2 Kolìŋ 7:1 - Ŋwàʼlè ə̀ Fèzhə̀ Mkâyn Mə̂ Fèm

¹ Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

2 Kolìŋ 7:1 ပူးပေါင်းရင်းမြစ်များ

Matyò 12:33

“Sə kyi àtam echûŋkè, ò kyi sə̂ kyi fèkaʼ fechûŋfè; ə ò kyi kâʼfe pife, ə kaʼ fɛ ə fe mu tam ətəynke ə nyi fèkaʼ fe pife. Ə kê fèkaʼ tɔynə̂ atam kɛ ə fe muə.

Matyò 5:48

Ghàyn kyi sə̂ nyi chichi kè kə pɨ̀a vâyn ve ekwùtwəyn nyi chichi.

Matyò 5:8

Pɔsê nyì sê ghɨ ghɛ təm ə ghənə̂ghè zo, Ghənə tə fe Fèzhə̀.

Ətefɨ̂aʼ 9:31

Ə̀ nyì se zhə̀tè fumə ashìŋə̀ kə ghɨ ghɛ ə tè pomə Njisə̀s epɨ̀as endaʼ vekɨ̂m ə Njòndyâ è Ngalìlî è Sàmalyà tè kyi pɔ̂ynè. Ghənə tè nyiə kyi èfâyn ə Fezhə̀zè ə ghənə ə fètəyn, Zuʼse Ŋwaʼase nə̂ nə ghənə tɛ, kɔ̂yn ə ghənə̂kè e ndəmə̂.

Ŋwàʼlè ə̀ Pɔ̂l sê ghɨə Lûmghè 5:20

Zhə̀fè tè pəyn è lâŋkè kə pi ndu ke èshike. Pîza nâʼàpî ghayn ə pi ndûə kə shi, fùʼ ə Fezhə̀kè tsɨ̀ə tsɛ ndò zamə.

1 Kɔlìŋ 6:20

Zhə̀fè se nyi mə Fə zhɔyn ghàyn ə ndàʼà. Ghàyn nji wiyn vaynve ə ghàyn ə kɔʼsə̂ Fèzhə̀ ətəyn nə̂ ə̀ghɛ ətəyn, ghe fo èpomsê sê Zhə̀fè.

2 Kolìŋ 1:20

Ə̀ nyi vəyn vɛ ə è nyi “Èyn” sê tsɨnè tə Fezhə̀ tekɨ̂m. Ə̀ za nyi eghɛ zɛ tɔynə̂ ə Njisə̀s Klâys, ghâsènì pìə nə “Zə nyi ke zamə”, kə pomsê ətəynve ə ndûə se Zhə̀fè.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

1 Tèsàlonikà 3:13

Ə ghàyn nə̂ nyi, ə è nəyn ə təm ghaynghe ə tɛ, kə ghàyn ə kyi va ləʼke, nyi èŋwaʼve ə Zhə̀fè ə ghâsènì fe əshi mə za nyi pɨ̀a ghâsènì ashìŋə̀ kɛ ə Pɛ̂pɛ ə̀ ghâsènì Njisə̀s pə̀ è ghɨə vəyn ghe ŋwaʼaghe əkɨ̂m.

1 Tèsàlonikà 4:7

Kûmə̀ nə Zhə̀fè tè paʼà tɔŋə ghâsènì nə ə nə̂ ə̀ghɛ ə nyələghe è wiyn ə ghasènìve. Pîza Fe tè tɔŋɔ nə ghâsènì ə ndamə èndam eŋwaʼze.

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

Ipilù 12:23

Ghàyn ə pə̀yn elùʼ azhi əghɨ ghɛ ə ghe nyi kə ghɔ Fezhə̀ ghə shighe, ə ghɨ ghɛ ə nyi mə nyàʼ zə ghənə̂ghè ekwùtwəyn. Ghàyn ə pə̀yn ə Zhə̀fè ə shi Fɛ ə fe saʼa ghɨghə əkɨ̂m è kɨsè nə ghàyn ə pə̀yn se ghɨə chûŋ ghɛ ə tè kwu pîza Zhə̀fè ə nə̀ nə ghənə ə nyi chichi.

Ipilù 12:28

Ghâsènì kyi sə fo àzɔ̀ŋnè sê Zhə̀fè kə fe fo luʼ efɔ̀ynvè sê ghâsènì mə ə vayn kaʼa nəʼse vəynve. Ə ghâsènì ə fo àzɔ̀ŋnè, ngɨmnə̂ fəynfe endom vɛ ə fe kɔŋə̀ ətəyn, è ngɨmnê eghaʼazè, è fâyn zɛ ə vâ Fèzhə̀ kyi sə̂ kyi,

Ipilù 4:1

Zhə̀fè ə tə tsɨ̀nə̀ nə ghâsènì tə kyîə àzɨ̀tè kɛ ə è tè wàmne kûmə̀ kəynke. Ə ghâsènì ə tɔ̂ʼnə̀ kə wùə se ghâsènì tə faŋ se kyî àzɨ̀tè kɛ ə Zhə̀fè tè tsɨ̀ne.

Ipilù 6:9

Ghàs wàmnə̀ pî nyî ə soyn sasse, saŋnə̂ kûmə̀ ghàyn, ke nə ə nyì sê ghàyn, əghɛ ghe ə tsɔ̂fə̀ tsɛ̂ nyi kûmə̀ èsɔza zɛ ə ghàyn kyi.

Njə̂m 4:8

Ghàyn pə̀yn paʼse sê Zhə̀fè kə fe pə̀yn paʼse sê ghàyn. Ghɨ əghɛ piə ghɨyn! Ghàyn shù gho ghaynghe əghɛ piə! Ghàyn ghɨ kaŋkaŋə nəghe, ghàyn e kwâʼtə̀ kə ə̀ghɛ ə chûŋghè!

1 Pità 1:15

Ghàyn ke nə Zhə̀ fɛ ə fe tè chɔʼ ghàyn nə ghàyn ə nyi ə̀ghɨə Vəynghe nyîə zo. Ghàyn e pɔŋɔ zo ə ghàyn ə tendam,

1 Pità 1:17

Piə ghàyn piə ə tsə̂mə̀ sê Zhə̀fè, ghàyn e tɔŋtə̂ vəyn nə Pɛ̂, ə nyi vəyn vɛ ə è saʼa ghɨghe əkɨ̂m, saʼa zâ, saʼa nâʼàpî ndè kè eghɨ ə ghɛ ghɛ ə ghənə nə̂yn. E za tyə̀nə̀ nə ghàyn kyi sə̂ kɔʼse vəyn nâʼà sə ŋaŋ kə ghàyn pa ndamtə̂ kɔʼɔ fa əchi.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

1 Njɔyn 1:7

Pîza, ə ghâsènì kwîə əfètə̂ èpayn kèpi eghɨ kə Zhə̀fè nyi əfètə̂ èpayn, ə ghâsènì ə tsɨ̂yntè nyi ke sə afɨa àmɔ̀ʼ, ə ndə̂m mə̂ Njisə̀sə̀m, ə Va Fèzhə̀ shuə zosê ghâsènì ə ghâsènì ə sepi sekɨ̂m.

1 Njɔyn 1:9

Ə ghâsènì kyi komə̂ ewìynze kûmə̀ sèpi sə ghasènìse, ə Zhə̀fè lɛse fo sepi sə təynse, ə È shu zose ghâsènì nâʼàpî ə ghe vɛ e va chichi ə ghâsènì endam ə Vəyn əshi. È nə̀ nə̂ nyiəmə kûmə̀ nə È pìə pi nə ghɛ, È və nə̀ kə zamə.

1 Njɔyn 3:3

Ə ghɨghe əkɨ̂m ghɛ ə ghe ndə̂mə̀ təmə ghənə̂ghè se vəyn, ndəm ngɨŋ sə ghənə̂sè è ŋwâʼe kèpî kə è nyi è ŋwaʼze.