2 Kolìŋ 4:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Nyiəmə ghàs ndə̀mə̀ va təm ghasghe efɨa vɛ ə kaʼa fe è shiə, ghàs pɨlə ndə̂mə̀ ndûə èfɨa vɛ ə vayn kàʼa fe, kûmə̀ nə fɨa vɛ ə fe ndamə kə sə fendîŋə̀ fə ashìŋə̀fè, pîza vɛ ə fe va tə ndamə faŋ.

2 Kolìŋ 4:18 ပူးပေါင်းရင်းမြစ်များ

Matyò 25:46

Ghɨnə mə, ə fɔ̀yn ke tom elùʼ etsəfsə vɛ ə wusve pɛ ndɨmə̂ va, pîza əghɨ chichighe ndu elùʼ vɛ ə ghənə tə ndamə faŋə.”

2 Kolìŋ 5:7

E nyi nyî kûmə̀ nə ghâsènì ndamə tɔynə̂ epomə̂, ə̀ va chi tɔynə̂ afɨa kɛ ə ghâsènì fe.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

Ipilù 11:1

Sə̂ kyi èkyî epomə̂zè nyì nə fɨa vɛ ə ghâsènì kwàʼtə̀ lɨmtə vəynve, ghâsènì nyîə ke səmɔʼ nə ə tə kyiə vəynve. Pomə̂zè nyi sə̂ ke səmɔʼ nə fɨake nyiə nyi nâʼà pî kə ò pa tsɨs ndɔ̀ʼɔ ò fe fɨa ətəynke è shize

Ipilù 11:13

Ghɨ nə ghɨnə nâʼà ə̀kɨ̂m tè nyîə kyi èkyî epomə̂zè sê Zhə̀fè se nduə zaʼâ kə ghənə kwu. Ghənə tè paʼà kyi fɨa kɛ ə Zhə̀fè tè tsɨ̀ne pîza, ə̀ tè nyì sə aghaf tsɔ̀fə kə ghɛ zɛ ə Zhə̀fè tè tsɨ̀ne nə ze tə kyaynə̀ kyayn, ghənə tè nyiə ke èghɛ zɛ ə ze nə̀ kyaynə̀ ə pomə̂ zəynze. Ghənə ə tə wàmnè kè nâʼà è cho ghənə̂ghè ə pìə nə ghənə nyi fa chi kə ghɨ etumə è kə ghɨ ghɛ ə chûm ə ghənə endaʼ.

Ipilù 9:11

Pîza Klâys nyi mə è və pə̀yn. È nyi wùə èkɔʼsə nə èshyə̀ èngaŋtə kwəynə vɛ ə è pə̀yn è ghɛə chûŋ ghɛ ə ghâsènì kyi zôyn. È fɨaʼà fepfɨ̀ə fe kɔʼnə̂ fɨnə kwəynə̂ mɨ̂sə̀ tsɛ fɛ ə ghɨ èkɔʼsə nə eshyə̀ ə mbi ghɨnə fɨ̀aʼà ətəyn. Luʼ ətəyn nyi mə pâʼà fɛte wùə m̀sɔ̀ŋ, ə̀ vachi àpâs ə mbi kɨ̂nə̀ ə Zhə̀fè tè pom.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.