2 Kolìŋ 3:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Lâŋkè tè nyi mə nyaʼ etûə ə̀chi, pomsê ə Fezhə̀zè ə pə̀ ashìŋə̀ kɛ ə tè fo lâŋ ətəynke. Pî kə payn zɛ ə ze tè nyi ə Mosîs ekyàʼ tè ndɨmə ndûə, payn ətəyn tè nyiə tɛ nâʼà sə ŋaŋ endom mə ghɨə Isìlâyghè tè nyiə fɨmə kyîŋə̀ se tùŋə naynê ə faŋsə nduə kə ndò vəyn. Ə lâŋkè mə ke pə̂ è kwuze kaʼa ə ke pəyn èkyì epomsêzè nyiə kə zɨ̂yn,

2 Kolìŋ 3:7 ပူးပေါင်းရင်းမြစ်များ

Ətefɨ̂aʼ 6:15

Nâʼà ə̀ghɨ ə̀kɨ̂m ghɛ ə ghe tè nyi elùʼ e saʼ nə vɛ ə naynə̂ ndùə Shìtifɨ̀yn ə fe èkyâʼ ə vəynze ze nyanə̂ kə kə ekyâʼ ə tsìzè.

Ŋwàʼlè ə̀ Pɔ̂l sê ghɨə Lûmghè 10:4

Klâys ə nə̀yn fɨ̂aʼ zɛ ə lâŋkè tè kyi se nə̀yn, nyiəmə, nâʼàpî ndè vɛ ə è pomə sê Vəyn nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 4:15

Ghɛ zɛ ə lâŋkè nə̀ pɨl nyi se pə̀yn ènyɔ̂ʼsè etɔŋ ə Fezhə̀zè sê ghɨghe. Pîza ə lâŋkè va, ə kəm alàŋzè ə va kepî.

Ŋwàʼlè ə̀ Pɔ̂l sê ghɨə Lûmghè 5:20

Zhə̀fè tè pəyn è lâŋkè kə pi ndu ke èshike. Pîza nâʼàpî ghayn ə pi ndûə kə shi, fùʼ ə Fezhə̀kè tsɨ̀ə tsɛ ndò zamə.

Ŋwàʼlè ə̀ Pɔ̂l sê ghɨə Lûmghè 7:10

Lâŋ kɛ ə Zhə̀fè tè fo nə ke pəyn èndamze ə tə pɨl zhwi mi.

Ŋwàʼlè ə̀ Pɔ̂l sê ghɨə Lûmghè 7:22

Ə̀ mì əfètə̂ ə̀təm, m kɔ̂ŋə̀ se chùmtè alâŋ ə Fezhə̀kè è təm ghɨmghe əkɨ̂m.

Ŋwàʼlè ə̀ Pɔ̂l sê ghɨə Lûmghè 7:5

Kûmə̀ nə shîŋə̀ kɛ ə ghâsènì tè nyi etyə̂ ètsɨsə̂ ə wûə m̀sɔ̀ŋze, lâŋkè tè nyîə ndwisə̀ ə̀ghɛ epi ghɛ ə wîyn mə ghasènîəm kyiŋə. Zɨnə tè nyiə nə̂ ghâsènì e nə̂ əghɛ epi ghɛ ə ghe pə̂yn ekwuze.

1 Kɔlìŋ 13:10

Pîza shîŋə̀ kɛ ə ghɛ zɛ ə ze tsɔ̂fə̀ kwəynə tə pə̂, ə zɛ ə ze nyi apɨaʼ apɨaʼ saŋ.

2 Kolìŋ 3:3

E lote nyi ə ndayn nə ə̀ tè nyaʼ Klâys è ŋwàʼlè zɨ̀yn ə tomə tɔynə̂ ə ghàs. Ə paʼà nyàʼ chi zɨ̂ynzè è chaŋə̀ ə ŋwàʼlèkè pîza è Zuʼsə Fezhə̀ Fɛ ə Fe ndamə, ə tàʼa nyaʼâ chì etûə ə̀ chi pîza ə ghɨghe ətəm.

2 Kolìŋ 3:6

Ə̀ nyi Vəyn kə è nə̀yn nə ghàs ə kɔʼɔ kwəynə̂ sə ndaʼà kûmə̀ m̀kâyn me fɛ̂m, ə paʼà nyàʼ chi kàyn me fɛ nə mɨ̂nə̀ mə ə ŋwàʼlè kə ə nyâʼə̀ lâŋkè, pîza ə̀ nyi Sezuʼ. Lâŋ kɛ ə nyi mə ə nyaʼ ndô nyîə zhwiə, pîza Zuʼse fo èndam.

2 Kolìŋ 3:8

ə pomsê ətəyn tə nəyn ə zə pəynə̀ ghaʼa zàyn ezhoghɛ ə Zuʼse fɨaʼà zə!

Ngàleshyà 3:10

Ghɨ ghɛ ə ghe kwaʼtə̀ nə ghənə tə nə̂ ə nyi chichi ə Zhə̀fè əshi mə ghənə ndə̂mə̀ Àlâŋ, tə kyîə ndi ə̀ Fèzhə̀ kûmə̀ nə ə nyàʼ ə Ŋwàʼlè ə Fèzhə̀ nə, “Ndi ə̀ Fèzhə̀ tə nə̂ ə è zə nyi ə nâʼàpî ndè vɛ ə è ndə̀mə̀ va nâʼà pi àlaŋ àkè kɛ ə nyi mə ə nyàʼ ə ŋwàʼlè àlaŋ.”

Ngàleshyà 3:21

E za tyə̀nə̀ nə Lâŋà kwiynsə̂ ndò tsɨ̂nè tɛ ə Zhə̀fè tè tsɨ̀ne mə? E va za nâʼà səkɔs. Ə tè nyi nə ghɨə fi lâŋkè mə ke kaʼa ə ke fo ndamze, mə ghɨə tè kàʼa ə ghə nyi chichi ə Zhə̀fè əshi tɔynə̂ fumə alàŋ.

Ipilù 12:18

Ghàyn paʼà pə̀yn kè kə ghɔ Isìlâyghè tè pəyn elùʼ vɛ ə ghənə tè zɨ ə ghənə ewìyn, ə pfɨ̀yn ə Senà zɛ ə è tè fuə è wùsve elùʼ vɛ ə ve tè kyi kàyntè alɨm, è kɨsè elùʼ afof atɛke,

Ipilù 3:3

Njisə̀s nyîə kwəynə kə ə kɔʼsə̂ vəyn tsɛ̂ kə ə tè kɔʼsə̂ Mosîs kûmə̀ nə è nyiə kɔʼnə̂ tsɛ̂ vəyn kèpî eghɨ kə pɛ̀ ndɛ kɔʼnə tsɛ̂ ndɛ zɛ ə è pɛ.

Ipilù 9:4

Ə̀ tè nyi əfètə̂ lûm nə zɨ̂yn, laŋ efo kyîke e nyi mə ə fɛtê è ngôl nyɔʼɔ̀ èndiŋ etûə ə̀təyn. Tayntayn mkàyn ə Fezhə̀kè tè nyì kepî ətəyn mə ə kɨl è ngôl. Njâ tè nyi əfètə̂ təyn mə fɛte è ngôl, manà e nyi fumə əfètə̂ njâ, è mbàŋ ə̀ Ɛlɔ̀t mə è zə fɨse tose, è chi ghɛ ə̀ pɛ̀ ə Zhə̀fè tè nyàʼte lwɔ̂ŋvè ətəyn ə fo sê Mosîs tè nyi kepî fumə əfètə̂ àtayntayn.