2 Kolìŋ 3:3 - Ŋwàʼlè ə̀ Fèzhə̀ Mkâyn Mə̂ Fèm

³ E lote nyi ə ndayn nə ə̀ tè nyaʼ Klâys è ŋwàʼlè zɨ̀yn ə tomə tɔynə̂ ə ghàs. Ə paʼà nyàʼ chi zɨ̂ynzè è chaŋə̀ ə ŋwàʼlèkè pîza è Zuʼsə Fezhə̀ Fɛ ə Fe ndamə, ə tàʼa nyaʼâ chì etûə ə̀ chi pîza ə ghɨghe ətəm.

2 Kolìŋ 3:3 ပူးပေါင်းရင်းမြစ်များ

Matyò 16:16

Shimùyn Pità ə pìə nə, “Ò nyi vɛ ə chɔʼ ndə̂m, ə Va Fèzhə̀ fɛ ə fe ndamə.”

1 Kɔlìŋ 3:5

Nâʼà pîza, Àpolòs nyi nde, Pɔ̂l e nyi ndè? Pîə ghàs nyì ke ə̀ghɨ ə fɨaʼa ə Fèzhə̀ kə fe fo se tsàmtè ə ghàyn nə ghàyn pomə zə, nâʼàpî ndè e nə̂ kə èfɨaʼ zɛ ə Pɛ̂pɛ fo nə è və nə̂ ə?

2 Kolìŋ 3:6

Ə̀ nyi Vəyn kə è nə̀yn nə ghàs ə kɔʼɔ kwəynə̂ sə ndaʼà kûmə̀ m̀kâyn me fɛ̂m, ə paʼà nyàʼ chi kàyn me fɛ nə mɨ̂nə̀ mə ə ŋwàʼlè kə ə nyâʼə̀ lâŋkè, pîza ə̀ nyi Sezuʼ. Lâŋ kɛ ə nyi mə ə nyaʼ ndô nyîə zhwiə, pîza Zuʼse fo èndam.

2 Kolìŋ 3:7

Lâŋkè tè nyi mə nyaʼ etûə ə̀chi, pomsê ə Fezhə̀zè ə pə̀ ashìŋə̀ kɛ ə tè fo lâŋ ətəynke. Pî kə payn zɛ ə ze tè nyi ə Mosîs ekyàʼ tè ndɨmə ndûə, payn ətəyn tè nyiə tɛ nâʼà sə ŋaŋ endom mə ghɨə Isìlâyghè tè nyiə fɨmə kyîŋə̀ se tùŋə naynê ə faŋsə nduə kə ndò vəyn. Ə lâŋkè mə ke pə̂ è kwuze kaʼa ə ke pəyn èkyì epomsêzè nyiə kə zɨ̂yn,

2 Kolìŋ 6:16

Ghɨə pomə nyi kə ndɛ ètsə̀mə ə̀ Fèzhə̀ mə ghənə vayn kàʼa kyi èghɛ se tsɨ̀yntə nə̀yn yîghə̀ fɨ̂aʼsèvè. Ghàyn e ke nə ghâsènì nyi ndɛ̂ ètsə̀mə ə Fèzhə̀ fɛ ə Fe ndamə, kè eghɨ kə È tè pi nə: “M nə̀ nə̂ eluʼ vɨmve ndaməve ə ghənə əfètəyn, ə m mə ndamə ə ghənə ə fètəyn; ə m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.”

1 Tèsàlonikà 1:9

Ghàs ə zɨ wâmnè zɛ ə ghənə wâmnə̀ kûmə̀ èndom echûŋ vɛ ə ghàyn tè fi ndzɨsê ghàs ətəyn kə ghàs mòtè pə̂yn ghàyn, è kɨsè kə ghàyn tè kwiyne sə chûmtə̀ èfɨaʼsè, sè chûmtə̀ Fezhə̀, ə Fezhə̀ fɛ ə Fe fo ndamze, fɨyn nyi səmɔʼ.

Ipilù 10:16

Pɛ̂pɛə ghâsènì pi nə, “Ə̀ mɨ̂nə̀ nyi mkâyn mɛ ə m tə zhiə ghasè ghənə mtuʼ me kɔʼɔ pə̂m: M tə ndəmə̀ àlâŋ kɨmke ə ghənə ətəm ə m nəyn ə ghənə ə kwaʼtə̀ vəynve shîŋə̀ tekɨ̂m.”

Ipilù 8:10

Ə̀ mɨ̂nə̀ nyi mkâyn mɛ ə m tə zhiə ghasè ghɨə Isìlâyghè ə mtuʼ mɛ ə m̀ nyì se tə pə̀yn, ə̀ pìə Pɛ̂pɛ M nə̀ ndə̂mə̀ elwɔ̂ŋ vɨmve ə ghənə ə tekwàʼtè ə m nyaʼ vəynve ə ghənə ətəm. M tə nə̂ m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.

Ipilù 9:14

Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.

Etyə̂yn ə paynsêzè 2:1

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Ɛfesùs nə, ‘Tom zɨnə ndò sê mi vɛ ə m kyi lì mɛ esɛ̀mbɛ ə mìə agho ekɔyn e twɔke kwiə ka əfètə̂ èfɨa vɛ ə fɛte è ngôl sə tomtə̂ sèlâm ətəyn za.

Etyə̂yn ə paynsêzè 2:12

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Pengamùm nə: ‹Tom zɨnə ndò sê mi vɛ ə m kyi fɛ̂ eghɔ̀ŋ etɔfə zɛ ə ze tɔfə pɨ̂asvè èpɨ̀a.

Etyə̂yn ə paynsêzè 2:18

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Tyàtilà nə: Ə̀ ghɨnə̀ nyi əghɛ mə ə̀ pi Va Fèzhə̀ vɛ ə shiə vəynghe nyi kə andəm ewûske za, gholə vəynghe e nyanə̂ kə nyî kə akas ə chûŋkè kə ə pûŋsè echi.

Etyə̂yn ə paynsêzè 2:8

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sɨ̀minà nə: ‹Tom zɨnə ndò sê mi vɛ ə m nyi Zhə̀te fɨyn nyi kepî Kwùŋse, ə mi vɛ ə m tè kwu ə kɛsə̂ pə̂ endam.

Etyə̂yn ə paynsêzè 3:1

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sandìs nə: ‘Wùə vɛ ə è kyi tyaʼke etûə mlɨ̂ mə Fèzhə̀mè èsɛ̀mbɛ è kɨsè vɛ ə è kyi lìmè èsɛ̀mbɛ pi nə, M nyiə ke èghɛ zɛ ə ò nyi mə o nə̀yn. Ò kyàʼà kə ò nyîə ndamə pîza mə o kwu.

Etyə̂yn ə paynsêzè 3:14

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Làndisyà nə: ‘Ə̀ zɨ̀nə nyi tom mə è ndò sê vɛ ə tɔŋtə nə, Àmə̀yn. È fɨ̀aʼà è təm ə vəynghe əkɨ̂m, fɨnə pìə səmɔʼ kûmə̀ Fèzhə̀. Zhə̀fè tè fɛte nâʼàpî ghè ə mbi tɔynə̂ ə vəyn.

Etyə̂yn ə paynsêzè 3:22

Ə̀ kyi pîndè tûŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè.”

Etyə̂yn ə paynsêzè 3:7

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Fìlàndefìyà nə: Ə̀ zɨ̀nə nyi tom mə è ndòm pə̂yn se wùə vɛ ə è nyi èŋwaʼzè è səmɔʼ, kyi àchɔʼ ə Ndàfîtkè, shîŋə̀ kɛ ə è chɔʼ cho ndɛve, wùə e va se fɨnə fâ, fâ, wùə e va se fɨnə chɔʼ.