2 Kolìŋ 5:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ə̀ za nyi eghɛ zɛ ə ghâsènì mɔ̀msə̀ nâʼà sə ŋaŋ sə̂ nə̂ ə̀ghɛ ghɛ ghɛ ə ghe tsɔ̂fə̀ sê Pɛ̂pɛ, kɨ̀sə ghâsènì nyi ghâsènì ghə̀ Pɛ̂pɛ kɨ̀sə ghâsènì va ghasènyìə ghə vəyn.

2 Kolìŋ 5:9 ပူးပေါင်းရင်းမြစ်များ

Njɔyn 6:27

Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Ətefɨ̂aʼ 10:35

Ə ò fɨ nâʼà pi endaʼ èkè, ò kɔʼsə Fəynfe, fɨnə nə̂ ə̀ghɛ ghɛ ə fe kyiŋə, ə Fe fi njisê ghò.

Ŋwàʼlè ə̀ Pɔ̂l sê ghɨə Lûmghè 14:18

Mə ə ghɨə fɨaʼà sê Klâys famə endom nə vɨ̂yn, ghənə nə̂ nə Zhə̀fè ə saŋnə̂, ghɨə mɔ̀ʼɔghe e pîə nə ghənə ə nə̀yn ghɛ echûŋzè.

Ŋwàʼlè ə̀ Pɔ̂l sê ghɨə Lûmghè 14:8

Ə ghâsènì nyi etwɔ, ə nyi mə ghâsènì nyi etwɔ se nə̀yn eghɛ zɛ ə Pɛ̂pɛ kyiŋə nə ghâsènì nəyn. Mə ə ghâsènì kwu, ə nyi mə ə kwu se nə̀yn nə Pɛ̂pɛ ə saŋnə̂. Nyiəmə, kɨ̀sə ghâsènì nyi etwɔ, kɨ̀se ghâsènì nyi mə ə kwu, ghâsènì nyì ke ə Pɛ̂pɛ ə gho.

Ŋwàʼlè ə̀ Pɔ̂l sê ghɨə Lûmghè 15:20

Kɔ̂ŋ zɨme shîŋə̀ tekɨ̂m nyi nə m ndaʼa tom èchùŋ elùʼ vɛ ə nyi mə ə paʼà zɨ kûmə̀ Klâys. M tè nəyn nyiəmə kə m tàʼa ndù elùʼ vɛ ə wùə mɔ̀ʼɔ nyi mə è və kàynè zhə̂tè fɨ̂aʼzè.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

2 Kolìŋ 5:6

Ə̀ za nyi eghɛ zɛ ə ghâsènì ngɛse kyi ə̀təm. Ghâsènì ke ndô nə ə ghâsènì nyì ke fayn ewìyn, ə ghâsènì ə nyi nâʼà è ghafke sê Zhə̀fè.

2 Kolìŋ 5:8

Ghâsènì nyîə ngɛse kyi ə̀təm, kɔ̂ŋɔ̀ kə se za ewiyn vɨ̂yn se ndù sə̂ ndamə ə Pɛ̂pɛ elùʼ.

Ɛfesùs 1:6

E za tyə̀nə̀ nə ghâsènì kyi sə̂ tsîtə̀ Fèzhə̀ kûmə̀ ètɔʼnè ekayntə zɛ ə è tyə̀yn sê ghâsènì tɔynə̂ ə vâyn èkɔ̀ŋ ə̀ vəyn. Ə̀ tè kɔ̀ŋ ke vəyn se nə̀yn nyî.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

Kòlosè 1:29

Se fe nə ghɛ nə ghɨ̀yn ə nyi mə ə nə̀yn, ə̀ za nyi eghɛ zɛ ə m mɔ̂msə̀ se fɨ̂aʼ è tyaʼa. Tyaʼa Klâys kɛ ə ke nyi ə mì ewìyn, ə̀ nyi kəynke ə ke chiyntə mi nə mə fɨaʼà è tyaʼke.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

1 Tèsàlonikà 4:11

Ghàyn mɔmse nâʼà è tyaʼa sə̂ ndamə endom vɛ ə ve pə̂ va èfɨmsê zè sê ghɨə mɔ̀ʼɔghe. Kə ghàyn nə njiə tsɛ ə ghɨghə ghɛ. Ghàyn e fɨ̂aʼà è gho ghaynghe sə̂ kyi èfɨa vɛ ə ghàyn kyiŋə kè kə ghàs tè tsàyn sê ghàyn.

1 Timotì 4:10

Kûmə̀ èpî nə zɨnə mə, ghàs nyîə fɨaʼà sə ŋaŋ se nə̀yn ə zɨnə mə kûmə̀ nə ghàs samsə̂ ndò ə Fezhə̀ fɛ ə fe ndamə səmɔʼ, nyi sɔ̀zà ə̀ghɨ̀ ə̀kɨ̂m, ə̀ paynse nyi ə̀ghɨ ghɛ ə nyi mə ə pomə̂ sê vəyn.

Ipilù 12:28

Ghâsènì kyi sə fo àzɔ̀ŋnè sê Zhə̀fè kə fe fo luʼ efɔ̀ynvè sê ghâsènì mə ə vayn kaʼa nəʼse vəynve. Ə ghâsènì ə fo àzɔ̀ŋnè, ngɨmnə̂ fəynfe endom vɛ ə fe kɔŋə̀ ətəyn, è ngɨmnê eghaʼazè, è fâyn zɛ ə vâ Fèzhə̀ kyi sə̂ kyi,

Ipilù 4:11

Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.

2 Pità 3:14

E za nyi ə soyn sɨm sechûŋsè nə, kə ghàyn lɨmtə tuʼ nə vɛ, ghàyn mɔmse nâʼà è tyaʼa sə̂ zo, kyi va tsasze ə Zhə̀fè əshi, fɨnə ndamə è pɔ̂ynè sê vəyn.