2 Kolìŋ 3:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ə̀ nyi Vəyn kə è nə̀yn nə ghàs ə kɔʼɔ kwəynə̂ sə ndaʼà kûmə̀ m̀kâyn me fɛ̂m, ə paʼà nyàʼ chi kàyn me fɛ nə mɨ̂nə̀ mə ə ŋwàʼlè kə ə nyâʼə̀ lâŋkè, pîza ə̀ nyi Sezuʼ. Lâŋ kɛ ə nyi mə ə nyaʼ ndô nyîə zhwiə, pîza Zuʼse fo èndam.

2 Kolìŋ 3:6 ပူးပေါင်းရင်းမြစ်များ

Matyò 13:52

È və pìə sê ghənə nə, “E tyə̀nə̀ nə nâʼà pî tyə̀ynsè àlâŋ èkè vɛ ə è pə̀yn sə chùmtè èpàm efɔ̀yn ekwùtwəynve nyi kə pɛ̀ ndɛ vɛ è njìə fɨsə fɨa efe è ve mɨve elùʼ vɛ ə è ndə̀mə̀ vəynve.”

Matyò 26:28

Ə̀ mɨ̂nə̀ nyi mndəm mɨ̂m mə nyi mkâyn me fɛ̂m. Ə tə sɨsə̀ m̀ndəm mɨ̂m mɨ̂nə̀ əghɨ etsɨəghe elùʼ kə Zhə̀fè lɛse fo sèpi sə ghənə̂sè.

Ŋwàʼlè ə̀ Mâk 14:24

Njisə̀s ə pìə sê ghənə nə, “Ə̀ mɨ̂nə̀ nyi mndəm mɨ̂m mə̂ m̀kàyn mɛ ə sɨ̂s sê tsɨ̀tsɨ̂ ə̀ghɨ̀.

Tom èchùŋ kè kə Lûk tè nyaʼ 22:20

È və fɨnə nə kəpiə zamə è wà mlɨ̂ kə ghənə zhi mɨ̂sè e piə nə, “wà zɨ̂yn nyi wà mkàyn me fɛ̂m kə Zhə̀fè kɨl endəm mə̂m mɛ ə m sɨs sê ghàyn.)

Njɔyn 5:21

Kè kə Pɨ̀a zòmsə̀ ghɨghe, È və fo ghənə è ndamze, eghɨ kèpî famə endom, Vayn fo kəpî èndam sê nâʼàpî ndè vɛ È kɔ̀ŋɔ̀ se fo endam.

Njɔyn 6:63

Ghɛ zɛ ə ze fo ndam nyi Sezuʼ sə Fezhə̀sè. Wiyn ə wûəvè va nâʼà eghɛ zhîze. Ghɛ ghɛ M tsâ sê ghàyn nyi Sezuʼ è ndame.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 3:20

Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.

Ŋwàʼlè ə̀ Pɔ̂l sê ghɨə Lûmghè 4:15

Ghɛ zɛ ə lâŋkè nə̀ pɨl nyi se pə̀yn ènyɔ̂ʼsè etɔŋ ə Fezhə̀zè sê ghɨghe. Pîza ə lâŋkè va, ə kəm alàŋzè ə va kepî.

Ŋwàʼlè ə̀ Pɔ̂l sê ghɨə Lûmghè 4:17

Ə nyàʼ ə Ŋwàʼlè ə Fèzhə̀ nə Zhə̀fè tè pì sê Aplàghâm nə, “Mə nə̀yn nə o nyi pɨ̀a sê ndaʼà tekɨ̂m.” Nyiəmə Aplàghâm pɨ̀a ghâsènì ə Zhə̀fè əshi. Zhə̀ fɛ ə Aplàghâm pomə nyi Fezhə̀ fɛ ə Fe fo ndamze sê ghɨ ghɛ ə nyi mə ə kwu, ə̀ nyi Fəynfe ə Fe pîə ghɛze mə ze va, ze ə kyànə̀.

Ŋwàʼlè ə̀ Pɔ̂l sê ghɨə Lûmghè 7:6

Pîza, zôyn ghâsènì ə fɨ etyə̀ àtyaʼ alàŋkè kə ghâsènì nyi mə kwu. Nyiəmə ghâsènì fɨyn va etyə̂ àlâŋ kə ekɔ̂s. Zɨnə ə nə̀yn zôyn ghâsènì e chûmtə̀ èndom efeve se fɨ̂aʼ se Zhə̀fè. Ghâsènì fɨaʼà se Vəyn endom vɛ ə Zuʼ sə Fezhə̀sè tsà sê ghâsènì, ə̀ vachi se chùmtè elwɔ̂ŋ vɛ ə nyi mə ə nyàʼ tsosê.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

1 Kɔlìŋ 11:25

Ə pə̀ kə ə zhi mɨsè, È və nə̂ kəpî zâ è wà, ə pìə nə, “Wà zɨ̀nə nyi wà m̀kàyn me fêm mə ə zhɔyn è ndə̂m mîəm̀. Nâʼàpî ashìŋə̀ àkè kɛ ə ghàyn mɨ zə̂ynzè, ə è zə nə̂ nə ghàyn ə kwaʼtə̀ Mi.”

1 Kɔlìŋ 12:28

Ə ndɛ ə̀ Fèzhə̀, Zhə̀fè nyi mə Fə ndə̀m ghɛ ghəkɨ̂m, shike nyi ə̀ghɨtomə, kòmtèke nyi sè fɨ̀aʼtè, ta e nyi sètyə̀ynsè. È və tə ndə̀m kepî ghɨ ghɛ ə ghe nə̂ ghɛ əkayntəghe, ə̀ chûmtə ghɛ ə ghe kyi foze sə̂ tsuʼə ə̀ghɨ, pî sə̂ tsâmtə̀ ə̀ghɨ, chisə̂ ə̀ghɨ e wâmnə̀ ə tewàmnè tə ndôtè ndɔ̀ʼɔ zaʼle.

1 Kɔlìŋ 15:45

Ə nyàʼ ə Ŋwàʼlè Fezhə̀ nə, “Wùə əshi Andàm, ə tè fɛte nə è və nyi wùə èndamə”; Andàm è kwùŋsə, mə ə̀ za nyi Klâys tè pə̂yn nyi sèzuʼ sɛ se nə̂ nə ghɨ ghə ndamə.

1 Kɔlìŋ 3:10

Mə tè njì fo zɛ ə Zhə̀fè tè fo sê mi ə ndə̀mə̀ àchi ə ndɛke kə̂ wùə vɛ ə è fɛte ke èpɛ, wùə mɔʼɔ̂ e sè pɛ etûə təyn. Nâʼàpî ndè e tɔ̂ʼnə̀ e ndom vɛ è pɛ ətəyn.

1 Kɔlìŋ 3:5

Nâʼà pîza, Àpolòs nyi nde, Pɔ̂l e nyi ndè? Pîə ghàs nyì ke ə̀ghɨ ə fɨaʼa ə Fèzhə̀ kə fe fo se tsàmtè ə ghàyn nə ghàyn pomə zə, nâʼàpî ndè e nə̂ kə èfɨaʼ zɛ ə Pɛ̂pɛ fo nə è və nə̂ ə?

2 Kolìŋ 11:23

Ghənə pìə nə ghənə nyi əghɨ fɨaʼa sê Klâys. M pɔŋɔ fɨ̂aʼà kəpî sê Klâys, nə̂ èfɨ̂aʼ ətəyn tsɛ̂ ghənə. M wàmnə̀ kə nâʼà kə m zhya ndò. Mə fɨ̂aʼ tsɛ̂ ghənə. Ə fà mi əchaʼ kə teshìŋə̀ teshìŋə̀ tsɛ̂ kə fâ ghənə. Ə nyi mi vɛ ə nyi mə ə pus sə teshìŋə̀ tetsɨəte tsɛ kə nyi mə ə pus ghàyn, ə fɨnə shwîe kyîŋə̀ èkwu shîŋə̀ tetsɨəte tsɛ̂ ghàyn.

2 Kolìŋ 3:14

Kwaʼtè tə ghənə̂tè tè nyi mə fìyn, pî se kɔʼɔ zaʼâ ndàyn, kwaʼtè tə ghənə̂tè nyi mə ə fìyntè nâʼà pi ashìŋə̀ àkè kɛ ə ghənə tɔŋɔ ŋwàʼlè àlâŋ. Ə kaʼa nji tsɨsè ke àfɨa əkɨytə nə kɨnə mə ezhoghɛ ə wùə tsɨ̀yntè paʼse yî Klâys.

2 Kolìŋ 3:3

E lote nyi ə ndayn nə ə̀ tè nyaʼ Klâys è ŋwàʼlè zɨ̀yn ə tomə tɔynə̂ ə ghàs. Ə paʼà nyàʼ chi zɨ̂ynzè è chaŋə̀ ə ŋwàʼlèkè pîza è Zuʼsə Fezhə̀ Fɛ ə Fe ndamə, ə tàʼa nyaʼâ chì etûə ə̀ chi pîza ə ghɨghe ətəm.

2 Kolìŋ 3:7

Lâŋkè tè nyi mə nyaʼ etûə ə̀chi, pomsê ə Fezhə̀zè ə pə̀ ashìŋə̀ kɛ ə tè fo lâŋ ətəynke. Pî kə payn zɛ ə ze tè nyi ə Mosîs ekyàʼ tè ndɨmə ndûə, payn ətəyn tè nyiə tɛ nâʼà sə ŋaŋ endom mə ghɨə Isìlâyghè tè nyiə fɨmə kyîŋə̀ se tùŋə naynê ə faŋsə nduə kə ndò vəyn. Ə lâŋkè mə ke pə̂ è kwuze kaʼa ə ke pəyn èkyì epomsêzè nyiə kə zɨ̂yn,

2 Kolìŋ 3:9

Ə lâŋ kɛ ə ke pə̂ èsaʼ zɛ ə ze saʼa pofsə ghɨə kyi kyì epomsêze nyi, ə ke tə nəyn ə kə pə̂ynè kyi zàyn pomsêzè əghɛ mə ghe pə̂ è sɔza zə?

Ngàleshyà 3:21

E za tyə̀nə̀ nə Lâŋà kwiynsə̂ ndò tsɨ̂nè tɛ ə Zhə̀fè tè tsɨ̀ne mə? E va za nâʼà səkɔs. Ə tè nyi nə ghɨə fi lâŋkè mə ke kaʼa ə ke fo ndamze, mə ghɨə tè kàʼa ə ghə nyi chichi ə Zhə̀fè əshi tɔynə̂ fumə alàŋ.

Ɛfesùs 2:1

Ghàyn nyi nyî mə ghàyn tè nyi mə ghàyn ə kwute ə ghàyn ə sezuʼ kûmə̀ tètsas è ghɛ piə ghɛ ə ghàyn tè nə̂.

Ɛfesùs 2:5

Ə̀ za nyi eghɛ zɛ ə Fe tè zòmse Klâys nâʼàpî ashìŋə̀ àkè ə pɔŋɔ zômsə̀ ghâsènì. Ə̀ tè nyi zâ, mə ghâsènì ə kwutê ə sezuʼ kûmə̀ tètsas təghasènìte. Zhə̀fè ə sɔ̀zâ ghàyn kûmə̀ àfùʼ kɛ ə fe kyi.

Ɛfesùs 3:7

M tè zhə̀te efɨ̂aʼ ə tom èchùŋ nə zɨ̂nə̀ mə ə̀ fo Fezhə̀ tyaʼa vəynke nə mə nə̂. Ə tè fo vəyn tyaʼa nə ke fɨ̂aʼ ə mì ətəm ə ke tsamte kə mə nə̂ èfɨ̂aʼ ətəyn. Zhə̀fè tè nəyn nyi kûmə̀ ə̀təm əchûŋ ə vəynghe.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

2 Timotì 1:11

Zhə̀fè ə chɔʼ mi nə mə nyi wùətom, è wùə èzaʼlə, nə m ndaʼa tom èchùŋ.

Ipilù 12:24

Ghàyn ə pə̀yn sê Njisə̀s vɛ ə è tè pɨaʼte kàyn mə èfɛ̂m. Ghàyn ə pə̀yn ə mndəm mə Njisə̀s mɛ ə tè wə mə ə m̀ tsɨ̀nə̀ fɨa echûŋve tsɨ̂ə tsɛ̂ àfɨa kɛ ə ndə̂m mə Apɛ̀lmè tè tsɨ̀ne.

Ipilù 13:20

M tsə̂mə̀ nə Zhə̀ fɛ ə fe fo pɔ̂ynè sê ghɨghe, ə Fezhə̀ fɛ ə fe tè kɛse nji pəyn è Pɛ̂pɛ ə̀ ghâsènì Njisə̀s Klâys mə è nyi ngyəyn èghaʼâ ə̀ sèndzè sê kwuze tɔynə̂ mndəm mə m̀kàyn mɛ ə ndamə faŋə,

Ipilù 7:22

Kûmə̀ èkâyn nə zɨnə ə Zhə̀fè nə̀yn nyî, Njisə̀s nyi wùə vɛ ə è nə̀ nə kàyn mə etsɔ̀fə nə mɨ̂nə̀ mə kyayn.

Ipilù 8:13

Sə̂ tɔŋtə̂ m̀kâyn mɨ̂nə̀ nə, “me èfemè”, endom nə vɨnə mə, è nə̀ nə ə mə shîmè mɨse; mə nâʼàpî àkè kɛ ə ke mɨsə, pofə, ə ke tə môtè ke nyi ə ke saŋ.

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

1 Njɔyn 1:1

Ghàs tsà sê ghàyn kûmə̀ tom zɛ ə è fo ndamze. Tom nə zɨ̂yn tè nyì ndò tsɔ̀fə kə mbi zhə̀te. Ghàs ə tè zɨ kə è tè wàmnə̀ sə ghàs ə ngɨŋ, ə fe kə nâʼà vəyn è shi ghasə ə fɨnə kûmə̀ kə nâʼà vəyn è gho ghasə sè wâmnə̀ zôyn kûmə̀ vəyn.