2 Kolìŋ 3:8 - Ŋwàʼlè ə̀ Fèzhə̀ Mkâyn Mə̂ Fèm

⁸ ə pomsê ətəyn tə nəyn ə zə pəynə̀ ghaʼa zàyn ezhoghɛ ə Zuʼse fɨaʼà zə!

2 Kolìŋ 3:8 ပူးပေါင်းရင်းမြစ်များ

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 7:39

Njisə̀s tè wàmnə kûmə̀ Sezuʼ se Ŋwaʼa sɛ ə tè nyi se fo sê ghɨ ghɛ ə ghe pomə sê Vəyn. Ə̀ tè nyi zâ, Zhə̀fè nyi ndɔʼɔ fe nyiəm fo Sèzuʼ se Ŋwaʼase sê Vəyn kûmə̀ nə è tè pa nyi ndɔ̀ʼɔ È ndwise kɔyn ə Njisə̀s vè ekwùtwəyn se fo epomsê sê Vəyn.

1 Kɔlìŋ 3:16

Ghàyn keva nə ghàyn nyì ke kə ndɛ ètsə̀mə mə ə̀ kyi Fezhə̀ ə, Zuʼse ə Fezhə̀sè e ndamə ə ghàyn ewìyn ə?

2 Kolìŋ 11:4

M pîə zɨnə̀ kûmə̀ nə mə fe nə tyə̀ynsè sə akaŋse nə̀ pə̂ zaʼlə̂ ghàyn kûmə̀ Njisə̀s ə̀ ndò, ə̀ va chi vɛ ə ghàs tè zaʼle ghàyn kûmə̀ vəyn, ə ghàyn za ke ndò. Wùə nə̀ pə̂, ə ghàyn fi ke ndò zuʼse sê vəyn, ə̀ va chi Sèzuʼ se Ŋwaʼa sɛ ə ghàs tè fo sê ghàyn, ə fɨyn pomə̂ ke ndò tom zɛ ə è ndâʼà, ə̀ vachi tom è chùŋ zɛ ə ghàs tè ndàʼa sê ghàyn.

2 Kolìŋ 3:17

Zôyn, Pɛ̂pɛ nyi Sezuʼ, mə nâʼàpî ghayn ə Zuʼsə Fezhə̀sè nyi, ghɨghe fɨyn va èkɔ̂s.

2 Kolìŋ 3:6

Ə̀ nyi Vəyn kə è nə̀yn nə ghàs ə kɔʼɔ kwəynə̂ sə ndaʼà kûmə̀ m̀kâyn me fɛ̂m, ə paʼà nyàʼ chi kàyn me fɛ nə mɨ̂nə̀ mə ə ŋwàʼlè kə ə nyâʼə̀ lâŋkè, pîza ə̀ nyi Sezuʼ. Lâŋ kɛ ə nyi mə ə nyaʼ ndô nyîə zhwiə, pîza Zuʼse fo èndam.

2 Kolìŋ 3:7

Lâŋkè tè nyi mə nyaʼ etûə ə̀chi, pomsê ə Fezhə̀zè ə pə̀ ashìŋə̀ kɛ ə tè fo lâŋ ətəynke. Pî kə payn zɛ ə ze tè nyi ə Mosîs ekyàʼ tè ndɨmə ndûə, payn ətəyn tè nyiə tɛ nâʼà sə ŋaŋ endom mə ghɨə Isìlâyghè tè nyiə fɨmə kyîŋə̀ se tùŋə naynê ə faŋsə nduə kə ndò vəyn. Ə lâŋkè mə ke pə̂ è kwuze kaʼa ə ke pəyn èkyì epomsêzè nyiə kə zɨ̂yn,

2 Kolìŋ 3:9

Ə lâŋ kɛ ə ke pə̂ èsaʼ zɛ ə ze saʼa pofsə ghɨə kyi kyì epomsêze nyi, ə ke tə nəyn ə kə pə̂ynè kyi zàyn pomsêzè əghɛ mə ghe pə̂ è sɔza zə?

Ngàleshyà 3:14

Klâys tè nə̂ nyî kə pɔsêzè zɛ ə Zhə̀fè tè tsɨ̀ne sê Aplàghâm pɔŋ ndu sê ghɨ ghɛ ə ghe tè va ə ghɨ ə Njûsghè tɔynə̂ ə Klâys Njisə̀s. È tè nəyn nyi kə tɔynə̂ ə ghâsènì ekyî epomə̂zè, ə ghâsènì kyî Zuʼ sɛ ə Zhə̀fè tè tsɨ̀ne.

Ngàleshyà 5:5

Zuʼsə Fezhə̀sè tɔynə̂ ekyî epomə̂zè nyîə nə̂ nə ghàs ə kyi ke èkwaʼtè se tə nə̀yn sə nyi chichi ə Zhə̀fè əshi.

Ɛfesùs 2:18

Ə̀ nyì ke kûmə̀ Klâys ə ghâsènì əkɨ̂m kyi Zuʼse mɔ̀ʼ mə ə kaʼa ə ndu ə Pɨ̀a əshi, kə əkɨ̂m.

2 Tèsàlonikà 2:13

Ghɔnyìə, ghàs kyi ndô sə fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn. Pɛ̂pɛ ə kɔ̀ŋ ghàyn, ghàyn e nyi anɔ̂yn ə ghɨ̀ kɛ ə fe tè chɔʼ ə zhə̀te se sɔzà tɔynə̂ efɨ̀aʼ zɛ ə Zuʼse Ŋwaʼase nə̂, è kɨsè tɔynə̂ ə ghàyn ekyî epomə̂zè eghɛ zɛ ə ze nyi səmɔʼ kə è nəyn ghàyn ə ghàyn ə nyi ə̀ ghɨə vəyn ghe ŋwaʼaghe.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.