2 Kolìŋ 5:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ghâsènì nyîə ngɛse kyi ə̀təm, kɔ̂ŋɔ̀ kə se za ewiyn vɨ̂yn se ndù sə̂ ndamə ə Pɛ̂pɛ elùʼ.

2 Kolìŋ 5:8 ပူးပေါင်းရင်းမြစ်များ

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

Matyò 25:23

Pɛ̀ èfɨ̀aʼ ə̀ vəyn vɛ ə pìə sê vəyn nə, ‹Ò nə̀yn kè nâʼà àchûŋ. Ò nyi ke nâʼà wufɨ̀aʼa èchùŋ, fɨyn nyi səmɔʼ. Ò va nyiə nyi səmɔʼ sə̂ tɔ̂ʼnə̀ èkɛ etətə̂vè, e za nyi nə m nə̀ ndə̂mə̀ ghò ə o tɔ̂ʼnə̀ èkɛ etsɨəve. Nji pə ə chyàtə̀ ə mì esaŋnê.›

Tom èchùŋ kè kə Lûk tè nyaʼ 2:29

“Nə̀ ndù zôyn ə Pɛ̂, ə wufɨ̀aʼa vɛu ndo ke nâʼà e pɔ̂ynè kə ò tè tsɨ̀ne,

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Njɔyn 14:3

Mə ə M ndû fɛte mɨ̂sè, ə m kɛse pəyn nji ghàyn, kə ghàyn pəyn ə nyi ghâsènì elùʼ vɛ ə m nyi ətəyn.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Ətefɨ̂aʼ 21:13

Pɔ̂l ə pə̀ynsə̀ nə, “Kûmə̀ ghè ə ghàyn chìə, nə̂ nə mə kyi èfɨmsê ə mì ə təmə? M nyi èpɨaʼtêzè nə kə kol ke ndò mi, pîza m nyi kepî ndò èpɨaʼtêzè se kwu ə Njèlusalɛ̀m kûmə̀ èzə ə Pɛ̂pɛ Njisə̀s è.”

2 Kolìŋ 5:6

Ə̀ za nyi eghɛ zɛ ə ghâsènì ngɛse kyi ə̀təm. Ghâsènì ke ndô nə ə ghâsènì nyì ke fayn ewìyn, ə ghâsènì ə nyi nâʼà è ghafke sê Zhə̀fè.

2 Kolìŋ 5:9

Ə̀ za nyi eghɛ zɛ ə ghâsènì mɔ̀msə̀ nâʼà sə ŋaŋ sə̂ nə̂ ə̀ghɛ ghɛ ghɛ ə ghe tsɔ̂fə̀ sê Pɛ̂pɛ, kɨ̀sə ghâsènì nyi ghâsènì ghə̀ Pɛ̂pɛ kɨ̀sə ghâsènì va ghasènyìə ghə vəyn.

1 Njɔyn 3:2

Soyn ghɨm ghe kɔ̀ŋə̀, ghâsènì kàyne nyi ə̀ghɔ Fezhə̀ghè, pîza Fe paʼà nyìəm chwitè nə ghâsènì tə pə̂ ə nyi zàyn shîŋə̀ kɛ ə Klâys tə kɛsə pə̂. Pîza ghâsènì ke ndô nə shîŋə̀ kɛ ə Klâys tə pə̂ ətəyn, ghâsènì tə nə̂ ə nyi ke kə Vəyn, kûmə̀ nə ghâsènì tə fe vəyn kè kə è nyi.

Etyə̂yn ə paynsêzè 22:3

Wùə vîvè kɨ̀sə afɨa kyîke ə Zhə̀fè nyi mə fe ə ti ndi se vəyn tə nə̂ ə ke ə fɨyn va fumə ə tɔ̂ŋ èghaʼâ. Kyə̂ fə efɔ̀yn ə Fezhə̀vè, è fə efɔ̀yn ə Vâ Ndzèvè tə nə̂ ə fe ə nyi ə tɔ̂ŋ èghaʼâ, ə ghɨ ə Fezhə̀ghè ə ngɨmnə̂ vəyn.