2 Kolìŋ 6:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghàs kɔ̂ŋɔ̀ va nə wùə vîvè pofse fɨ̂aʼ kaske. Ə̀ za nyi eghɛ zɛ ə ghàs nə̀ va ghɛze kə ze kaʼa ə ze nəyn ə wùə nyɔʼse tɔŋve.

2 Kolìŋ 6:3 ပူးပေါင်းရင်းမြစ်များ

Matyò 17:27

Pîza ghàs kɔ̀ŋə̀ va se nə̀yn nə ghɨ ghɨ̀nə nyɔʼse tɔŋe. Ndù ènjwì ə màʼa fèchyaʼ. Mbwɔ̀ kɛ ə ò ko sə shi, ŋaʼse cho ə kəynke, ə ò koyte kɛve ə ve kwəyn kə ghâsènì ndaʼ tâks ə təyn. Njì vəynve ə ndùə ndâʼà sê ghâsènì.”

Matyò 18:6

Ə̀ nə̀yn pîndè nə kyì ə vayn nə vɨ̂yn pfɨ ə vəyn epomə̂, ə zə tsɔ̂fə̀ nə ə kolə chi eghaʼâzè ə vəyn emì ə ndu mâʼà vəyn ə enjwì ə fengwaŋve mə ve lɔŋə̂ kə nyî.

Ətefɨ̂aʼ 19:27

Ghɛ epi zə təyn zôyn nyi nə pəʼlè ə̀ ghâsènì zɨ̂yn nə̀ kyîə ezə epize. Ə̀ vachi ke zɨnə mə, pîza ghɛ epi ə mɔ̀ʼɔze nyi kepî nə ndɛ ètsə̀mə ə̀ Atemìs nə̂ pəyn sə̂ chwîtə̀ va nâʼà èghɛ zhîze è kɨsè nə ə nə̀ pofsə̂ èghaʼ ə vəynze, ə Fezhə̀ mə ə̀ ngɨmnə̂ ə̀ghɨ ə̀kɨ̂m ə Esiyà è mbi èkɨ̂m.”

Ŋwàʼlè ə̀ Pɔ̂l sê ghɨə Lûmghè 14:13

Kə ghâsènì ə fɨnə saʼa ghɨə mɔ̀ʼɔghe. Ghàyn pɨl saynê se tə tàʼa nə̀yn eghɛ zhîze mə ze kaʼa ə ze nəyn ə wùə tɨm gholke ə è pfɨ ə pi.

1 Kɔlìŋ 9:12

Ə̂ nyi eluʼ əghɨ̀ əmɔ̀ʼɔghe se pfɨf efɨa nə vɨnə se ghàyn, ə va zàyn luʼ vasve se pfɨf se ghàyn se tsɨə tsɛ pì ə? Pîza ghàs paʼà faŋ se pìə faŋsə̂ kə nə ə̀ vɨnə nyi eluʼ vasve kə ghàyn ə nə̂ zamə sê ghàs, ghàs pɨlə kolə kə ə̀təm kə ghàs ə va àtàmtè se tom èchùŋ ə̀ Klâys.

1 Kɔlìŋ 9:22

Shîŋə̀ kɛ ə m ndu sê ghɨ ghɛ ə ghənə pɔlə̂, m nyi ke kə wùə ə è pɔlə endom se nə̀yn nə ghənə chumte Klâys. Mə kɛse sè nyi ke èfɨa èkɨ̂m se ghɨ ghəkɨ̂m se mɔ̀msè ətendom tèkɨ̂m nə ghənə yîghe kyi sɔzaze ezhoghɛ ə ze pɔynə.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 8:20

Ghàs kyîə ètsâmtè nə zɨ̂yn ètɔfe kə ndɔ̀ʼɔ ghɨghə ghâmə̀ ghàs nə ə kyî pofsê.