2 Kolìŋ 3:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàyn è ngɨŋ saynse nyi ŋwàʼlè zâszè mə ə nyàʼ ə ghàs ətəm nə nâʼàpî ndè ke ə è tɔŋɔ.

2 Kolìŋ 3:2 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 1:8

Elùʼ əshive, m fo àzɔ̀ŋnè se Zhə̀ fɨmfe kûmə̀ ghàyn əkɨ̂m ə Njisə̀s Klâys ezə. M fo àzɔ̀ŋnè se Vəyn kûmə̀ nə pomə̂ zayn se Njisə̀ Klâys chyà ndûə kə ndò mbi èkɨ̂m.

1 Kɔlìŋ 3:10

Mə tè njì fo zɛ ə Zhə̀fè tè fo sê mi ə ndə̀mə̀ àchi ə ndɛke kə̂ wùə vɛ ə è fɛte ke èpɛ, wùə mɔʼɔ̂ e sè pɛ etûə təyn. Nâʼàpî ndè e tɔ̂ʼnə̀ e ndom vɛ è pɛ ətəyn.

2 Kolìŋ 11:11

Ghàyn kwàʼtə̀ nə m wàmnə̀ nyî kûmə̀ nə m kɔ̂ŋɔ̀ va ghàyn mə? M kɔ̂ŋɔ̀ ndò ghàyn, Zhə̀fè e ke.

2 Kolìŋ 12:15

M nə̀ nə̂ m mə saŋnə̂ se pofsê nâʼàpî akè kɛ m kyi se paʼsê è ngɨŋ zɨ̂mzè kè endom se tsàmtè ə ghàyn. Kûmə̀ ghè m kɔ̂ŋɔ̀ tsɛ̂sə̀ ghàyn nyi, ghàyn e kɔ̂ŋɔ̀ kə mi se chə ə?

2 Kolìŋ 3:1

E za tyə̀nə̀ nə ghàs pfɨ̀nə̀ kwəynsə̂ àngàŋtè kûmə̀ sèngɨŋ sasse mə? Mə ghàs kyi ndô se nə̀yn kə ghɨ ə mɔ̀ʼɔ ghɛ ə pɨaʼa ŋwàʼlèsè se pə fo se ghàyn se tsàyn afɨa kɛ ə ghənə nyi kəynke ə? Pî ghɛ ə fiə ŋwàʼlèsè sê ghàyn se nduə fo se tsàyn afɨa kɛ ə ghənə nyi kəynke ə?

2 Kolìŋ 7:3

M pìə va ghɛ nə ghɨ̂yn se pì nə ghàyn ə nə̀yn pofsê ghɛze. M se nyi mə mə pì nə ghàs nyîə kɔ̂ŋɔ̀ ghàyn nâʼà sə ŋaŋ, nyi sə̂ pa kɔ̂ŋɔ̀ kə ndò ghàyn, kə kyàyn pî ghè.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

1 Tèsàlonikà 1:8

Ghàyn tè paʼà ndàʼà ke tom ə̀ Pɛ̂pɛ ə Màsèndonyà è Àkayà, pîza tom kûmə̀ èndom vɛ ə ghàyn samse Zhə̀fè ə tə waŋ ke luʼ tekɨ̂m, nyiəmə, ghɛ zhîze tè fɨyn va ə ghàs tè kàʼa pi.