2 Kolìŋ 5:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Nyiəmə, ghàs ngɨmnə̂ ndò Zhə̀fè. Ə̀ za nyi eghɛ zɛ ə ghàs chyatə ghɨə nə ə pəyn sê Vəyn. Zhə̀fè nyîə ke ə̀ghɛ ə̀kɨ̂m kûmə̀ ghàs, m kwaʼtə̀ nə ə ghàyn ətəm, ghàyn pɔŋ fɛtê ke ndò ghàs.

2 Kolìŋ 5:11 ပူးပေါင်းရင်းမြစ်များ

Matyò 10:28

Kə ghàyn fayn ghɨ msɔ̀ŋ ghɛ ə ghe kaʼa ə ghe zhwi ke àchaʼ ewìyn ə wûəkè, pîza mə vâyn kàʼa zhwi zuʼ sə vəynse. Ghàyn e pɨlə fânə̀ Fèzhə̀ Fɛ ə fe kaʼa Fe pofsə̂ zuʼsə wùəsè, è chaʼ ə vəynke ewùs.

Matyò 25:46

Ghɨnə mə, ə fɔ̀yn ke tom elùʼ etsəfsə vɛ ə wusve pɛ ndɨmə̂ va, pîza əghɨ chichighe ndu elùʼ vɛ ə ghənə tə ndamə faŋə.”

Tom èchùŋ kè kə Lûk tè nyaʼ 12:5

M nə̀ tsâ vɛ ə ghàyn kyi sə̂ fânə̀. Ghàyn pɨlə fânə̀ kə Fèzhə̀. Fe kyi atyaʼ se zhwi ə ghàyn, fɨyn kyi atyaʼ se ndə̀m ə ghàyn elùʼ ewùs. M tsâ sê ghàyn nə, ghàyn fânə̀ kə fəynfe!

Tom èchùŋ kè kə Lûk tè nyaʼ 16:31

Aplàghâm ə se pi sê vəyn nə, ‹Ə ghənə tàʼa zɨtê əghɛ ghɛ Mosîs yî fɨ̀aʼtè seghaʼâsè tè nyàʼ, ghənə vâyn tə zɨtê eghɛ, naʼapi ezhoghɛ wùə kɛse ndù sê ghənə mə è zômə̀ e kwu.›”

Ətefɨ̂aʼ 13:43

Ə̀ tè nyi kə ghɨ chyâsə ə ndɛ̂ atsɨ̀ynte, ghɨə Njûsghè ə chùmtə̀ ndùə Pɔ̂l yî Pànapàs, tsɨ̀ə kə nyi. Ghənə tè nyi yî ghə̀ ghɨə mɔ̀ʼɔ ghɛ ə̀ tè vachi ə̀ghɨ ə Njûsghè kə ghe kɛse sè nyi kepî kə ghɨ Njûsə̀. Pɔ̂l yî Pànapàs ə wàmnə̀ se ghɨ ətəynghe, ə fo ə̀təm ə tɛ nə ghənə ndu ke èshike se kyi epɔysê zɨ̂nə̀ ə Zhə̀fè fo sê ghənə.

Ətefɨ̂aʼ 18:13

ə pìə nə, “Wùə vɨ̀nə nə̀ nə ghɨghe ə ngɨmnə̂ Fèzhə̀ endom vîve, saʼ zasze e pomə̂ va.”

Ətefɨ̂aʼ 18:4

Pɔ̂l tè kyiə əghɛ ə katə yîghə̀ ghɨə Njûsə̀ è ghɨə Nglêkghè tuʼ tendaʼ tekɨ̂m ə ndɛ àtsɨ̂ynte mɔ̂msə̀ se nə̀yn nə ghənə zɨ ghɛ zɛ ə è tè piə.

Ətefɨ̂aʼ 19:26

Ghàyn ə zɨ ə fɨnə fe èghɛ zɛ ə Pɔ̂l vɨnə nə̂ sə ghàyn ə sengɨŋ. È və ə nə̀yn ghɨ e tsɨə ə Ɛfesùs è Esiyà èkɨ̂m ghe pomə nə zhə̀ mɛ ə ghɨ fɛte va nâʼà m̀zhə̀ mîmè.

Ətefɨ̂aʼ 26:26

Fɔ̀yn Angɨlipà m kaʼa m wamne sê ghò è təm tɛ ghəkɨ̂m kûmə̀ nə ò nyiə ke ə̀ghɛ ghɨ̀yn. M nyiə ke nə o fɛtê ndəm ghəynghe ə ghò ekwâʼtè kûmə̀ nə ghɛ ghɨ̀nə tè paʼà kyàyn chi andə̀.

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

2 Kolìŋ 5:20

Ə̀ za nyi endom vɛ, ə ghàs njìə luʼ ə Klaysvè, kəpiə Zhə̀fè tɔŋə ghàyn nə ghàyn kɛse pəyn sê vəyn tɔynə̂ ə ghàs. Ghàs chyatə̂ ghàyn ə Klâys ezə nə ghàyn kɛse pəyn sê Zhə̀fè.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ngàleshyà 1:10

E za tyə̀nə̀ zôyn nə, m nə̂ èghɛ zɛ ə ghɨ kyiŋə mə zɛ ə Zhə̀fè kyiŋə? E za nyi nə m nə̂ nə ghɨ ghə saŋnə mə? Ə m sè kyiŋə sə̂ nə̂ nə ghɨ ghə saŋnə̂, ə mə fɨyn va wùə è fɨ̀aʼa ə̀ Klâys.

Ɛfesùs 5:21

Ghàyn e ngɨmnə̂ sèngɨŋ saynse kûmə̀ nə ghàyn fànə̀ Klâys.

Ipilù 10:31

E nyîə kwə̂mə̀ nâʼà sə ŋaŋ nə wùə pfɨə nji ə Zhə̀ fɛ ə fe ndamə əgho.

Ipilù 12:29

kûmə̀ nə Zhə̀fè ə ghasènìfe nyi kə ewus ə ve nyɔ̂ʼə̀ pofsə kəndô.

Njût 1:23

Ghàyn shiyn fɨsê ə̀ghɨ ə mɔ̀ʼɔghe ewùs ə ghàyn sɔse ghənə, sê ghɨə mɔ̀ʼɔghe, ghàyn tyəyn kose esəynze mə ghàyn nə̀ zɨnə mə è tɔ̂ʼnèzè kə piə ghɛ ə ghənə̂ ghe pighe nyi mə ghe ə nyùʼ ndzɨsə ghənə̂sè.

Etyə̂yn ə paynsêzè 20:15

Nâʼàpî ndè vɛ ə zə vəynze tè va əfètə̂ ŋwàʼlè ə̀ghɨ̀ endamə nə ghɛ, ə màʼà tsosə̂ vəyn elùʼ vɛ ə wusve tè pɛ ətəyn.