2 Kolìŋ 2:4 - Ŋwàʼlè ə̀ Fèzhə̀ Mkâyn Mə̂ Fèm

⁴ M tè nyàʼa ŋwàʼlè sê ghàyn mə tsôsvè nyîə lotê nyi ə mìə təm, è kɨsè shi me tsɨ̀əm̀ ə mì əshi. M tè nyàʼa chîəva se nə̀yn nə ghànə saŋnə̂ va, pîza se pɨlə nə̀yn nə ghàyn fe kê èndom vɛ m kɔ̂ŋɔ̀ ghàyn ətəyn ə̀kɨ̂m.

2 Kolìŋ 2:4 ပူးပေါင်းရင်းမြစ်များ

2 Kolìŋ 11:2

M nyîə tɔ̂ʼnə̀ è ghàyn kèpi endom vɛ ə Zhə̀fè tɔ̀ʼnə̀. Mə tsɨ̀ynè se fo ghàyn sê ndom èmɔ̀ʼ, ə̀ nyi Klâys. M kyiŋə se fo ghàyn sê vəyn kə ngɔ̀yn ə è tàʼa tyəmə nyìŋə̀ è wùndômə̀.

2 Kolìŋ 12:15

M nə̀ nə̂ m mə saŋnə̂ se pofsê nâʼàpî akè kɛ m kyi se paʼsê è ngɨŋ zɨ̂mzè kè endom se tsàmtè ə ghàyn. Kûmə̀ ghè m kɔ̂ŋɔ̀ tsɛ̂sə̀ ghàyn nyi, ghàyn e kɔ̂ŋɔ̀ kə mi se chə ə?

2 Kolìŋ 2:9

M tè nyaʼ ŋwàʼlè se ghàyn se kotê endom vɛ ə ghàyn nyi mə ghàyn ə nò nâʼà sə ŋaŋ əfètəyn èmɔ̀m, è kɨsè se kê nə ghàyn pa nyi ke ndò èpɨaʼtêzè sə̂ zɨə ə̀ghɛ ghɛ m pîə mə.

2 Kolìŋ 7:12

Mə tə nyàʼ ke nâʼà ŋwàʼlè sê ghàyn, pîza ə̀ va chi kûmə̀ wùə nə vɛ ə è nə̀yn pofse ghɛ nə zɛ, kɨ̀sə kûmə̀ wùə vɛ ə nə̂yn pofse ghɛ ətəyn sê vəyn. M tè nyàʼ se paynsê se ghàyn ə Zhə̀fè əshi kə kɔ̂ŋ zayn ndɨŋ nyi se ghàs.

Filìpây 3:18

Mə tsàyn ghɛ zɨ̀nə se ghàyn sə teshîŋə̀ te tsɨəte, zôyn m pa zomtə̂ kə ndò è shîmè ə mì əshi nə, ghɨ tsɨəghe nyi ndô mə ndam ə ghənə̂zè lotə̂ tyə̂nə̀ kə nâʼà nə ghənə nyi se pàyn se tom zɛ ə è tsà kûmə̀ èkwu zɛ ə Klâys tè kwu awâmnè.