2 Kolìŋ 6:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

2 Kolìŋ 6:6 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 12:9

Ə nâʼàpî ndè ə kɔŋə̀ ə̀ghɨ è təm ə vəynghe əkɨ̂m. Ə nâʼàpî ndè ə pânə̀ pi è təm ə vəynghe əkɨ̂m. Ə nâʼàpî ndè ə fɛtê tyəm sə̂ nə̂ kə èghɛ zɛ ə̀ nyì ze chûŋzè.

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

1 Kɔlìŋ 12:8

Zuʼsə təynse fo se wùə vîvè tom mə è nyiə kyi ètɔf eghaʼâzè, sê wùə mɔʼɔ, se fo tom mə è nyiə kyi èkê.

1 Kɔlìŋ 13:4

Kɔ̂ŋè nyi ewəynsê ewìynze è təm əchûŋghè; ə̀ vachi sə̂ naynə̂ àfɨa kɔ̂ŋə̀ nə ə̀ fe nyì sə̂ kyi gho, pî se pfɨ̀yn angàŋtè, pî sə kyi èghaŋsê ewìynze.

1 Kɔlìŋ 2:16

kè kə nyi mə ə nyàʼ ə ŋwàʼlè ə Fèzhə̀ nə, “Ə̀ ke nde kwaʼtè ə Fezhə̀ zə? Ə̀ kàʼa ə̀ fo nde təftêzè sê Zhə̀fè?” Pîza ghâsènì kwàʼtə̀ endom vɛ ə Klâys kwàʼtə̀ ətəyn.

1 Kɔlìŋ 2:4

M tè zaʼlə chîəva fɨnə ndaʼà tom è chùŋ è tɔf eghaʼâzè, e kɨsè wâmnè echûŋzè mə ze ndo sê wùə m̀sɔ̀ŋ, pîza m ndaʼà tom, tyə̂nə̀ mə m məʼnə̂ chîə va ndô nə Zuʼsə Fezhə̀sè nyîə fɨaʼà è tyaʼke.

2 Kolìŋ 1:23

M tɔŋɔ̂ Fèzhə̀ kə tsɛ̀ èsaʼ vɨ̂mvè, Fe ke ndô təm ghɨmə. Ə̀ tè nyi endom se zhɔyn atu kaynke kə m tè chɔʼne se tàʼa ndù ə Kolìŋ.

2 Kolìŋ 11:11

Ghàyn kwàʼtə̀ nə m wàmnə̀ nyî kûmə̀ nə m kɔ̂ŋɔ̀ va ghàyn mə? M kɔ̂ŋɔ̀ ndò ghàyn, Zhə̀fè e ke.

2 Kolìŋ 11:4

M pîə zɨnə̀ kûmə̀ nə mə fe nə tyə̀ynsè sə akaŋse nə̀ pə̂ zaʼlə̂ ghàyn kûmə̀ Njisə̀s ə̀ ndò, ə̀ va chi vɛ ə ghàs tè zaʼle ghàyn kûmə̀ vəyn, ə ghàyn za ke ndò. Wùə nə̀ pə̂, ə ghàyn fi ke ndò zuʼse sê vəyn, ə̀ va chi Sèzuʼ se Ŋwaʼa sɛ ə ghàs tè fo sê ghàyn, ə fɨyn pomə̂ ke ndò tom zɛ ə è ndâʼà, ə̀ vachi tom è chùŋ zɛ ə ghàs tè ndàʼa sê ghàyn.

2 Kolìŋ 11:6

Ə m va pî se kàʼa m wamne achûŋ əghɨghe əshi, pîza m nyîə kyi ètɔf. Ghàs ə kàynè tyəyn ghɛ nə zɨnə se ghàyn ndom tekɨ̂m nə ghàs nyîə kyi ètɔf.

2 Kolìŋ 12:15

M nə̀ nə̂ m mə saŋnə̂ se pofsê nâʼàpî akè kɛ m kyi se paʼsê è ngɨŋ zɨ̂mzè kè endom se tsàmtè ə ghàyn. Kûmə̀ ghè m kɔ̂ŋɔ̀ tsɛ̂sə̀ ghàyn nyi, ghàyn e kɔ̂ŋɔ̀ kə mi se chə ə?

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

2 Kolìŋ 2:10

Shîŋə̀ kɛ ə ghàyn lɛ̀sè fo ghɨə ətə̂ èghɛ zɛ ə ghənə nyi mə ə nə̀yn, mə lɛ̀sə̀ fo kəpî ghənə. Ghɛ zɛ m lɛsè fo, ezhoghɛ ghɛ zhîze fə nyi kə m lɛse fo, ə zə nyi ke kûmə̀ ghàyn ə Klâys ə shi.

2 Kolìŋ 2:4

M tè nyàʼa ŋwàʼlè sê ghàyn mə tsôsvè nyîə lotê nyi ə mìə təm, è kɨsè shi me tsɨ̀əm̀ ə mì əshi. M tè nyàʼa chîəva se nə̀yn nə ghànə saŋnə̂ va, pîza se pɨlə nə̀yn nə ghàyn fe kê èndom vɛ m kɔ̂ŋɔ̀ ghàyn ətəyn ə̀kɨ̂m.

2 Kolìŋ 3:3

E lote nyi ə ndayn nə ə̀ tè nyaʼ Klâys è ŋwàʼlè zɨ̀yn ə tomə tɔynə̂ ə ghàs. Ə paʼà nyàʼ chi zɨ̂ynzè è chaŋə̀ ə ŋwàʼlèkè pîza è Zuʼsə Fezhə̀ Fɛ ə Fe ndamə, ə tàʼa nyaʼâ chì etûə ə̀ chi pîza ə ghɨghe ətəm.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

2 Kolìŋ 7:2

Ghàyn tyəyn kɔ̂ŋ zayn sê ghàs. Ghàs pâʼà nə̀yn tsas ghɛze sê wùə; ghàs pâʼà nə̀yn wùə ve njìse ndom; ghàs pâʼà lesê fi fɨa əwûəkè.

Ngàleshyà 3:2

Ghàyn tsayn ghɛe se mi. Ghàyn tsayn se mi nə̂, ghàyn tè kyi Sezuʼ sə Fezhə̀sè kûmə̀ kə ghàyn ndə̀mə̀ Laŋà mə ghàyn tè kyi kûmə̀ nə ghàyn zɨ tom èchùŋ ə pomə ə?

Ngàleshyà 3:5

Zhə̀fè tè fo Sezuʼ sə vəynse sê ghàyn ə fɨnə nə̀ ə̀ghɛ ə kayntəghe ə ghàyn ə fètəyn kûmə̀ kə ghàyn ndə̀mə̀ Lâŋà mə, mə kûmə̀ kə ghàyn zɨ tom è chùŋ ə pomə̂ ə?

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ɛfesùs 3:4

Ghàyn tɔŋə ghɛ nə ghɨynə nâʼàpî ashìŋə̀ àkè ə fe kê nə m ke ndô ghɛ ə ndətə nə ghɛ ə Zhə̀fè pɨaʼtə̂ kûmə̀ Klâys.

Ɛfesùs 4:2

Ghàyn nə ngɨmnə̂ sengɨŋ saynse, pɔynə̂ fɨnə wəynsə̂ èwiyn, lɛ̂sə̀ sètsas saynse kûmə̀ èkɔ̂ŋ.

Ɛfesùs 4:32

Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 2:3

Ə̀ nyi Klâys ə è kàʼa è nəyn ə ghàyn fɛte kê ə̀ghɛ ə Fezhə̀ghè. Ghɛ nə ghɛ mə nyîə ngəs kyi m̀kɔʼnè.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

1 Tèsàlonikà 2:10

Ghàyn nyi setsɛ̀ èsaʼ sasse, Zhə̀fè e nyi kepî tsɛ̀ èsaʼ vâsvè nə, ghɛ ghàs ghe nəghe sê ghàyn ghɨ poməghe tè nyîə zo, nyi chichi, kyi va ləʼke.

1 Timotì 4:12

Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

1 Timotì 5:2

Ò njîə ə̀zəyn ə nduməghe kə nyì ghɛghe, njìə sèngɔ̀yn kə ghɔnyì ghɛghe zəynghe. Kə ò nə ndəʼ kwaʼtè se nə̀yn ə pi ghâyn ghə̀ ghənə nâʼà endom vîve.

2 Timotì 3:10

Pîza, sê ghò ə Timotì, ò se nyi mə o chùmtè kɔʼ pəyn zaʼlê zɨmze è ndam zɨmze è ghɛ zɛ ə m tè kwàʼtə se tə nə̀yn endam. Ò ə naynê kɔʼ pəyn kyî epomə̂ zɨmze, è kol ətəm zɨmze, è kɔ̂ŋ zɨmze, è wəynsê ewìyn zɨmze.

2 Timotì 4:2

ò ndâʼà tom èchùŋ, ò ndâʼà kə ndò kɨ̀sə ghɨ kɔ̀ŋɔ̀ ndò se zɨtê, kɨ̀sə ə kɔ̂ŋɔ̀ va, ò fɛtə̂ nə̂ kə ghɨ zɨ kê, tyə̂nə̀ paynsə̂ ə̀ghɛ ghɛ əghɨ nə̂ pofsə, ò fo ə̀təm kè kə ò zaʼlə è ewəynsêzè.

Taytùs 2:7

Nâʼàpî eghɛ èkè zɛ ə ò nə̀, ò kyi sə̂ nə̂ endom echûŋvè kə ghɨ əmɔ̀ʼɔghe kaʼa ə ghe səyne sê ghò. Ə nâʼàpî èghɛ èkè zɛ ə ò nə̀, ə ze ə tyə̂nə̀ nə ghɛ zɛ ə ò zaʼlə nyîə kyi èkɔʼnê, ə̀ nyi èghɛ mə ə̀ vachi èshî.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Njɔyn 3:18

Ghɔyn ghɨmə, kə ghâsènì ə kɔ̀ŋɔ̀ kə è choze. Ghâsènì kyi sə̂ tyə̂nə̀ èkɔ̂ŋ əghɛ ghɛ ə ghâsènì nə̂, kɔ̀ŋɔ̀ kə nâʼà səmɔʼ.