2 Kolìŋ 6:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ə pus ghàs è wàynsè ə fâ ghàs ə chaʼ, ə tomə ènɔ̂yn ə ghɨ̀vè nə ve ə puʼə àpɔ̂ŋ ə ghàs epàm. Ə nə̀yn ghàse fɨ̂aʼà tsɛ̂ atyaʼ kaske; pɨənə̂ va, kyi va fɨake se zhi.

2 Kolìŋ 6:5 ပူးပေါင်းရင်းမြစ်များ

Matyò 14:10

È və tomə ə̀ghɨ ə ndɛ chaʼ nə ndu təynka àtuə Njɔynke.

Matyò 14:3

Ɛlɔ̀t tè pi nyî kûmə̀ nə è tè nyi mə è və tom ghɨə nə ko Njɔyn fo m̀mò, ghənə ə kolə̂ vəyn, ə ndə̀mə̀ vəyn ə ndɛ ə̀ chaʼ. È tè nəyn zɨnə mə kûmə̀ Ɛ̀londyàs, kə ànyìə vəyn Filìp tè malə sə shi.

Matyò 9:15

Njisə̀s ə pə̀ynsə̀ ghənə è ngàyn nə, “Ghɨ ghɛ ghe pə̂yn elùʼ ezhiə nə malə̂vè kàʼa ghə chîə zàyn ndom ə̀ wùzhɔyn e pa nyi yî ghə̀ ghənə? Ze vayn kyàyn! Tuʼve tə pə̂, ə nji tsɨ̂sè ndom ə̀ wùzhɔyn ə̂ ghənə əfètəyn. Ə̀ tə nə̂ ə nyi fumə fetuʼ kə ghənə pam choe.”

Ətefɨ̂aʼ 13:3

Ə pə̀ kə fɨ̀aʼtè sɛ è tyə̀ynsèsè mɨ̀sè tsə̂mzè è pam echo, ghənə ə ndə̀mə̀ ə̀gho ə Pànapàs yî Sɔ̂l ətu, ə tomə fɨsə̂ ghənə nə ndu ə nə̂ èfɨ̂aʼ ətəyn.

Ətefɨ̂aʼ 14:19

Ghɨ Njûs yîghe ə ndò pə̀ ə endaʼ ə Antyòkzè apàs endaʼ ə Pìsindyàkè, ə ndò pə̂ kəpi endaʼ ə Ìkonyùm ə pə̀ fɨə Listɨ̀là, ə nə̀ nə nɔ̂yn ə ghɨ nə kɛ ə zɨə kə èghɛ zɛ ə ghənə tè pìə, ə tɨmnə̂ Pɔ̂l è chîə ə shìnə̀ fɨə è vəyn fumə ə tɔ̂ŋ, kwaʼtə̀ nə è və kwu.

Ətefɨ̂aʼ 14:23

Ə̀ tè nyì nâʼàpî ndɛ ə̀ Fèzhə̀ ə ghɨ̀ ə pomə èkè, Pɔ̂l yî Pànapàs ə chɔʼtə̂ ə̀ghɨ ghɛ ə nə̀ nə̂ ə chisə̂ ndɛ ə̀ Fə̀zhə̀. Ghənə tè tsə̂mə̀ fɨnə pamə ècho, kə se fo əghɨ nə ghɨnə ə Pɛ̂pɛ əgho vɛ ə ghənə tè samsə̂ vəyn.

Ətefɨ̂aʼ 17:5

Pîza ghɨ Njûs yîghe ə zhə̀tə̀ àghə̀ʼ kə ghɨ tsɨ̂yntè ə Pɔ̂l yî Silàs anɔ̂yn, ə zùŋtə̀ ànɔ̂yn ə mmɨ̂əmê pîəm kyîke, ke ə zhə̀tə̀ sè kwiə zɔ̂fə̀ tsɛ̂ endaʼ, ə ndùə kəmtə̂ ə̀cho se ndɛ ə Njesɨ̀ynə̀, nə ghənə kyiŋə Pɔ̂l yî Silàs se kyiə pə̀yn è ghənə ə ghɨghe əshi.

Ətefɨ̂aʼ 20:31

Ghàyn tɔ̂ʼnə̀ è ngɨŋ saynse, fɨnə kwâʼtə̀ kə m tè zaʼlə ghàyn èchwì, zaʼlə ètuʼve sə sepìŋ sèta, chîə kə nâʼà ndò nə ghàyn ə fɛte ke Fèzhə̀.

Ətefɨ̂aʼ 23:10

Saʼnê ətəynze ə kɔʼɔ fɨə andiŋ kyîke, tuə sesôkə̀ʼ e ghaʼâkè e sè fanə̀ nə ə kaʼa payte Pɔ̂l mnjya, mnjya. È vɛ tsɛ̀sə̀ sə àlaŋ nə sokə̀ʼ sə vəynse tso ndu fu anɔ̀yn ə nji tsɨsè Pɔ̂l ə ghənə fètəyn, ə nji è vəyn apɨəyn ə sesokə̀ʼke.

Ətefɨ̂aʼ 23:35

è və pìə sê vəyn nə, “M tə zɨə se ghò mə ghɨ ghɛ ə pî nə o nə̀yn pofsê ə pə̀yn.” È və tsɛ̀sə̀ àlâŋ nə ə sokə̀ʼse nji ndu ndəm vəyn.

Ətefɨ̂aʼ 24:27

Ə pə̀ kə Pìŋsè tsɛ̀ sepɛ̀, Posiyùs Festùs ə pə̀ njiə eluʼ ə Felèsvè kə atu apàs endaʼke. Pîza Felès ə ndò ndɔ̀ʼɔ è fɨse Pɔ̂l ə ndɛ ə̀ chaʼ kûmə̀ nə è tè kyiŋə nə ghɨə Njûs ghə kɔ̂ŋɔ̀ vəyn.”

Ətefɨ̂aʼ 26:10

Ə̀ zɨnə̀ e nyi èghɛ zɛ m tè nə̀yn ə Njèlusalɛ̀m. M tè fi atyaʼ sê ghɨə kɔʼsə nə eshyə̀ engaŋtəghe ə ndə̀mə̀ ə̀ghɨ Fezhə̀ ə tsɨəghe ə ndɛ ə̀chaʼ, ə pə̀ kə tsɛsè saʼze nə ə zhwi ghənə, mə pɔŋɔ tɔ̂ʼɔ̀ èghɛ ətəynze.

Ətefɨ̂aʼ 26:29

Pɔ̂l ə fɨ̀ysə̀ nə, “Ə̀ kàʼa nyi fèfɨ̂atə̀ fə ashìŋə̀fè, ə̀ kàʼa ə nyi àghaf etyâkè. Tsə̂m zɨme sê Zhə̀fè nyi nə gho è ghɨ ghəkɨ̂m ghɛ ə zɨtə sê mi ndâyn pəyn sə̂ nyi àfɨa kɛ m nyi kəynke, pîza m tsə̂mə̀ va nə ə ndəm ghàyn ə sechaʼ kə nyi mə ə ndə̀m mi zôyn.”

Ətefɨ̂aʼ 28:30

Pɔ̂l ə ndamə fu sə sepìŋ sèpɛ̀, ndaʼà zə vəyn nə ndɛ. È tè fiə nâʼà pî ndè vɛ ə è pə̀yn se môtə̀ vəyn è saŋnêzè.

Ətefɨ̂aʼ 5:18

Ghənə ə ko ə̀ghɨtom nə ghɛ ə fâ ə ndɛ̂ chaʼ, ə fètəyn èndaʼ.

1 Kɔlìŋ 15:10

Pîza kûmə̀ àfùʼ ə Fèzhə̀kè, m nyi wùə vɛ m nyi vəyn. Mə fùʼ nə kɨ̂yn paʼà njìsè sə ndô. Mə pɨl fɨ̂aʼ nâʼà sə ŋaŋ, ə fɨaʼa tsɛ̂ nâʼàpî ndè əfètəyn ə ghɨətomə nâʼàpî kə ə̀ tè laynsə fɨaʼà va mi, ə̀ tè fɨ̂aʼ afùʼ ə Fèzhə̀ nə kɛ ə mì ewìyn.

1 Kɔlìŋ 4:11

Se tàyn zôyn, chɨ̀ŋ zafə ghàs, pfɨ̀ŋə̀ m̀mò e fɨnə zafə ghàs. Ghàs màʼà kə êshɔʼ ə sendzɨsve, e pusə ghàs, ghàs e kyîŋə̀, kiva luʼe ndaməve.

1 Kɔlìŋ 7:5

Kə wùzhɔyn tə se fo ngɨŋə̂ vəyn se ndom ə̀ vəyn, kə wùə ndômə̀ tə kepî se fo ngɨŋə̂ vəyn se zhwîə vəyn, ə̀ tsɛ kə va mə ə̀ pomə ghənə se nə̀yn zamə sə fe ndiŋə kə ghənə ə nyi kàʼa tsəm. Pîza ə shîŋə̀ təynke mî, ghàyn e kɛsə̂ ndamə kə lâŋ ə malə̂kè kyiŋə, ə̀ va za, ə mɔ̂m ə Satàynzè nəyn, ə ghàyn pfɨ kûmə̀ nə ghàyn keva se kyî ə sengɨŋ saynse.

2 Kolìŋ 11:27

Mə fɨ̂aʼ tsɛ̂sè, ə fɨaʼà tèfɨaʼ te tɛte ə pə̂ əteshìŋə̀ tetsɨəte, m kyàʼà pɨənə̂, ə pə̀ shîŋə̀ kyîke, mə pɨənə ndɔ̀ʼɔ m zhi fɨake, pî se mɨ afɨa kyîke. Shîŋə̀ tetsɨəte, e pɔynə̂ va kə m kyi fɨake se zhi, kyi va ndɛ se pɨəyn ətəyn, kyi va nâʼàpî sèndzɨs se màʼ.

Ɛfesùs 3:1

Ə̀ nyi ke kûmə̀ ètsɨ̂yntè ə ghâsènì nə zɨ̂nə̀ ə m tsə̂mə̀ sê Zhə̀fè kûmə̀ ghàyn. M nyi wùə ə ndɛ̂ chaʼ kûmə̀ èfɨ̀aʼ zɛ ə Klâys Njisə̀s fo sê mi nə mə ndàʼà tom èchùŋ sê ghàyn ghɨ etumə.

Filìpây 1:13

Nâʼà sèsokə̀ʼ sɛ ə se tsɨ̀ŋnə̀ tɔʼ sèkɨ̂m, è ghɨ fa nâʼà ə̀kɨ̂m ke ndô nə m nyi ə ndɛ̂ ə̀ chaʼ kûmə̀ nə m fɨaʼà sê Klâys.

1 Tèsàlonikà 2:9

Ghɔnyiə, ghàyn nyiə ke kə ghàs tè fɨ̀aʼa nâʼà sə ŋaŋ! Ghàs tè fɨ̀aʼa èchwì fɨ̂aʼà ètuʼve kə ghàs tàʼa fɨmsə̂ ghàyn endom vîve, kə ghàs ndàʼà tom nə zɨnə̀ ə Zhə̀fè fo nə ghàs ndaʼa sê ghàyn.

1 Timotì 4:10

Kûmə̀ èpî nə zɨnə mə, ghàs nyîə fɨaʼà sə ŋaŋ se nə̀yn ə zɨnə mə kûmə̀ nə ghàs samsə̂ ndò ə Fezhə̀ fɛ ə fe ndamə səmɔʼ, nyi sɔ̀zà ə̀ghɨ̀ ə̀kɨ̂m, ə̀ paynse nyi ə̀ghɨ ghɛ ə nyi mə ə pomə̂ sê vəyn.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

2 Timotì 2:9

Kè kûmə̀ nə m ndaʼà tom èchùŋ, m zɨə ètsôs, fɨyn nyi mə ə kol mi kə wùə ndɛ ə̀chaʼ. Pîza ə paʼà fà ghɛ ə Fezhə̀zè ə sechaʼ.

2 Timotì 4:5

Pîza, ò kyi sə̂ chisə̂ ngɨŋ zɛ̂zè nâʼàpî ətə èghɛ èkè, kolə ə̀təm ezə ngəʼze, nə̀yn fɨaʼə wûə vɛ è ndàʼà tom èchùŋ, ə nə̀ èfɨaʼ zɛze ekɨ̂m kə wùə èfɨ̀aʼa ə̀ Fèzhə̀.

Ipilù 11:36

Ə tè nyə̀ʼsè yîghe, ə tsoynə ghəmɔ̀ʼɔ, kolə nâʼà yîghe è chaʼse, fɨnə ndɔmə̀ nâʼà ghə mɔʼɔghe ə ndɛ̂ chaʼ.

Ipilù 13:17

Ghàyn e zɨə se tu vaynve, kə ghàyn ə tɛ è tuke sê ghənə. Ghənə nyiə naynə̂ ghàyn kûmə̀ nə ghənə taŋə njo sê Zhə̀fè ə ghənə efɨ̀aʼ. Ə ghàyn zɨə sê ghənə, ə ghənə ə nə̂ èfɨ̂aʼ ətəyn è èsaŋnêzè, ə ghàyn sè tɛ è tuve, ə ghənə ə nə̂ èfɨaʼ ətəynze è təm ə tɨləghe, ə zɛ mə tàʼa tsàmtə ghàyn.

Ipilù 13:23

Ghàyn e ke nə ə fɨse ànyìə ghâsènì Timotì ə ndɛ̂ chaʼ. Ə è zàŋsè pə̂yn, ə ghasè vəyn pəyn əmɔʼ se fe ghàyn.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.