apɨəyn əfɨma, mə ghɛ echûŋzè vayn kàʼa ze fɨ ətəyn. Ghàyn e pɨlə fɨsə pə ə̀ghɛ nə ghɨnə ə ndayn.

Filìpây 2:12

Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

1 Tèsàlonikà 4:6

Fâ fètəyn èghɛ, kə wùə se ghàyn tə nəyn pofsê sê ghɔnyì ghaynghe, pî sə chɨ̂ynə̀ ə̀ ghɔ nyì ghaynghe. Ghàs ə tə pì chi ghɛ ghɨ̀nə se ghàyn, ə fo fɨ̀as se ghàyn nâʼà sə ŋaŋ nə Pɛ̂pɛ tə fo ètsôs se ghɨ ghɛ ə nə̂ kyì əghɛ nə ghɨ̂yn.

1 Timotì 5:20

Ə̂ nə̀yn pîndè pi, ə zɔ̂ sê vəyn kè ə ndayn kə ghɨ mɔʼɔghe zɨ ə fànə̀ sə̂ pɔŋɔ nə̂ pi.

2 Timotì 2:15

Mɔ̀mse nâʼà è tyaʼa se nə̀yn nə Zhə̀fè fe nə ò nyi wùə èfɨ̀aʼa vɛ ə è ghomə va sə̂ nə̂ èfɨ̂aʼ ə vəynze, fɨnə zaʼlə kə səmɔʼ zɛ ə è nyi ə Vəyn ə tom èchùŋ.

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.

Ipilù 4:1

Zhə̀fè ə tə tsɨ̀nə̀ nə ghâsènì tə kyîə àzɨ̀tè kɛ ə è tè wàmne kûmə̀ kəynke. Ə ghâsènì ə tɔ̂ʼnə̀ kə wùə se ghâsènì tə faŋ se kyî àzɨ̀tè kɛ ə Zhə̀fè tè tsɨ̀ne.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

1 Pità 1:17

Piə ghàyn piə ə tsə̂mə̀ sê Zhə̀fè, ghàyn e tɔŋtə̂ vəyn nə Pɛ̂, ə nyi vəyn vɛ ə è saʼa ghɨghe əkɨ̂m, saʼa zâ, saʼa nâʼàpî ndè kè eghɨ ə ghɛ ghɛ ə ghənə nə̂yn. E za tyə̀nə̀ nə ghàyn kyi sə̂ kɔʼse vəyn nâʼà sə ŋaŋ kə ghàyn pa ndamtə̂ kɔʼɔ fa əchi.

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

Njût 1:23

Ghàyn shiyn fɨsê ə̀ghɨ ə mɔ̀ʼɔghe ewùs ə ghàyn sɔse ghənə, sê ghɨə mɔ̀ʼɔghe, ghàyn tyəyn kose esəynze mə ghàyn nə̀ zɨnə mə è tɔ̂ʼnèzè kə piə ghɛ ə ghənə̂ ghe pighe nyi mə ghe ə nyùʼ ndzɨsə ghənə̂sè.

Etyə̂yn ə paynsêzè 3:19

M zɔ̂ se ghɨ ghɛ ə m kɔ̂ŋə̀ fɨnə pɔynsə̂ ə̀ghɨ ghɛ ə m kɔ̂ŋə̀ ghənə. Ndwìse wiynve ə kwiynə̂ ə̀təm ghɛghe pighe.