2 Kolìŋ 3:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Kwaʼtè tə ghənə̂tè tè nyi mə fìyn, pî se kɔʼɔ zaʼâ ndàyn, kwaʼtè tə ghənə̂tè nyi mə ə fìyntè nâʼà pi ashìŋə̀ àkè kɛ ə ghənə tɔŋɔ ŋwàʼlè àlâŋ. Ə kaʼa nji tsɨsè ke àfɨa əkɨytə nə kɨnə mə ezhoghɛ ə wùə tsɨ̀yntè paʼse yî Klâys.

2 Kolìŋ 3:14 ပူးပေါင်းရင်းမြစ်များ

Matyò 13:11

Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Matyò 16:17

Njisə̀s ə pə̀ynsə̀ se vəyn nə, “Pɔsê nyì sê ghò ə Shimùyn va Njonà. Ə vachi wùə m̀sɔ̀ŋ kə è tsàyn zɨnə mə sê ghò, pîza ə nyi Pɨ̀a vɨm vɛ ə è nyi ekwùtwəyn kə è nə̀yn nə ò pi zamə.

Matyò 6:23

Pîza, mə shi ghɛghe va achûŋ, ə wiyn ve və nyi əfètə̂ àlɨm. Ə fɨa kɛ ə ke nyi se chwìtè epayn se ghò pɨl nyi àfɨa kɛ ə ke ndə̂mə̀ ghò alɨm, ə nyi nə lɨm kɛ ə ò nə̀ nə̂ ə ò nyi əfètə̂ ətəyn nə̀ nə kə fɨ̂mə̀ àfɨa!”

Njɔyn 12:40

“Zhə̀fè ə nə̀yn, ghənə ghe fôf ə fɨnə tɛsə̂ ə̀təm ə ghənə̂ghè kə shiə ghənə̂ ghə fe va, kwâʼtè tə ghənə̂tè e zɨə kê va, ə ghənə fɨyn va se pə̀yn se Mi, kə M tsuʼ ghənə.”

Njɔyn 12:46

M pəyn ə mbi kə epayn kə nâʼàpî ndè vɛ ə è pomə sê Mi tàʼa faŋ alɨm.

Njɔyn 8:12

Njisə̀s ə fɨnə wâmnə̀ sê ghɨə Falàsîə pîə nə, “M nyi epayn ə mbize. Ə chùmtè pîndè Mi, ə è tə tàʼa kwì alɨm pîza ə è tə kyî èpayn zɛ ə ze fo ndame.”

Ətefɨ̂aʼ 13:15

Ghənə ə zɨ kə tɔŋɔ ghɛ andiŋ ə ŋwàʼlè Èsaʼ ə Mosîskè, è ŋwàʼlè sə sèfɨ̀aʼtè. Kə ghənə tɔŋɔ mɨsè, ghɨ ghɛ ə ghe chisə ghɛ ə ndɛ̂ atsɨ̀ynte ə tomə tom sê Pɔ̂l è Pànapàs pîə nə, “Ghɔnyîə, ə ghàyn kyi ghɛze se pì kə ze fo təm ətɛ sê ghɨ ghɨ̀yn, ghàyn ə piə.”

Ətefɨ̂aʼ 15:21

Ə nyi mə ə tɔŋɔ̂ lâŋ Mosîskè ə sendɛ sə atsɨ̀yntese nâʼà sə aghaf etyâkè tuʼte ndaʼ tekɨ̂m. Ghənə e ndâʼà ə̀ghɛ ə vəynghe tɔ̂ŋ sekɨ̂m.”

Ətefɨ̂aʼ 16:14

Ə̀ tè nyi əfètəyn ə̀ zəyn nə ghɛ, vîvè e nyi ətəyn, zə vəynze e nyi Lindyà mə è fɨ endaʼ ə Tyàtilàzè. È tè pəʼlə tekɔyn tə sendzɨste, se pâŋə̀, tɛ èkɛve. È tè ndamə ngɨmnə̂ kə Fèzhə̀. Pɛ̂pɛ ə chwìə èkwâʼtè ə vəyn nə è ndəm tuke eghɛ zɛ ə Pɔ̂l tè wàmnə̀ ə è pomə zəynze.

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

2 Kolìŋ 3:15

Pi se zaʼâ ndàyn, nâʼàpî ashìŋə̀ àkè kɛ ə ghənə tɔŋɔ lâŋ ə Mosîskè, pâŋ ə sendzɨs ətəynke e pa kɨytə̂ kəndò kwaʼtè tə ghənə̂tè.

2 Kolìŋ 3:6

Ə̀ nyi Vəyn kə è nə̀yn nə ghàs ə kɔʼɔ kwəynə̂ sə ndaʼà kûmə̀ m̀kâyn me fɛ̂m, ə paʼà nyàʼ chi kàyn me fɛ nə mɨ̂nə̀ mə ə ŋwàʼlè kə ə nyâʼə̀ lâŋkè, pîza ə̀ nyi Sezuʼ. Lâŋ kɛ ə nyi mə ə nyaʼ ndô nyîə zhwiə, pîza Zuʼse fo èndam.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ɛfesùs 4:18

Ghənə zɨə kê va ghɛ, ke va ghɛ kûmə̀ èndam ə Fèzhə̀ kûmə̀ àngo ə ghənə̂kè mə ə̀ pə̀yn atu ə tɛ kɛ ə ghənə kyi.