2 Kolìŋ 6:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ghàs pɨlə tyə̂nə̀ kə nə ghàs nyi əghɨ əfɨaʼa ə Fezhə̀ghè ə tendom tɨ̀nə̀; ghàs wəynsə̂ kə ndò tsôs e ghaʼâ vɛ ə ghàs fe, è tsɨfsè zɛ ə ze pə̂ sê ghàs, è kyì tə ghɛ ə tɛ ə mɔ̀ʼɔghe.

2 Kolìŋ 6:4 ပူးပေါင်းရင်းမြစ်များ

Tom èchùŋ kè kə Lûk tè nyaʼ 21:19

Wəynsê zayn tə nə, ə ghàyn sɔ̂.

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Ətefɨ̂aʼ 20:34

Nâʼà ghàyn nyîə ke sə ghàyn ə ngɨŋ nə, pi ghè vɛ ə ghasè ghɨ anɔ̀yn ghɨmə tè kyi, nyi mə ə̀ fɨ̂aʼ kê mi è gho ghɨmə.

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

Ŋwàʼlè ə̀ Pɔ̂l sê ghɨə Lûmghè 14:18

Mə ə ghɨə fɨaʼà sê Klâys famə endom nə vɨ̂yn, ghənə nə̂ nə Zhə̀fè ə saŋnə̂, ghɨə mɔ̀ʼɔghe e pîə nə ghənə ə nə̀yn ghɛ echûŋzè.

Ŋwàʼlè ə̀ Pɔ̂l sê ghɨə Lûmghè 16:10

Ghàyn tɔŋte Apelàs, ə vɛ ə tsɨnè ə̀ vəyn ze chùŋ tyə̀ nə è nyi chichi sê Klâys. Ghàyn tɔŋte kepî ə̀ghɨ esas ə ndɛ Alistopùlùsghè sê mi.

Ŋwàʼlè ə̀ Pɔ̂l sê ghɨə Lûmghè 3:5

Pîza, ezhoghɛ ze nyi nə ghɛ epi ghɛ ə ghâsènì nə̀ chwìtə̀ ndò àchûŋ nə Zhə̀fè tɔ̀ʼə̀ va wùə vîvè, ə ghâsènì tə pi nə ghɛə? E za nyi nə ghâsènì kàʼa pi nə Zhə̀fè ə nə̀yn tsas se pɔynsə ə ghâsènì ə ghâsènì ətə ə̀ghɛ ə pi ghɛ ə ghâsènì nə̂ ə? (M wâmnə̀ zɨnə̀ è kwaʼtè ə wùə m̀sɔ̀ŋze)

Ŋwàʼlè ə̀ Pɔ̂l sê ghɨə Lûmghè 5:8

Ə̀ vachi zamə kə Zhə̀fè nə̀, kûmə̀ nə ndom vɛ ə è chwìtə̀ ətəyn nə è nyîə kɔ̂ŋə̀ ghâsènì nyi nə Klâys ə kwu ə ghâsènì elùʼ mə ghâsènì pa nyi ə̀ghɨ pighe.

1 Kɔlìŋ 3:5

Nâʼà pîza, Àpolòs nyi nde, Pɔ̂l e nyi ndè? Pîə ghàs nyì ke ə̀ghɨ ə fɨaʼa ə Fèzhə̀ kə fe fo se tsàmtè ə ghàyn nə ghàyn pomə zə, nâʼàpî ndè e nə̂ kə èfɨaʼ zɛ ə Pɛ̂pɛ fo nə è və nə̂ ə?

1 Kɔlìŋ 4:1

Ghɨ kyi sə̂ njîə ghàs kə̂ ghɨ fɨaʼa ə Klâys ghɛ ə Zhə̀fè nyi mə fe ə fo fɨ̂aʼzè nə ghàs ə ndaʼà ə̀ghɛ ə ndətə səmɔʼɔ kûmə̀ vəyn.

1 Kɔlìŋ 9:11

Ghàs ə zho ghɛ ə chûŋghè ə ghàyn ətəm. Ə̀ vayn kàʼa ə nyi èghɛ epize ezhoghɛ ghàyn fo ghàs èfɨa vɛ ə ghàs kàʼa ə ghàs tsamte ngɨŋ sase ətəyn.

2 Kolìŋ 11:23

Ghənə pìə nə ghənə nyi əghɨ fɨaʼa sê Klâys. M pɔŋɔ fɨ̂aʼà kəpî sê Klâys, nə̂ èfɨ̂aʼ ətəyn tsɛ̂ ghənə. M wàmnə̀ kə nâʼà kə m zhya ndò. Mə fɨ̂aʼ tsɛ̂ ghənə. Ə fà mi əchaʼ kə teshìŋə̀ teshìŋə̀ tsɛ̂ kə fâ ghənə. Ə nyi mi vɛ ə nyi mə ə pus sə teshìŋə̀ tetsɨəte tsɛ kə nyi mə ə pus ghàyn, ə fɨnə shwîe kyîŋə̀ èkwu shîŋə̀ tetsɨəte tsɛ̂ ghàyn.

2 Kolìŋ 11:27

Mə fɨ̂aʼ tsɛ̂sè, ə fɨaʼà tèfɨaʼ te tɛte ə pə̂ əteshìŋə̀ tetsɨəte, m kyàʼà pɨənə̂, ə pə̀ shîŋə̀ kyîke, mə pɨənə ndɔ̀ʼɔ m zhi fɨake, pî se mɨ afɨa kyîke. Shîŋə̀ tetsɨəte, e pɔynə̂ va kə m kyi fɨake se zhi, kyi va ndɛ se pɨəyn ətəyn, kyi va nâʼàpî sèndzɨs se màʼ.

2 Kolìŋ 11:9

Shiŋə̀ kɛ ə m nyi ghâsènì, ezhoghɛ ə m kyiŋə fɨake, m fo va ngəʼ se ghàyn kûmə̀ nə ghɔnyì ghɨmghe ə Màsèndònyà tè nyîə fo nâʼàpi àkè kɛ m kyiŋə. Mə ndə̂m ngɨŋ zɨ̂mzè nə m nə va àpɨ̀aʼa se ghàyn endom vîve, nyi se faŋə kə zamə.

2 Kolìŋ 12:10

Kûmə̀ Klâys, m saŋnə̂ tsɛ̂ kə ndò ashìŋə̀ kɛ m pɔlə̂, ashìŋə̀ kɛ ə sôylə̀ mi, ashìŋə̀ kɛ ghɛ ghe tɛ sê mi, ashìŋə̀ kɛ ə tsə̂fsə̀ mi, è ghɛ mɔ̀ʼɔghe, ghe tsɨ̂ə tsɛ̂ àtyaʼ kɨmke. E nyi nyî kûmə̀ nə ə pə̂ ashìŋə̀ kɛ m pɔlə̂, m pɨl kyi àtyaʼ.

2 Kolìŋ 12:12

Mə tè kol təmə, ə njìə àshîŋə̀ se tyə̀ynə sèchwìə sə wùətom ə səmɔʼse, paʼsə̂ è chwìəse, è ghɛ ə cho zoməghe, è fɨ̂aʼ te kayntəte.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

2 Kolìŋ 3:6

Ə̀ nyi Vəyn kə è nə̀yn nə ghàs ə kɔʼɔ kwəynə̂ sə ndaʼà kûmə̀ m̀kâyn me fɛ̂m, ə paʼà nyàʼ chi kàyn me fɛ nə mɨ̂nə̀ mə ə ŋwàʼlè kə ə nyâʼə̀ lâŋkè, pîza ə̀ nyi Sezuʼ. Lâŋ kɛ ə nyi mə ə nyaʼ ndô nyîə zhwiə, pîza Zuʼse fo èndam.

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

2 Kolìŋ 4:8

Tsôsvè pə̀ sê ghàs ə tendom ə tendom pîza, mə ve vayn kàʼa ə ve tɛ tsɛ ghàs, ə̀ pə̀ shîŋə̀ kyîke ghàs e ke va ghɛ zɛ ə kaʼa nəyn, pîza mə ghàs vayn kàʼa maʼa fɨ̂aʼ zasze.

2 Kolìŋ 7:11

Ghàyn fe ghɛ zɛ ə tsôs tɨnə̀ ə te ndô pə̂yn sê Zhə̀fè nə̀yn ə ghàyn endam: tə nə̀yn ghàyn e kyiŋə nâʼà sə̂ nə̂ chùŋ, ə nə̀ ghàyn e kyiŋə nâʼà è tyaʼa se tyə̀yn nə ghàyn nə̀ tsasə va. Ndom vɛ ə ghàyn nyɔ̀ʼsə̀, choze ə zomə ghàyn ashìŋə̀ kɛ ə wùə nə̀yn pofse ghɛze nə̀ nə ghàyn ə kɔ̂ŋə̀ se pɔynsê ə wùə è təm ghaynghe əkɨ̂m. Ghɛ ətəynze ə tə nə̀yn, ghàyn e fànə̀ nâʼà sə ŋaŋ. Ghàyn tè nyiə kɔ̂ŋɔ̀ se fe mi nâʼà sə ŋaŋ. Ghàyn ə tyə̀yn ke ndom tekɨ̂m nə ghàyn paʼà nə̀yn pofse ghɛ zhize kûmə̀ èghɛ nə zɨ̂yn.

Kòlosè 1:11

M tsə̂mə̀ nə Zhə̀fè fo tyaʼa kayntə ə Vəynke sê ghàyn kə ghàyn ə tɛ, kə ghàyn ə kolə ə̀təm, fɨnə kyîə ə̀təm, ghàyn e saŋnə̂ əghɛ ə̀kɨ̂m.

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

1 Tèsàlonikà 3:7

Ghàs saŋnə̂ kə nyî ə ghɔnyì ghasə kûmə̀ èghɛ zɛ ə Timotì tsàyn sê ghàs nâʼàpî kə ghasè vəyn fe ngəʼ nâʼà àpi. Ndom vɛ ə ghàyn pa kyi èkyî epomə̂zè sê Klâys, ə fo ghàs è təmə sə ŋaŋ.

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

1 Timotì 2:15

Pîza Zhə̀fè tə sɔza nâʼàpî wùzhɔyn èkwə̀ tɔynə̂ apiə ə ghɔynke, ashìŋə̀ kɛ è kol təmə ə faŋa tɛ kə ndò ə vəyn ekyî epomə̂zè, fɨnə kɔ̂ŋɔ̀ ə̀ghɨ mɔʼɔghe, fɨnə ndamə èndam zɛ ə ze nyi èŋwaʼze, nə̂ va ghɛ nə ghɨ̂yn endom kə shi əghɨ̀ghe ə nyi ke ə vəyn ewìyn.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

1 Timotì 6:11

Pîza ə gho ə wùə Fèzhə̀, tə pfɨyn famə epàmə̂ ə̀ghɛ. Ò mɔ̂msə̀ sə nyi chichi, nə̂ kə nâʼà ə̀ghɛ kə Zhə̀fè kyiŋə, kyi èkyî epomə̂zè, è kɔ̂ŋzè, e wəynsê ewìynze, è ngɨmnêzè.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

2 Timotì 2:24

Ò ke nə wuə èfɨ̀aʼa ə̀ Fèzhə̀ kyi va sə̂ zɔ̂. È kyi sə̂ pɔynə̂ nâʼàpî se ndè fɨnə fɛtə zaʼlə ə̀ghɨ kè nâʼà àchûŋ, kyi èwəynsê,

2 Timotì 4:5

Pîza, ò kyi sə̂ chisə̂ ngɨŋ zɛ̂zè nâʼàpî ətə èghɛ èkè, kolə ə̀təm ezə ngəʼze, nə̀yn fɨaʼə wûə vɛ è ndàʼà tom èchùŋ, ə nə̀ èfɨaʼ zɛze ekɨ̂m kə wùə èfɨ̀aʼa ə̀ Fèzhə̀.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.

Etyə̂yn ə paynsêzè 3:10

Kûmə̀ nə o zɨ lâŋ kɨmke mə ke nyi nə ò kol təmə ə fètə̂ ètsòs, M tə sɔzâ kəpi ghò ashìŋə̀ kɛ kə tsôsè pə̀yn ə mbi ekɨ̂m se mɔ̀m əghɨ ghɛ ə ghe ndamə ə chi.