2 Kolìŋ 3:1 - Ŋwàʼlè ə̀ Fèzhə̀ Mkâyn Mə̂ Fèm

¹ E za tyə̀nə̀ nə ghàs pfɨ̀nə̀ kwəynsə̂ àngàŋtè kûmə̀ sèngɨŋ sasse mə? Mə ghàs kyi ndô se nə̀yn kə ghɨ ə mɔ̀ʼɔ ghɛ ə pɨaʼa ŋwàʼlèsè se pə fo se ghàyn se tsàyn afɨa kɛ ə ghənə nyi kəynke ə? Pî ghɛ ə fiə ŋwàʼlèsè sê ghàyn se nduə fo se tsàyn afɨa kɛ ə ghənə nyi kəynke ə?

2 Kolìŋ 3:1 ပူးပေါင်းရင်းမြစ်များ

Ətefɨ̂aʼ 18:27

Àpolòs ə ke chɔʼnê se ndù ə Àkayà, ghɨə poməghe ə Ɛfesùs ə tsàmtə̀ vəyn ə nyàʼà ŋwàʼlè sê ghɨə poməghe ə Àkayà nə ghənə fi vəyn nâʼà àchûŋ. È və tyàŋà ndùə fu ə fo kə nâʼà ètsâmtè e ghaʼâzè sê ghɨ ghɛ ə ghe tè se nyi mə ghe ə pomə kûmə̀ àfùʼ ə Fezhə̀kè.

Ŋwàʼlè ə̀ Pɔ̂l sê ghɨə Lûmghè 16:1

M kɔ̂ŋə̀ nə ghàyn ke nə ànyì ə ghâsènì ve zəyn, Fipè vɛ ə è tsàmtə̀ se fɨ̂aʼ ə ndɛ ə̀ Fèzhə̀ endaʼ ə Senklyà, è nyîə fɨaʼà àchûŋ.

1 Kɔlìŋ 10:33

Ghàyn e nə̂ kə kə m nə̂, m mɔmsə̀ se nə̀yn nə nâʼàpî ndè ə saŋnə̂ əghɛ ə̀kɨ̂m ghɛ m nə̂, kwaʼtə̀ va sê chùŋ zɨ̂mè, pîza kwaʼtə̀ se chùŋ ə̀ nâʼàpî ndè, kə Zhə̀fè kàʼa ə fe sɔza ghənə.

1 Kɔlìŋ 16:3

Ə̀ tə nə̂ nyi ezhoghɛ m pə̂yn, m tə fo ŋwàʼlè sê ghɨ ghɛ ə ghàyn chɔʼte, ə m tom nə ghənə nji ndu è fɨa vɛ ə ghàyn tsɨte ə Njèlusalɛ̀m.

1 Kɔlìŋ 3:10

Mə tè njì fo zɛ ə Zhə̀fè tè fo sê mi ə ndə̀mə̀ àchi ə ndɛke kə̂ wùə vɛ ə è fɛte ke èpɛ, wùə mɔʼɔ̂ e sè pɛ etûə təyn. Nâʼàpî ndè e tɔ̂ʼnə̀ e ndom vɛ è pɛ ətəyn.

1 Kɔlìŋ 4:15

Ə nyì pî nə ghàyn kyi əghɨ ghe tsɨ̂ə nâʼà pi zàyn se chwìtè əghɛ kûmə̀ Klâys se ghàyn, ghàyn e ke tso nə ghàyn kyi ke pɨ̀a emɔ̀ʼ. Ə ghàyn endam kə əghɨ ə poməghe se Klâys Njisə̀s, m nyi pɨ̀a sê ghàyn tɔynə̂ ə tom èchùŋ zɛ ə m tè zaʼle ghàyn ətəyn.

2 Kolìŋ 10:12

Ghàs pìə va nə ghàs nyi anɔ̀yn ə ghɨ ghɛ ə ghe wàmnə̀ ghɛ ə chûŋghè kûmə̀ sèngɨŋ sə ghənə̂sè. Ghàs pìə nə, ghənə ə ndə̀m fɨ̀aʼnèkè sə̂ fɨaʼnə̀ sengɨŋ sə ghənə̂sè ətəyn. Ghənə nə̂ ə̀ghɛ ghe kyi va tɔfze.

2 Kolìŋ 10:18

Ə Pɛ̂pɛ kwàʼtè achûŋ kûmə̀ ghâsènì, ə nji ghâsènì kə ghɨ ə chûŋghè, pîza ə vachi ghâsènì sə̂ kwaʼtə̀ chùŋ kûmə̀ sèngɨŋ sə ghasènìse kə njîə ghâsènì sə ə̀ghɨ̀ ə chûŋghè.

2 Kolìŋ 10:8

Pɛ̂pɛ ə fo tyaʼa sê ghàs ə ghàyn ətu, mə ghàs sè pfɨ̂nə̀ tsɛsə̀ ngàŋtèkè kûmə̀ àtyaʼ ətəynke, ə ghàs ə ghomə̂ va kûmə̀ nə È fo nə m fɛte ghàyn è kəynke, è pâʼà fo nə ghàs pofse ghàyn è kəynke.

2 Kolìŋ 12:11

M nə̂ kə ango pîza mə ə̀ nəyn ghàyn nə mə nə̂ zamə. Ə̀ tè nyi ghàyn se pomsə mi kûmə̀ nə m tətə̂ kwûŋsə̀ va endom vɛ ghɨ ghɨ̀yn ə lesə ngɨŋsə ghənə̂sè nə ə nyi əghɨtom ə ghaʼlə̂ pì, pî kə m va nâʼà àfɨa.

2 Kolìŋ 12:19

Ghàyn kwàʼtə̀ nə ghàs nyàʼà ə̀ghɛ ghɨ̀yn se tyə̀yn nə ghàs pâʼà nə̀yn pi mə? Ngâŋngaŋ! Ghàs wàmnə̀ kə ghɨ Klâysə̀ ə Zhə̀fè əshi. Ghɔnyì ghɨmghe kɔ̀ŋghè, nâʼàpî eghɛ èkè zɛ ə ghàs nə̀, ghàs nə̀ se fo ghàyn è tyaʼke.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

2 Kolìŋ 5:12

Ghàs fɨnə mɔ̂msə̀ va se tsàyn se ghàyn fɨa kɛ ə ghàs nyi kəynke. Pîza ghàs pɨlə kyiŋə nə ghàyn ə kyi eghɛ sə pfɨ̂nə̀ fètwɔ̀ʼ kûmə̀ ghàs, kə ghàyn ə ke sə̂ pə̀ynsə̀ ə̀ghɨ ghɛ ə ghe pfɨnə̀ fètwɔ̀ʼ kûmə̀ əghɛ ghɛ ə fe əghɨ ghe endam, zâmaʼà zɛ ə ze nyi ə ghɨ ətəynghe ətəm.