2 Kolìŋ 7:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ə wùə fe ngəʼ endom vɛ ə Zhə̀fè kyiŋə ətəyn, ə è kwiyne ndam ə vəynze pize, ə è kyi sɔzaze. Ə ze nyi nyî, ə ghɛze ə va kə è və komə̂ èwiynve ətəyn. Pîza ə wùə fe tsôsvè mə ə̀ nəyn mbi, ə ve nəyn nə è pɨl kwu ndô.

2 Kolìŋ 7:10 ပူးပေါင်းရင်းမြစ်များ

Matyò 26:75

Pità ə ke kɛse ə kwàʼtè eghɛ zɛ Njisə̀s fè pì sê vəyn nə, “Ndom ə̀mbvɨ nə̀ piə è tɔŋɔ ndò mə o mɛ mi shîŋə̀ teta.” Pità ə fɨ ə ndûə əpɨəyn ə chîə nâʼà sə ŋaŋ.

Tom èchùŋ kè kə Lûk tè nyaʼ 15:10

M piə sê ghàyn nə, ə wùə èpi emɔ̀ʼ pə̂ynsè təm ə vəynghe ə kɛse ndùə sê Zhə̀fè, tsì sə vəynse esaŋnə̂ kəpi zâ.”

Tom èchùŋ kè kə Lûk tè nyaʼ 18:13

Wùə vɛ ə è tè tənə tâksè za ə piə è tsə̀mə̀ ndò ə tyəmə kə sə aghaf ə tàʼa kɔ̀ŋ naʼapi se naynə̂ kɔʼsə̂ ekwùtwəyn pîza ə ndəmə àgho ə vəyn angàŋtè se maʼlə̀ ewiyn piə nə, ‘Zhə̀fè, kose səyn sê mi, m nyi wùə əghɛ piə!’

Ətefɨ̂aʼ 11:18

Ə pə̀ kə ghɨ Njûsə̀ zɨte ghɛ zɛ ə Pità pì, ghənə tàʼa fɨnə piə pofsê eghɛ kûmə̀ vəyn, ə zhə̀tə̀ tsîtə̀ Fèzhə̀, “Ghənə tè piə nə, ghâsènì ə fe nə Zhə̀fè ə pɔŋ fo kèpi ndom sê ghɨ ghɛ ə̀ vachi ə̀ghɨ ə Njûsghè nə ghənə kwiyne ə za ghɛ epiə ghənə ə kɛse pəyn se Zhə̀fè, ə kyi ndam zɛ ə ze tə mîə va.”

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

2 Kolìŋ 12:21

M fànə̀ nə m tə kɛsə̂ pə̂, ə Zhə̀ fɨmfe ghomse mi ə ghàyn əshi, ə m chi kûmə̀ ə̀ghɨ tsɨə ghɛ ə nyi mə ə nə̀yn ghɛ əpi ə tsɨə ə nyələghe sə mɨ, ə tàʼa kwiynê endam ə ghənə̂zè famə əghɛ ə nyələghe, pîza pɨlə kɔ̂ŋə̀ sə nə̂ ndûə kə ghəynghe èshike.

2 Kolìŋ 7:9

M pɨlə saŋnə̂ ndò zôyn, saŋnə̂ va nə mə nyàʼ ŋwàʼlè, è ze nə̀yn ghàyn e komə̂ èwiyn, kûmə̀ nə komə̂ èwiyn nə zɛ tè nəyn ghàyn ə kwiynə̂ èndam epi zaynze. Ghàyn tè kyi etsôs kè nâʼà endom vɛ ə Zhə̀fè kyiŋə ətəyn. Ze tè tyə̀nə nə ghàs tè pâʼà nə̀yn tsas ghɛze sê ghàyn nâʼà səkɔs.

Ipilù 12:17

Piə ghàyn kendô nə ə̀ tè nyi epàm ətəyn, è ve kɛsə kyiŋə èndom se kyi epɔsê ə pɨ̀aze, pɨ̀a ə tə. Nâʼàpî kə è tè kyiŋə pɔsê ətəynze è shîmè əshi, ndom tè va se kwiynê eghɛ zɛ ə è tè nyi mə è və nə̀yn.