2 Kolìŋ 5:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ghàs nə̂ èfɨ̂aʼ zɨ̂nə̀ mə ghàs vayn kàʼa faŋ kûmə̀ kə Klâys kɔ̂ŋɔ̀ ghàs nâʼà sə ŋaŋ. Ghàs nyîə ke nə È tè kwu ke sê ghɨə əkɨ̂m, ze tyə̂nə̀ nə ghɨ ghəkɨ̂m ə tè kwu yî vəyn.

2 Kolìŋ 5:14 ပူးပေါင်းရင်းမြစ်များ

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Tom èchùŋ kè kə Lûk tè nyaʼ 15:24

Vayn vɨm vɨ̀nə nyi nyî mə m tè se ndəmə̀ kə nə è və kwuə ə̀ kyaʼà vəyn fayn nyi, nyi ke nâʼà etwɔ. M tè se piə kə nə è və njìsè ndu, è vɛ è kɛse pəyn.’ Ghənə ə se zhə̀tə̀ sə̂ zhiə, saŋnə.

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Tom èchùŋ kè kə Lûk tè nyaʼ 24:29

Ghənə kitə vəyn ə piə nə è pɨəyn yîghə̀ ghənə kûmə̀ nə shîŋə̀ kə tsɛ̂, tuʼve fɨyn nyi mə ve ə chi. È və njiə sè pɨ̂əyn yî ghənə.

Njɔyn 1:29

Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!

Njɔyn 11:25

Njisə̀s ə pìə sê vəyn nə, “Ə̀ nyi Mi è zomsêzè, ə̀ nyi Mi èndamze. Ghɨ ghɛ ə pomə se Mi nə̀ ndamə, pi kə ghənə nyi mə ə kwu.

Njɔyn 5:25

M pîə sê ghàyn səmɔʼ nə shîŋə̀ kè pə̀ ndò, mə kə kàynè kwəyn, kə ghɨə ekwuəghe tə zɨə wâmnè ə Va Fèzhə̀zè, ə ghɨ ghɛ ə zɨ zəyn ə ndamə.

Ətefɨ̂aʼ 18:5

Kə Pɔ̂l yî Timotì tè ndò pə̂yn ə Màsèndonyà, Pɔ̂l ə fo àshîŋə̀ ə vəynke akɨ̂m sə ndaʼà tom ə̀ Fèzhə̀, tsâ se ghɨə Njûsə̀ è ghɨə Nglekə̀ nə Njisə̀s nyi vɛ ə chɔʼ ndə̂m.

Ŋwàʼlè ə̀ Pɔ̂l sê ghɨə Lûmghè 2:2

Ghâsènì tənə ndò saʼ àchuŋ sê kyì əghɨ̀ ghɛ ə nə̂ ghɛ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 5:15

Ghɨ nə ghɛ ə̀ pɛ̀ vachi èghɨ kûmə̀ nə mâʼtè vɛ ə Zhə̀fè fo sê ghɨghe səndô, mə ə̀ pəyn Njisə̀s Klâys è Vəyn, ve va eghɨ kə afɨa kɛ ə kwu ə Andàmzè tè pəyn è kəynke. E nyi səmɔʼ nə ghɨ se tsɨ̀ nyi mə ə kwu kûmə̀ pi zɛ ə wùə èmɔ̀ʼ tè nəyn. Pîza fùʼ ə Fezhə̀kè tsɨ̀ə tsɛ̂ ndò pi nə zɛ mə. Ghɨə tsɨə nyi mə ə fi mâʼtè ə Fezhə̀ etsɨəve kè sə ndô tɔynə̂ se wùə èmɔ̀ʼ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 6:13

Ghàyn kiva sə̂ zâ apâs kayn kyîke əfètə̂ ghɛ pighe, kyi kepî va sə̂ njiə kəynke nə̂ ə̀ghɛ əpighe ətəyn. Pîza ghàyn pɨl fo sèngɨŋ saynse sê Zhə̀fè kə ghɨ ghɛ ə nyi mə ə fɨsê ghənə ekwu, ə fo ghənə èndam efeze. Ghàyn fo nâʼà èwiyn vaynve ekɨ̂m ə Zhə̀fè ə gho, kə è tə nəyn ə ghàyn ə nə̂ ə̀ghɛ ghɛ ə ghe nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

1 Kɔlìŋ 16:22

Ə̂ nyì nâʼàpî ndè kɔ̂ŋɔ̀ va Zhə̀fè, ndi ə və tu!

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

2 Kolìŋ 3:7

Lâŋkè tè nyi mə nyaʼ etûə ə̀chi, pomsê ə Fezhə̀zè ə pə̀ ashìŋə̀ kɛ ə tè fo lâŋ ətəynke. Pî kə payn zɛ ə ze tè nyi ə Mosîs ekyàʼ tè ndɨmə ndûə, payn ətəyn tè nyiə tɛ nâʼà sə ŋaŋ endom mə ghɨə Isìlâyghè tè nyiə fɨmə kyîŋə̀ se tùŋə naynê ə faŋsə nduə kə ndò vəyn. Ə lâŋkè mə ke pə̂ è kwuze kaʼa ə ke pəyn èkyì epomsêzè nyiə kə zɨ̂yn,

2 Kolìŋ 3:9

Ə lâŋ kɛ ə ke pə̂ èsaʼ zɛ ə ze saʼa pofsə ghɨə kyi kyì epomsêze nyi, ə ke tə nəyn ə kə pə̂ynè kyi zàyn pomsêzè əghɛ mə ghe pə̂ è sɔza zə?

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ɛfesùs 6:24

Ə fùʼ ə Fezhə̀kè ə nyi se ghɨghe əkɨ̂m ghɛ ə ghe faŋ kɔ̂ŋɔ̀ kə ndò Pɛ̂pɛə ə̀ ghâsènì Njisə̀s Klâys.

Kòlosè 2:13

Ə̀ tè nyì sə shi, ghàyn e nyi kəpiə ghàyn kwu ndô kûmə̀ èlwɔ̂ŋ ə Fezhə̀ vɛ ə ghàyn tè kyim. Ə̀ tè nyì fumə ashìŋə̀ ndɔ̀ʼɔ Klâys nyiəm nji tsɨsè tsɨnè èpi ə ghàyn ewìyn. Pîza Zhə̀fè ə fo ghàyn èndam efeze zôyn kə è zòmsè ghâsènì, ghasènìghə̀ Klâys. È və lɛ̀sè fo pi sə ghâsènì sekɨ̂m.

Kòlosè 3:3

Ghàyn e ke nə kə Klâys kwu, ə̀ nyì kəpiə ghàyn ə kwu kepî ghâynghə̀ vəyn.

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

1 Timotì 5:6

Zhwìə kwu vɛ ə è mɔ̀msə̀ kə sə̂ zhisə̂ èwiyn ə vəyn se nyi mə zuʼse ə vəynse ə kwu nâʼàpî kə è pa kwìə.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Ipilù 2:9

Pîza ghâsènì fe Njisə̀s vɛ ə Zhə̀fè tè nə̀yn sə fendiŋə̀ nyì, è və kɛsə̂ sə wûə fɨnə ngaŋtə kwəynə va pî kə setsì sə vəynse, kə tɔynə̂ ə afùʼ ə Fezhə̀kè, ə è kwu, ə è sɔza ə̀ghɨ ə̀kɨ̂m. Kûmə̀ èkwu zɛ ə è tè tsɛ̀ tɔynê ətəyn, Zhə̀fè ə màʼtə̀ vəyn è pomsêzè, è kɨsè kɔʼsêzè.

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.

1 Njɔyn 5:19

Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.