2 Kolìŋ 6:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ghɨə mɔ̀ʼɔ nyîə kɔʼsə ghàs, ghɨə mɔʼɔghe wàmnə̀ əghɛ piə kûmə̀ ghàs. Ghɨə mɔ̀ʼɔghe tsîtə̀ ghàs, ghə mɔʼɔghe sôylə̀ kə ndò. Ghàs e wàmnə̀ kə səmɔʼ pîza ghɨghe e njiə ghàs sə əghɨ̀ akaŋghe.

2 Kolìŋ 6:8 ပူးပေါင်းရင်းမြစ်များ

Matyò 10:25

E tyə̂nə̀ nə wùə ezaʼlə kyi va sə̂ kyiŋə èkɔʼsê ze tsɨə tsɛ zə wûə vɛ è zaʼlə vəyn. Wùə vɛ è fɨ̀aʼà kyi kepî va sə̂ kyiŋə èkɔʼsê ze tsɨ̂ə tsɛ zə wûə vɛ ə è fɨ̀aʼà se vəyn. Ə tɔŋtə tu esas ə ndɛke nə Peelzepùl, ə tɔŋtə̂ ə̀ ghɨə vəynghe sas ə ndɛghe tsɨ̂ə tsɛ̂ za mə.

Matyò 22:16

Ghənə ə ke tomə se chùmtè èpàm sə ghənə̂sè è ghɨə anɔ̀yn ə Ɛlɔ̀tkè sê Njisə̀s. Kə ghənə ndû tâyn ə pìə se Vəyn nə, “Tyə̀ynsè, ghàs ke ndô nə ò wàmnə̀ kə səmɔʼ, zaʼlə̂ kə èghɛ zɛ ə ze nyi səmɔʼ kûmə̀ àlâŋ ə Fèzhə̀kè se ghɨə, fɨmsə̂ va ngɨŋ zɛ̂zè kûmə̀ ə̀ghɛ ghɛ ə ghɨ kwaʼtə̀, pî ə̀ghɨ ghɛ ə ghənə nyi ghənə kûmə̀ nə ghənə vayn kaʼa kwiyne zaʼlê zɛze.

Matyò 27:63

ə pìə sê vəyn nə, “Pɛ̀ àpɨəyn, ghàs kɛsə̂ pɨ̂əytə̀ nə kə wùə àkaŋ vɛ tè pa nyi ètwɔ ə pìə nə, ‘M tə zômə̀ epàm mə̂ m̀tuʼ mta.’

Ŋwàʼlè ə̀ Mâk 12:14

Ghənə ə pə̀ sê Njisə̀s ə pìə nə, “Tyə̀ynsè, ghàs ke ndô nə ò nyîə wâmnə̀ səmɔʼ. Ò tɔ̀ʼɔ̀ va wùə vîvè. Ò fànə̀ va wùə vîvè, Ò wàmnə̀ kə chichi. Pîza Ò ndɨŋə zaʼlə̂ ə̀ghɨ èghɛze kûmə̀ Fèzhə̀. Tsàyn sê ghàs, ə̀ nyi alâŋ nə kə maʼà tâks sê Kaysà, fɔ̀yn èghaʼâ ə Lûm mə? Ə mâʼà mə, kə nə maʼa?”

Njɔyn 7:12

Ə̀ tè nyîə tsɨ̂mtə̀ wâmnə̀ kûmə̀ Vəyn nâʼà sə ŋaŋ ə fètə̂ ànɔ̀yn. Yîghe pîə nə, “È nyi ke nâʼà wùə èchùŋ.” Yîghe pîə nə, “Ngaŋ, È kwìə lesə̂ kə əghɨ səndô.”

Ətefɨ̂aʼ 10:22

Ghɨ ə təynghe ə pìə nə, “Ghàs nyi mə ə̀ tom Kɔ̀nilùs, àtuə sesokə̀ʼa. È nyì ke nâʼà wùə chichi, fɨaʼà se Zhə̀fè, ghɨ Njûsghè əkɨ̂m nyîə ngɨmnə̂ vəyn. Tsì ə̀ Fèzhə̀ zhîzè pì sê vəyn nə, è tom tɔŋɔ ghò ə ò pəyn ə və ə ndɛ kə è zɨ ghɛ zɛ ə ò kyi se tsàyn se vəyn.”

Ətefɨ̂aʼ 16:39

Ghənə ə ndùə fu ə fe Pɔ̂l yî Silàs ə chyatə̂ ghənə, ə fɨsə ghənə fu ndɛ̂ chaʼ, ə tsà nə ghənə ndu ə ghənə endaʼ.

Ətefɨ̂aʼ 22:12

Wùə vîvè tè nyîə nyi fumə endaʼ zə vəynze nyi Ànàniyàs, ə̀ nyi wùə Fèzhə̀ ndəmə̀ àlâŋ, nâʼà ə̀ghɨ ə Njûs ghɛ ə tè ndamə fumə e kɔʼsə̂ vəyn àchûŋ.

Ətefɨ̂aʼ 24:5

Ghàs ə tè fe nə wùə vɨ̀nə nyi wùə ə̀ ngəʼ, səʼə̀ ngəʼ əghɨə Njûs ghə fètəyn kè mbi èkɨ̂m. Ə̀ nyi vəyn ètuke se nɔ̂yn əghɨ̀ ə Nazalɛ̀tkè

Ətefɨ̂aʼ 28:22

Pîza, ghàs nyiə kyiŋə se zɨ ekwâʼtè zɛze kûmə̀ nə ghàs tsɛ̂ nâʼàpî ghayn, zɨə kə ghɨ wàmnə̀ ghɛ ghe tsɔ̂fə̀ va kûmə̀ èkyî anɔ̀yn kɨ̂nə̀ ə ò nyi ətəyn nyi.”

Ətefɨ̂aʼ 4:21

Ghɨ ə ndɛ saʼ nə ghɛ ə fɨnə fo fɨ̀as sê ghənə nâʼà sə ŋaŋ. Ghənə ə ke zà nə ghənə ndo kûmə̀ nə ghənə tè paʼà fe ndomve se pɔynsə ghənə, kûmə̀ nə ghɨə tsɨəghe tè nyîə pɔmsə̂ Fèzhə̀ kûmə̀ ə̀ghɛ ghɛ ə ghe kyâyn.

Ətefɨ̂aʼ 5:13

Wùə vîvè tè paʼà mɔ̀msè se tsɨ̀yntè se ghənə, pî kə ghənə tè wàmnə̀ ghɛ kûmə̀ ə̀ ghɨətom ətəynghe ghe kɔʼnə̂ kə nyî.

Ətefɨ̂aʼ 6:3

Ghàs piə sê ghàyn ə ghɔnyìə ghasə nə, ghàyn chɔʼ ghɨghe əsɛ̀mbɛ̂ ə ghayn əfètəyn, ghɛ ə ghe kyi ndam èchùŋ, è tɔf eghaʼâzè è Zuʼse Ŋwaʼase e fɨnə chisə̂ ghənə kə ghàs fo fɨ̂aʼ zɨ̂nə̀ sê ghənə.

Ŋwàʼlè ə̀ Pɔ̂l sê ghɨə Lûmghè 3:8

Nyiəmə, kùmə̀ ghè ə ghâsènì sè pîə nə, “Ə ghâsènì nəyn pi kə chùŋ kàʼa è payn ə ndaynə?” Ghɨ yîghe pîə ə̀ghɛ ə pighe kûmə̀ ghâsènì nə ghâsènì ə pì ghɛ zɨ̀yn. Zhə̀fè tə pɔynsə̂ ə̀ghɨ ghɛ ə pîə zamə endom vɛ ə ve nyi chichi.

2 Kolìŋ 1:18

Kè kə Zhə̀fè nyi mə Fe wâmnə̀ tsɛ kə səmɔʼ, wâmnè zɨme sê ghàyn tè vachi zə “Eyn” è “Ngaŋze.”

2 Kolìŋ 11:21

M ghomə̂ se pì nə ghàs tè pâʼà nə̀yn ghɛ nə ghɨnə sê ghàyn! Nâʼàpî èghɛ èkè zɛ ə ghɨə kyi təmə se pfɨ̀yn angàŋtè kûmə̀ zəyn, m kyi kepî ndò təmə se pfɨ̀yn angàŋtè kûmə̀ zəynze, (kə ghàyn lɛse nə m wâmnə̀ kə kə ango)

2 Kolìŋ 12:16

M tè vachi àpɨ̀aʼa se ghàyn, Ghàyn ə fe ke nâʼà səmɔʼ nə m tè pfɨfə va fɨake sê ghàyn, pîza wùə vîvè kàʼa ə è pi nə ə m tè nəyn m̀nàŋ se lesə̂ ghàyn nə ghàyn pomə kaŋ kɨmke.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

1 Tèsàlonikà 2:3

Chyatê zɛ ə ghàs chyatə ghàyn vachi kûmə̀ ètsas zhîze, è kwaʼtè epize, pî kûmə̀ nə ghàs mɔ̀msə̀ se lə̀ŋtə ghàyn.

1 Timotì 3:7

Ə̀ kyi sə̂ nyi wùə, mə nâʼà ghɨə mɔʼɔ ghɛ ə ghe pa tsɨs ndɔʼɔ pomə naynə̂ vəyn, è ve kɔʼnə̂ kə ghɨə tə tàʼa ghomsə vəyn, ə è pfɨ ə ndə̂plè atam.

1 Timotì 4:10

Kûmə̀ èpî nə zɨnə mə, ghàs nyîə fɨaʼà sə ŋaŋ se nə̀yn ə zɨnə mə kûmə̀ nə ghàs samsə̂ ndò ə Fezhə̀ fɛ ə fe ndamə səmɔʼ, nyi sɔ̀zà ə̀ghɨ̀ ə̀kɨ̂m, ə̀ paynse nyi ə̀ghɨ ghɛ ə nyi mə ə pomə̂ sê vəyn.

Ipilù 13:13

Ə ghâsènì pɔŋ fɨ ndo elùʼ vɛ ə ghɨə ndamə, ə ndu kotê vəyn ə pɨaʼa kəpî èghomə̂ kə vəyn.

1 Pità 4:14

Ə ghɨ sôylə̀ ghàyn kûmə̀ nə ghàyn nyi sechùmtè sə Klaysè, ghàyn e saŋnə kə ndò kûmə̀ nə zɨ̂nə mə tyə̂nə̀ nə Zuʼsə Fezhə̀ sɛ ə se kyi tyaʼke nyîə nyi è ghàyn.

3 Njɔyn 1:12

Ə̀ pə̀ pîndè wàmnə̀ kə achûŋ kûmə̀ Ndèmitiyùs. È nə̀ ə̀ghɛ ghɛ ə ghe nyi səmɔʼ, zɨnə mə echwîtə̀ nə è nyi wùə èchùŋ. Pî ghàs wàmnə̀ kə àchûŋ kûmə̀ vəyn. Ò nyi ə ke nə ghɛ zɛ ə ghàs pìə kûmə̀ vəyn nyi səmɔʼ.

Etyə̂yn ə paynsêzè 3:9

Ke nə m nə̀ nə̂ ə ghɨ anɔ̀yn ə Satàyn kɛ ə ke wamə pìə nə ghənə nyi əghɨ Njûsə̀, pəyn ə ngwuʼte ə ghò əshi ə pi ə ndayn nə mə tə kɔ̀ŋ ghò.