2 Kolìŋ 2:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Zôyn, ghàyn pɨl lɛ̂sè fo vəyn, ə fo vəyn è təm ə zɨtəghe, endom se nə̀yn nə kə è və kosə̂ kyaʼà tsɛsə̀, mə è kàʼa è laynse pfɨ mɨsè.

2 Kolìŋ 2:7 ပူးပေါင်းရင်းမြစ်များ

1 Kɔlìŋ 15:54

E za nyi nə shîŋə̀ kɛ ə zɨnə mə tə kyânə̀, ghɨ ghɛ ə fîə ə kwiynə̂ nduə se ghɛ ə ghe fîə va, ə ghɛ zɛ ə nyi mə ə nyàʼ ə ŋwàʼlè ə̀ Fèzhə̀ ke pə̀yn səmɔʼ nə, “Ə pofsê kwue, tɨmə ezhize ə pə̀yn mɨsè.”

2 Kolìŋ 2:8

Ə̀ za nyi eghɛ zɛ ə m chyatə̂ ghàyn nə ghàyn kɛse nəyn ə è və ke nə ghàyn pa kɔ̂ŋɔ̀ kə ndò vəyn.

2 Kolìŋ 5:4

Shîŋə̀ kɛ ə ghâsènì nyì fâ ewìyn, ghâsènì e tsɔ̂nə̀ kə ghɨ ə zɨə tsɛ̂sə̀ tsôsvè. Ə̀ vachi nə ghâsènì pìə nə Zhə̀fè tsɨse wiyn vɨ̂nə ə ghâsènì ndamə ətəyn, ghâsènì pɨlə kyiŋə kə nə Fe kɨyte ghâsènì è wiyn ə ghâsènìve kwùtwəynve, kə fɨa kɛ ə ke kaʼa ə ke kwu, ə ke kwiyne sə afɨa kɛ ə ke ndamə faŋə.

2 Kolìŋ 7:10

Ə wùə fe ngəʼ endom vɛ ə Zhə̀fè kyiŋə ətəyn, ə è kwiyne ndam ə vəynze pize, ə è kyi sɔzaze. Ə ze nyi nyî, ə ghɛze ə va kə è və komə̂ èwiynve ətəyn. Pîza ə wùə fe tsôsvè mə ə̀ nəyn mbi, ə ve nəyn nə è pɨl kwu ndô.

Ɛfesùs 4:32

Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

Filìpây 2:27

È və tə zaf nâʼà sə ŋaŋ ə ndɛtə̂ kə nyiə se kwu; pîza, Zhə̀fè ə kosə èsəyn se vəyn ə kosə kəpi sê mi, ə̀ va za mə mə tə kyî kwəynsê kyə̀ynkè etùə kyîke.

Kòlosè 3:13

Ghàyn e kyi ə̀təm ə kolə sê ngɨŋ saynse, lɛ̂sə̀ fo nâʼàpî ndè vɛ ə è nyi mə è və nə̀yn pofsê se ghò. Ghàyn e lɛ̂sə̀ fo sèngɨŋ saynse kè eghɨ kə Pɛ̂pɛ nyi mə è və lɛ̂sè fo ghàyn.

1 Tèsàlonikà 4:13

Ghɔnyiə, ghàs kyiŋə nə ghàyn ə ke èghɛ zɛ ə ze nyi səmɔʼ kûmə̀ ə̀ghɨ ə kwuə. Ghàs kyiŋə nə ghàyn ə ke èghɛ nə zɨ̂yn kə ghàyn ə chîə va kə ghɨə mɔʼɔ ghɛ ə ghe kwaʼtə̀ lɨmtə va se tə zòmə̀.

2 Tèsàlonikà 3:6

Ghàs pìə èghɛ ə ghɔnyì mə ghàyn kyi se nə zəynze nə, ezə ə Pɛ̂pɛ ə ghâsènì Njisə̀s Klâys nə, ghàyn fɨl tsə̀m saynse sê ghɨə pomə ghɛ ghe ndamə ndam ezɔləze, ndə̂mə̀ va chwîtè zɛ ə ghàs chwìtə̀ ghənə.